Menntaskólinn við Hamrahlíð
Úr Wikipediu, frjálsa alfræðiritinu
| Stofnaður | Árið 1966 |
|---|---|
| Nemendafélag | Nemendafélag Menntaskólans við Hamrahlíð (NFMH) |
| Staðsetning | Hamrahlíð 10, 105 Reykjavík |
| Sími | 595 5200 |
| Fax | 595-5250 |
| Tölvupóstfang | mh@mh.is |
| Gælunöfn | MH, Hamrahlíðarskóli |
| Gælunöfn nemenda | MHingar |
| Heimasíða | www.mh.is |
Menntaskólinn við Hamrahlíð (skammstöfun: MH) er íslenskur menntaskóli sem var stofnaður árið 1966 og útskrifuðust fyrstu nemar þaðan með stúdentspróf árið 1970. Fyrstu árin, eða til ársins 1972, var bekkjakerfi í notkun í MH en síðar tók skólinn upp, fyrstur á Íslandi, svokallað áfangakerfi þar sem nemendur velja nokkur sjálfstæð námskeið (sem kallast áfangar) á hverri önn í stað þess að nemendur skiptist í bekki sem sækja alla kennslu saman. MH var líka fyrsti skólinn á Íslandi sem bauð upp á nám í öldungadeild með kennslu á kvöldin. Fyrsti rektor skólans var Guðmundur Arnlaugsson. Núverandi rektor skólans er Sigurborg Matthíasdóttir.
Efnisyfirlit |
[breyta] Almennar upplýsingar um skólann
Húsakynni skólans eru við Hamrahlíð í Hlíðahverfinu í Reykjavík. Skólabyggingin er á tveimur hæðum og einkennist af stóru opnu rými á hvorri hæð. Rýmið á neðri hæðinni kallast Matgarður en á efri hæðinni er Miðgarður. Öðru megin Miðgarðs er salurinn, sem kallast Mikligarður, en hinu megin er svæði sem kallast Útgarður og er undir beru lofti. Í skeifu umhverfis Miklagarð, Miðgarð og Útgarð liggur gangur. Frá honum er gengið inn í flestar kennslustofur skólans og þær liggja ýmist að útveggjum eða að Útgarði. Hluti af neðri hæðinni er kallaður Norðurkjallari. Þar hefur Nemendafélag MH starfsaðstöðu. Þar eru haldnir fundir og samkomur, en einnig tónleikar og kvikmyndasýningar. Við austurhlið skólabyggingarinnar standa nú yfir miklar framkvæmdir þar sem verið er að reisa stórglæsilega viðbót við skólann. Þar munu verða kennslustofur, viðbót við bókasafn MH og íþróttahús sem lengi hefur vantað og hafa nemendur MH gjarnan reynt að vekja athygli almennings á skorti á íþróttahúsi, meðal annars með söngtexta sem inniheldur orðin „Við viljum íþróttahús, frið á jörð og gleðileg jól.“ Tvær kennslustofur skólans eru svokallaðar bráðabirgðakennslustofur, litlir skúrar fyrir aftan skólabygginguna.
Á sínum fyrstu árum var MH skilgreindur sem tilraunaskóli og fengu stjórnendur hans heimild til þess að fara nýjar leiðir á ýmsum sviðum og var það gert. Þar var stofnuð fyrsta félagsfræðibrautin og tónlistarbrautin.
Við MH er líka starfræktur skólakór, Kór Menntaskólans við Hamrahlíð, sem og kór fyrir eldri og útskrifaða nemendur skólans, Hamrahlíðarkórinn. Kórstjóri þeirra beggja er Þorgerður Ingólfsdóttir.
Menntaskólinn við Hamrahlíð er framarlega hvað varðar þróun námsefnis og kennsluaðferða fyrir fatlaða, þó sérstaklega blinda og heyrnarlausa. Auk þess er MH eini menntaskóli landsins sem býður nemendum að útskrifast með alþjóðlegt stúdentspróf, eða af IB (International Baccalaureate Diploma) braut. Auk hennar býður skólinn upp á félagsfræðibraut, náttúrufræðibraut og málabraut.
Við skólann starfa ýmis félög, má þar nefna t.d. leikfélagið og Nemendafélagið (NFMH).
Leikfélag Menntaskólans við Hamrahlíð hefur löngum hlotið mikið lof og oft á tíðum þótt besta menntaskóla leikfélag landsins. Margir af frægari leikurum landsins hafa stígið sín fyrstu skref með leikfélaginu.
[breyta] Norðurkjallari Menntaskólans við Hamrahlíð
Norðurkjallarinn er aðstaða Nemendafélags MH. Þar er m.a. að finna skrifstofu Nemendafélagsins, NFMH, auk aðstöðu fyrir nemendur yfir skóladaginn. Nemendafélag MH hefur Norðurkjallara á leigu frá skólanum og þar eru reglulega haldnir tónleikar, málfundir og aðrir atburðir á vegum nemendafélagsins eða nemenda MH.
Fjöldi innlendra tónlistarmanna hefur stigið á sviðið í Norðurkjallara og má t.d. nefna Stuðmenn, Megas, I Adapt, Snafu, Andlát, Mínus, Ham, Jagúar og Bæjarins bestu.
Einnig hafa tónlistarmenn af erlendu bergi brotnir spilað í Norðurkjallara og ber þá helst að nefna Autechre, Kid Koala og Kid Carpet.
[breyta] Skólameistarar
[breyta] Þekktir einstaklingar sem hafa verið í MH
- Arnaldur Indriðason, rithöfundur
- Atli Rafn Sigurðarson, leikari
- Árni Sigfússon, bæjarstjóri Reykjanesbæjar og fyrrv. borgarstjóri
- Ástríður Thorarensen, eiginkona Davíðs Oddssonar
- Bergljót Arnalds, rithöfundur og leikkona
- Birna Anna Björnsdóttir, rithöfundur
- Björk Guðmundsdóttir, söngkona
- Bragi Ólafsson, tónlistarmaður og rithöfundur
- Broddi Broddason, útvarpsþulur
- Edda Björgvinsdóttir, leikkona
- Eggert Pálsson, slagverksleikari
- Egill Ólafsson, Stuðmaður
- Eiríkur Tómasson, lagaprófessor
- Eyþór Arnalds, tónlistar- og athafnamaður
- Gestur Jónsson, lögmaður
- Grímur Atlason, bæjarstjóri Bolungarvíkur
- Gunnar Svavarsson, formaður fjárlaganefndar alþingis og forseti bæjarstjórnar Hafnarfjarðar
- Halldór Halldórsson, fjölmiðlamaður og skáld
- Halldóra Geirharðsdóttir, leikkona
- Helgi Hjörvar, alþingismaður og fyrrverandi borgarfulltrúi
- Hjálmar Árnason, alþingismaður
- Hreinn Loftsson, lögfræðingur
- Hugo Þórisson, sálfræðingur
- Ilmur Kristjánsdóttir, leikkona
- Jakob Frímann Magnússon, Stuðmaður
- Jóhanna Halldóra Sveinsdóttir, rithöfundur (lést 1995)
- Jón Gnarr Kristinsson, fjöllistamaður
- Karl Ágúst Úlfsson, leikari, leikstjóri og þýðandi
- Kristinn Ágúst Friðfinnsson, prestur
- Kristinn Sigmundsson, söngvari
- Magnús Þór Gylfason, framkv.stjóri borgarstjórnarflokks Sjálfstæðisflokksins og fv. formaður Heimdallar
- Matthías Kristiansen, þýðandi
- Matthías Matthíasson, söngvari Papa
- Mist Þorkelsdóttir, tónskáld
- Oddný Sturludóttir, rithöfundur
- Ólafur F. Magnússon, borgarfulltrúi
- Páll Óskar Hjálmtýsson, söngvari
- Ragnar Jón Hrólfsson, Trymbill
- Ragnar Önundarson, framkvæmdastjóri MasterCard - Kreditkorts hf
- Ragnheiður Gröndal, söngkona
- Regína Ósk, söngkona
- Sigurður Bjóla Garðarsson, fyrrverandi Stuðmaður
- Sigurður Geirdal, fv. bæjarstjóri í Kópavogi (lést 2005)
- Sigurður Flosason saxófónleikari
- Sigurður G. Tómasson, útvarpsmaður
- Silja Hauksdóttir, rithöfundur og leikstjóri
- Sveinn Viðar Guðmundsson, prófessor, Frakklandi
- Stefán Eiríksson, Lögreglustjóri
- Stefán Ólafsson, prófessor
- Tómas Tómasson, Stuðmaður
- Valgeir Guðjónsson, fyrrverandi Stuðmaður
- Valgerður Matthíasdóttir, sjónvarpskona
- Þórhildur Líndal, lögfræðingur
- Þórður Árnason, Stuðmaður
- Þórólfur Árnason, fv. borgarstjóri
- Þórunn Valdimarsdóttir, Rithöfundur og sagnfræðingur
[breyta] Tenglar
| Íslenskir framhaldsskólar |
|---|
|
Borgarholtsskóli | Fjölbrautaskóli Snæfellinga | Fjölbrautaskóli Suðurlands | Fjölbrautaskóli Suðurnesja | Fjölbrautaskóli Vesturlands | Fjölbrautaskólinn á Sauðárkróki | Fjölbrautaskólinn í Breiðholti | Fjölbrautaskólinn í Garðabæ | Fjölbrautaskólinn við Ármúla | Flensborgarskólinn í Hafnarfirði | Framhaldsskólinn á Húsavík | Framhaldsskólinn á Laugum | Framhaldsskólinn í Austur-Skaftafellssýslu | Framhaldsskólinn í Vestmannaeyjum | Iðnskólinn í Hafnarfirði | Iðnskólinn í Reykjavík | Kvennaskólinn í Reykjavík | Landbúnaðarháskóli Íslands | Menntaskóli Borgarfjarðar | Menntaskólinn á Akureyri | Menntaskólinn á Egilsstöðum | Menntaskólinn á Ísafirði | Menntaskólinn í Kópavogi | Menntaskólinn að Laugarvatni | Menntaskólinn í Reykjavík | Menntaskólinn Hraðbraut | Menntaskólinn við Hamrahlíð | Menntaskólinn við Sund | Sjómannaskólinn í Reykjavík| Verkmenntaskóli Austurlands | Verkmenntaskólinn á Akureyri | Verzlunarskóli Íslands |
