Rujany
Z Wikipedije, swobodneje encyklopedije
Tutón nastawk Rujany z temu kupa je po hesle na druhi nastawk podobny. Druhe hesło wokrjes Rujany ma temu krajny wokrjes. |
Rujany | ||
połoženje | Baltiske morjo |
|
koordinaty | ||
přestrjeń | 926 km² | |
najwyše městno | Piekberg: 161 m | |
stat | Němska | |
teritorij | Mecklenburgsko-Předpomorska | |
wobydlerstwo (2001) | 73.000 | |
Rujany je najwjetša kupa Němskeje. Wona leži před pomorskim pobrjohom Baltiskeho morja a słuša k Mecklenburgsko-Předpomorskej. „Wrota“ ke kupje Rujany su hanseatiske město Stralsund. Kupa, přez Rügendamm a Strelasundbrücke nad 2 km šěroki Strelasund z twjerdźu zwjazana, ma maksimalnu dołhosć wot 52 km (wot juha do sewjera), maksimalnu šěrokosć wot 41 km w juhu a přestrjeń wot 926 km². Cyłkowna dołhosć pobrjoha Rujanow je 574 km. Jeje postawa je přez mnoholičbne mórske zaliwy ale tež wustupne połkupy a krajne jazyki jara sylnje rozčłonkowana.
Kupa Rujany twori hromadźe z kupu Hiddensee a někotrymi mjeńšimi kupami zarjadnisce krajny wokrjes Rujany z wokrjesnej stolicu Bergen auf Rügen. Dalše města su Sassnitz, Putbus a Garz/Rügen. Ale tež słušeja Baltiskomórske kupjele Binz, Sellin, Göhren, Baabe a Thiessow. Rujany buchu dla jich wšelakorych rjanosćow krajiny a dołhich, drobnopěskojtych kupanskich brjohow wot wjele dowolnikow wopytowane.
[wobdźěłać] Eksterne wotkazy
Předłoha:LBMV PPN
- Oficielna strona krajneho wokrjesa a Tourismusverbands
- wizlaw.de – Websydło wo słowjanskim wjerchowstwje Rujany w srjedźowěku so zaběra ze stawiznami Rujanow za čas Słowjanskeje doby (hač do lěta 1325) a z lubosćinskim spěwarjom (němsce de:Minnesänger) Wizlaw III. wot Rujanow.