Taigawink
Ut Wikipedy
| Taigawink | ||||||
|---|---|---|---|---|---|---|
 |
||||||
| taksonomy | ||||||
|
||||||
| soarte | ||||||
| Anser fabalis |
De Taigawink (Anser fabalis) is in fûgel út de famylje fan de Einfûgels. Dizze goes hat in protte fan it Blaupoatsje mar wurd tsjinwurdich as in aparte soart sjoen.
De Taigawink is foar it grutste part griisbrun. Syn hals en kop binne donkerbrun, hjirtroch is de taigawind te underskieden fan de Blesgoes en de Skiere goes. Syn boarst en búk binne ljochtbrun by de sturt sels wyt. De wjukken binne wer in stik donkerder.
De snaffel is by de oanset swart en hat in swarte punt. Fierder is der oranje, de grutte fan it oranje stik is ferskillend by de ferskillende undersoarten fan de Taigawink. It mantsje en wyfke lykje in protte op inoar, it wyfke is wat lytser en lichter. De goes is 65-90 sm grut en hat in wjukspanwiidte fan 140-170 sm. De fûgels waage tusken de trije en fjouwer kilogram. Fan ringe eksimplaerren is útfoen dat de fûgels yn it wyld sa'n tweintich jier âld wurde kinne.
[bewurkje seksje] Fersprieding
De Taigawinken binne trekfûgels dy't steeds deselde bried- en oerwinteringsgebieten opsykje. Se briede op de toendra en taiga fanôf noard Skandinaavje oant it easten fan Sibeerje. Sy hawwe in protte oerwinteringsgebieten. Yn West-Europa bygelyks yn Denemark en de Noardseekust. Yn súd Sweden en de dútske Eastseekust. En ek wol mear nei it binnenlân yn it streamgebiet fan de Donau. By hiele kâlde winters lûke se fierder nei Spanje en Portugal en somtiden sels nei Marokko.
De eastsiberyske fûgels oerwinterje yn Sintraal-Aazje, foaral yn Iran en noch fierder nei it easten oerwinterje de fûgels yn Sina, Korea en Japan.
[bewurkje seksje] Iten
Yn it briedgebiet ite de Taigawinken gers, krûden en wetterplanten. By de hjerst ek wol beien en beantsjes, fan it lêste komt ek de ingelske namme Bean goose. Yn de gebieten dêr't se oerwinterje ite se meast woartels, jierpels en wat der mar mear by de boeren op it lân te finen is. De jonge fûgels binne noch net inkel fegetarysk mar ite ek wol ynsekten en lytste kreefteftigen.
[bewurkje seksje] Fuortplanting
De Taigawinken sykje yn harren tredde jier in partner der't se har hiele libben bybliuwe. Yn maart fleane de fûgels wer nei harren briedgebieten wer't se yn april en maaie begjinne te brieden. It wyfke bout in nêst ynder de strûken fan gêrs en mos en ek dunsfearren. It wyfke leit meastentiids 4-6 aaien en begjint te brieden as it lêste aai lein is sadat de jongen tagelyk útkomme. Nei sa'n 25-29 dagen komme de jongen út it aai, dy't nei sa'n oardel moanne fleane kinne. De jongen bliuwe noch wol in hiel jier by harren âlden.
