Hugh Blair
De Wikipedia, le encyclopedia libere
Hugh Edward Blair (1909-05-23 – , 1967-02-28)
Hugh E. Blair, nascite in le Statos Unite de America, esseva le assistente de Alice Vanderbilt Morris, le fundatrice del IALA. Ille esseva un membro del equipa recercatori al morte de Alice V. Morris in 1950 e pois deveniva le "mano derecte" de Alexander Gode. Usque a su morte, Blair esseva le plus intime collaborator de Alexander Gode.
Hugh E. Blair es le co-autor del "Interlingua Grammar".
Quando IALA esseva claudite le 31 de martio 1953, Hugh E. Blair accompaniava Alexander Gode al Division de Interlingua sub Science Service. Ci ille, con Gode, redigeva le nove magazin "Novas de Interlingua" - le successor natural de "Novas de IALA" - con un comité redactional international con membros in Suissa, Italia, Francia, Danmark, Grande Britannia, Canada e le SUA.
Isto ille quitava in le fin de 1955 pro startar su proprie firma. Ille esseva le secretario pro American Interlingua Society e redactor del magazin del societate, "Interlingua at Work".
Hugh E. Blair esseva un habile artista e linguista.
