ბადრი პატარკაციშვილი
ვიკიპედიიდან
არკადი (ბადრი) პატარკაციშვილი (დ. 31 ოქტომბერი, 1955. თბილისი — გ. 12 თებერვალი, 2008, ლონდონი) — ქართველი ბიზნესმენი, ჰოლდინგის სს "ი-მედიას" დამფუძნებელი, საქართველოს ეროვნული ოლიმპიური კომიტეტის ყოფილი პრეზიდენტი.
[რედაქტირება] ბიოგრაფია
ბადრი პატარკაციშვილი დაიბადა თბილისში, საქართველოს სსრ. მშობლები: ნათელა და შალვა პატარკაციშვილები. მეუღლე — ინნა გუდავაძე. შვილეები: ლიანა (დაბადებული 1980 წ.) და ინნა (დაბადებული 1983 წ.). დაამთავრა საქართველოს პოლიტექნიკური ინსტიტუტი. იყო თბილისის მაუდ-კამვოლის კომბინატ "საბჭოთა საქართველოს" თანამშრომელი, შემდეგში ამავე კომბინატის დირექტორის მოადგილე. 1990 წელს იყო "ლოგოვაზის" კავკასიის რეგიონალური წარმომადგენლობის დირექტორი, 1992-93 წწ.-ში გენერალური დირექტორის მოადგილე და პირველი მოადგილე 1994 წელს. ასოციაცია "როსიისკიე ავტომობილნიე დილერი"-ს ვიცე-პრეზიდენტი (1994-95). იყო რუსეთის საზოგადოებრივი ტელევიზიის (ОРТВ) გენერალური დირექტორის მოადგილე და 1996-2001 წწ.-ში გაერთიანებული ბანკის (რუსეთი) დირექტორთა საბჭოს თავმჯდომარე. 2001 წელს რუსული ტელეკომპანია ТВ-6-ის გენერალური დირექტორი და დირექტორთა საბჭოს თავმჯდომარე. 2001 წლიდან მოღვაწეობს საქართველოში. არის ჰოლდინგ სს "ი-მედიას" დამფუძნებელი და ინვესტორთა ჯგუფის ხელმძღვანელი. საქართველოს ოლიმპიური ფონდის დამფუძნებელი და 2002-2007 წლებში საქართველოს ოლიმპიური კომიტეტის პრეზიდენტი. "ბადრი პატარკაციშვილის საქველმოქმედო ფონდის" დამფუძნებელი.
გარდაცვალება :
ლონდონში ცნობილი ქართველი ბიზნესმენი, პრეზიდენტობის ყოფილი კანდიდატი ბადრი პატარკაციშვილი, 12.02.2008, გვიან ღამით გულის შეტევით გარდაიცვალა. ბიზნესმენ ბადრი პატარაკაციშვილის გარდაცვალების ფაქტი მისი პრესსამსახურმაც დაადასტურა.ოჯახის სხვა ახლობლები კი აცხადებენ, რომ ბადრი პატარკაციშვილი იყო სრულიად ჯანმრთელი.
პატარკაციშვილი 52 წლის იყო.