Serbski rozhłós
Z Wikipedije, swobodneje encyklopedije
Serbski rozhłós je zhromadne pomjenjowanje za wusyłanja Srjedźoněmskeho rozhłosa (MDR) a Rozhłosa Berlin-Braniborska (RBB) w hornjo- a delnjoserbskej rěči. Delnjoserbske wusyłanja su tež pod mjenom Bramborske serbske radijo znate.
Programaj so na regionalnymaj žołmomaj inforadio Berlin-Brandenburg a MDR Radio Sachsen wusyłatej. Při tym wužiwatej so sćelakaj 93,4 MHz w Kalawje a 100,4 MHz we Wojerecach. Wot januara 2007 je móžno, Serbski rozhłós tež w interneće słyšeć.
[wobdźěłać] Wusyłanje w hornjoserbskej rěči
Serbski rozhłós wusyła wot póndźele do pjatka wot 5 do 8 hodź. a sobotu wot 6 do 9 hodź. swój rańši program z regionalneho studija w Budyšinje, njedźelniši program pak wot 11:00 hodź. do 12:30 hodź.
Młodźinski program Serbskeho rozhłosa mjenuje so Radijo Satkula a wusyła so kóždu póndźelu wot 20 do 22 hodź.
[wobdźěłać] Wusyłanje w delnjoserbskej rěči
Bramborske serbske radijo wusyła wot póndźele do pjatka wot 12 do 13 hodź. z regionalneho studija w Choćebuzu po slědowacej šemje:
- Póndźela: Łužyca cora a źinsa
- Wutora: Muzika – rad słyšana
- Srjeda: Magacin k połudnju
- Štwórk: Łužyske impresije
- Pjatk: Muzika a porucenja
Program wospjetuje so wječor wot 19.00 do 20.00 hodź. Kóždy prěni štwórk w měsacu je młodźinski magazin Bubak słyšeć. Njedźelniši program wot 12.30 do 14 hodz. sćěhuje bjezposrědnje na hornjoserbske wusyłanje z Budyšina.
