Dwojołopjenaty pstruhačk
Z Wikipedije, swobodneje encyklopedije
Pstruhačk |
|
---|---|
systematika | |
Domena | Eukarioty |
Swět | Rostlinstwo |
klasa: | (Liliopsida) |
podklasa: | (Liliidae) |
porjad: | (Asparagales) |
swójba: | (Ruscaceae) |
ród: | Pstruhački (Maianthemum) |
družina: | Pstruhačk |
wědomostne mjeno | |
Maianathemum bifolium | |
(L.) F.W.Schmidt | |
Dwojołopjenaty pstruhačk (łaćonsce: Maianthemum bifolium) je rostlina ze swójby całtkowych rostlinow (łaćonsce: Convallariaceae) kotraž je nětko dźěl ruskusowych rostlinow (łaćonsce: Polygonatum verticillatum, Ruscaceae). Dalše serbske mjena su dwěnka (wobkedźbuj zo je dwěnka tež mjeno orchideje), mužik a žónka, dwułopješko a dźiwje całtki.
Wobsah |
[wobdźěłać] Wopis
Dwojołopjenaty pstruhačk je wjacelětna rostlina, kotraž dosahuje wysokosć wot 20 cm.
Stołpik je horjeka cunje seršćikaće kosmaty a ma nad stołpikowym srjedźišćom najčasćišo dwě krótkošiškatej, wutrobojtej łopjenje, kotrejž dosahujetej dołhosć wot 10 cm a šěrokosć wot 5 cm a stej na delnim boku kiwkaće kosmatej.
Kćěje wot meje hač do junije. Kwětnistwo je wjelekćenjowa, na kóncu stejaca kić, kotraž dosahuje dołhosć wot 5 cm. Kwěty su běłe, štyriličbne, małe, šiškate, dosahuja dołhosć wot 5 mm a steja po jednym w pažach šupiznojtych nošnych łopjenow. Kćenjowy stołpik je łopjenaty. Kćenjowe łopješka su swobodne, owalne, wróćozhibowane a dosahuja dołhosć wot 3 mm. Kćenja ma 6 stamenow. Płódnik je hornje stejacy.
Płód je kulojta, žołta hač do čerwjena jahoda z najčasćišo jenož 1 symjenjom a dosahuje wulkosć wot 6 mm.
Rostlina je jědojta. Młode rostliny ćěrja w prěnich lětach jenož jedne łopjeno, bjez toho zo bychu kćěłe. Po prěnim kćeću rostlina dale rosće z bóčnym pupkom z paže podzemskeho šupiznojteho łopjena. Kćenja wonjeja něžnje a wotdźěluja něšto nektara, z tym předewšěm přiwabjuja muchi.
Dwojołopjenaty pstruhačk je typiska sćinowa rostlina, kotraž bu wot insektow wopróšowana.
[wobdźěłać] Stejnišćo
Wón rosće w lisćowych a jehličkowych lěsach a so wostaji wapno.
[wobdźěłać] Přestrjeń
Dwojołopjenaty pstruhačk je we wulkich dźělach Europy z wuwzaćom iberiskeje połkupy, Islandskeje, Irskeje, južneho Balkana a Małoazije, w sewjernej Aziji, hač do Japanskeje rozšěrjeny.
[wobdźěłać] Žórła
- GU Maxi-Kompaß Blumen, ISBN 3-7742-3852-9, strona 157
- GU Naturführer Blumen, ISBN 3-7742-1507-3, strona 158
- Rězak, Filip: Němsko-serbski wšowědny słownik hornjołužiskeje rěče. Donnerhak, Budyšin (1920)
- Seidel/Eisenreich: BLV Bestimmungsbuch Blütenpflanzen, ISBN 3-405-13557-5, stronje 96-97
- Kral, Jurij: Serbsko-němski słownik hornjołužiskeje rěče. Maćica serbska, Budyšin (1927)