Fyrrum Sovétlýðveldi

Úr Wikipediu, frjálsa alfræðiritinu

Fyrrum Sovétlýðveldi (líka kölluð fyrrum Sovétríki) eru ríkin sem urðu til þegar Sovétríkin leystust upp árið 1991. Þeim er oftast skipt í fimm flokka eftir staðsetningu, menningu, sögu og fleiru:

• Eystrasaltslöndin: Eistland, Lettland og Litháen.
• Mið-Asía: Kasakstan, Kirgistan, Tadsjikistan, Úsbekistan og Túrkmenistan.
• Kákasus: Georgía, Armenía og Aserbaídsjan.
• Austur-Evrópa: Úkraína, Hvíta-Rússland og Moldóva.
• Rússland er venjulega haft í flokki út af fyrir sig út af einstæðri stöðu sinni á svæðinu.

Þau eru öll, að Eystrasaltslöndunum undanskildum, í Samveldi sjálfstæðra ríkja sem stundum er litið á sem einskonar „arftaka Sovétríkjanna“, þrátt fyrir að vera einungis samstarfsvettvangur, ekki sambandsríki eins og Sovétríkin voru.