Baráttusamtök eldri borgara og öryrkja
Úr Wikipediu, frjálsa alfræðiritinu
Baráttusamtök eldri borgara og öryrkja er íslenskur stjórnmálaflokkur sem var stofnaður 2007. Formaður er Arndís H. Björnsdóttir. Flokkurinn hefur gefið það út að boðið verði fram í öllum kjördæmum.[1]
Eftir að hafa borið saman bækur sínar hafa hópar aldraðra og öryrkja ákveðið að bjóða fram til kosninganna.[2] Félagasamtök umræddra hópa, þ.e.a.s. Landssamband eldri borgara, Sjálfsbjörg landsamband fatlaðra og Öryrkjabandalag Íslands, hafa gefið út yfirlýsingu þar sem þau undirstrika að þau komi ekki með beinum hætti að framboðinu heldur hvetji félaga „til að vera virka þátttakendur á vettvangi stjórnmálanna, hvar í flokki sem þeir standa, og sinna þannig borgaralegum réttindum og skyldum sem fullgildir þátttakendur í samfélaginu“.[3] Eftir að hafa unnið að undirbúningsvinnu í ríflega mánuð var stofnun Stjórnmálasamtaka eldri borgara og öryrkja tilkynnt 4. mars og stefnt sé að því að bjóða fram í öllum kjördæmum.[4] Einungis fjórum dögur síðar tilkynnti annar hópur, Áhugafólk um málefni eldri borgara og öryrkja, að ekki hefði tekist að sameina hópana tvo þrátt fyrir tilraunir til þess og að það hyggðist ekki bjóða fram af ótta við að veikja málstaðinn.[5]
[breyta] Tilvísanir
- ↑ Baráttusamtökin í öllum kjördæmum (30. mars 2007). Skoðað 23. apríl, 2007.
- ↑ Aldraðir og öryrkjar stofna til framboðs fyrir næstu Alþingiskosningar (23. janúar 2007). Skoðað 23. janúar, 2007.
- ↑ Heildarsamtök aldraðra og fatlaðra koma ekki að framboðum (26. janúar 2007). Skoðað 26. janúar, 2007.
- ↑ Stjórnmálasamtök eldri borgara og öryrkja stofnuð (4. mars 2007). Skoðað 8. mars, 2007.
- ↑ Hætt við annað framboð eldri borgara og öryrkja (8. mars 2007). Skoðað 8. mars, 2007.
