Seirbhís Phóilíneachta Thuaisceart Éireann

Ón Vicipéid, an chiclipéid shaor.

Meirge PSNI

Seirbhís Phóilíneachta Thuaisceart Éireann (as Béarla, Police Service of Northern Ireland, PSNI) an tséirbhís péas i dTuaisceart Éireann. Bunaíodh ar an 4 Mí na Samhna 2001 mar chomharba ar an gConstáblacht Ríoga Uladh (RUC), mar thortha d'Athbhreithniú Póilíneachta molta ag Comhaontú Aoine an Chéasta. Bhí sé mar choinníoll den comhaontú Coimisiún Neamhspleách ar Phóilíneacht do Thuaisceart Éireann a chur ar bun, ar a dtugadh an Coimisiún Patten mar gheall ar a chathaoirleach, Chris Patten. Diúltaíonn an páirtí polaitíochta Sinn Féin, a dhéanann ionadaíocht do thart ar an ceathrú cuid de mhuintir Thuaisceart na hÉireann, an PSNI a thacú go dtí go chomhlíontar an tuarascáil Patten ina iomláine.

Tá polasáí idirdhealaithe dearfaigh ag an PSNI de 50% dá chuid péas a liostáil as cúlra Caitliceach Rómhanach agus an 50% eile a liostáil as cúlraí neamh-Caitliceacha Rómhánacha, mar leigheas don easchothromaíocht ghéarr Phrotastúnach a bhíodh ann san RUC. Cumadh ainm agus siombailí na seirbhíse nach dtuga siad ar pobal amháin cúl a thabhairt don pobal eile. Ar a suaitheantas tá an cros Phádraig agus sé shiombail a bhaineann le traidisiúin difriúla agus coiteanna: an coróin, an cláirseach, an seamróg, an meá dlí agus cirt, an tóirse, agus an craobh labhrais.

Tá an tseirbhís arna stiúradh ag an mBord Póilíneachta Thuaisceart Éireann.

[athraigh] Ardchonstáblaí

Ardchonstábla a thugtar ar an bpéas sinsearach i gceannas na PSNI. Tá triúr duine ann a ghlac leis an bpost seo:

Ardchonstábla Sior Ronnie Flanagan OBE, ó thús bhunú na PSNI. Bhí Flanagan Ardchonstábla ar an RUC roimh ré.
Ardchonstábla Sealadach Colin Cramphorn, ón 1 Aibreán 2002 ar aghaidh. Bhí Cramphorn mar LeasArdchonstábla do Fhlanagan roimh ré, agus nuair a éirigh Flanagan as an bpost rinne Cramphorn an obair Ardchonstábla agus a raibh an Bord Póilíneachta ag lorg ar ionadaí buan. Meastar gur dhiúltaigh Cramphorn an post buan sin mar gheall ar na dualgais polaitiúla a bheadh i ndán do sa post.
Ardchonstábla Sior Hugh Orde OBE, ón 29 Bealtaine 2002. Lean Cramphorn ar aghaidh mar LeasArdchonstábla d'Ord suas chun Mean Fómhair 2002, nuair a ainmníodh é mar Ardchonstábla do Phéas Yorkshire Thiar.