Kopytnik
Z Wikipedije, swobodneje encyklopedije
|
Kopytnik |
|
|---|---|
 |
|
| Kopytnik | |
| systematika | |
| Domena | Eukarioty |
| Swět | Rostlinstwo |
| klasa: | (Magnoliopsida) |
| podklasa: | (Asteridae) |
| porjad: | (Asterales) |
| swójba: | Zestajenkowe rostliny (Asteraceae) |
| podswójba: | (Asteroideae) |
| ród: | (Tussilago) |
| družina: | Kopytnik |
| wědomostne mjeno | |
| Tussilago farfara | |
Kopytnik (łaćonsce: Tussilago farfara) je rostlina ze swójby zestajenkow.
Wobsah |
[wobdźěłać] Wopis
Kopytnik dosahuje wysokosć 25 cm.
Kćenjowe stołpiki so pokazuja před łopjenami, su njehałuzate, husto kaž pawčina abo běłopjelsćojće kosmate, na delnim dźělu huste, na hornim dźělu kiwkate, z lancetojtymi šupiznołopješkami.
Łopjena steja na spódku, su jasnje stołpikowe, kulojte z wutrobojtu buchtu, na kromje hrube, mjez tym cuńšo zubate, na hornim boku słabje kosmate, na delnim boku husto běłopjelsćojte abo šěropjelsćojte.
Wón kćěje wot měrca hač do apryla. Kwěty su žołte. Kćenjowe hłójčki steja na kóncach a dosahuja šěrokosć mjezy 30 a 40 mm. Jazyčkowe kćenja su linealne, dosahuja dołhosć wot 14 mm, su mnoholičbne a kaž rołkowe kćenja su žołte.
Płód ma dołhi, židźany kosmokeluch.
Kćenja so wot muchow a pčołkow wopróšeja. Płody wětřik rozduwa.
[wobdźěłać] Stejnišćo
Wón rosće na brjohach, pućowych kromach, włóžnych rolach a smjećišćach.
[wobdźěłać] Přestrjeń
Kopytnik je w nimale cyłej Europje, sewjernej Aziji a sewjernej Africe rozšěrjeny.
[wobdźěłać] Podobne družiny
Podobny ród je Petasites (němsce Pestwurz).
- Petasites hybridus
- Petasites albus ma łopjena, kotrež su na delnim boku kiwkaće běłopjelsćojte. Rosće w srjedźnych horach, předalpach a Alpach.
- Petasites paradoxus ma łopjena, kotrež su na delnim boku husto běłopjelsćojte, 3-róžate hač do wutrobojte. Rosće we předalpskim kraju a Alpach.
[wobdźěłać] Wobraza
 rostlina |
 ilustracija |
 |
[wobdźěłać] Žórła
- GU Maxi-Kompaß Blumen, ISBN 3-7742-3852-9, strona 75
- GU Naturführer Blumen, ISBN 3-7742-1507-3, stronje 82-83
- Kral, Jurij: Serbsko-němski słownik hornjołužiskeje rěče. Maćica serbska, Budyšin (1927)
- Rězak, Filip: Němsko-serbski wšowědny słownik hornjołužiskeje rěče. Donnerhak, Budyšin (1920)
- Seidel/Eisenreich: BLV Bestimmungsbuch Blütenpflanzen, ISBN 3-405-13557-5, stronje 52-53
- Völkel, Pawoł: Hornjoserbsko-němski słownik, Ludowe nakładnistwo Domowina, Budyšin (1981)
