rarna'u

From Wikipedia

.i ca'e zo rarna'u cu sinxa gonai ro namcu poi zmadu li 0 (to no'u li 1 ce li 2 ce li 3 ce li 4 li'o toi) gi ro namcu poi na mleca li 0 (to no'u li 0 ce li 1 ce li 2 ce li 3 li'o toi) .i loi rarna'u goi ko'a pamoi le'i namcu klesi poi lo verba cu cilre ke'a gi'e traji leka lenu jimpe ce'u cu frili

.i ko'a ralju se pilno ge le nu kancu (to mu'a «lu ci plise cu cpana le jubme li'u» toi) ge le nu porgau (to mu'a «lu ti cimoi le'i tcadu po'e le natmi le ka ce'u barda li'u» toi)

.i lo selkai be lo rarna'u kuku poi srana lesi'o fedyka'e cu pagbu lo sizna'u cmaci .i lo selkai poi srana lenu kancu cu pagbu lo cuxna cmaci

[edit] ni'o satci smuni

.i le nu satci selmungau loi rarna'u goi ko'a pu no'e frili .i le se sruma pe la PE,anos cu skicu lo ckaji poi ro xamgu smuni cu nibli ke'a ku no'u di'e

.itu'e

• li mo'e li no cu rarna'u
• .icebo ganai da rarna'u gi da lamli'e de noi se sinxa li na'u se lamli'e mo'e da
• .icebo no rarna'u cu lamli'e li mo'e li no
• .icebo da poi rarna'u ku'o de poi rarna'u zo'u go li na'u se lamli'e mo'e da cu dunli li na'u se lamli'e mo'e de gi da dunli de
• .icebo ganai da ckaji li mo'e li no lo'o e le se lamli'e be ro se ckaji be da gi da ckaji ro rarna'u (to lacri dei ledu'u lenu cmaci nunsucta cu se smuni toi)

tu'u

.i ko jundi ledu'u li mo'e li no lo'o pe di'u ka'e na sinxa li no poi fadni .i li mo'e li no cu sinxa pa namcu poi ke'a joi lo se lamli'e fancu cu mansa le se sruma pe la PE,anos