ნინოწმინდის რაიონი

ვიკიპედიიდან

ნინოწმინდის რაიონი — ადმინისტრაციული რაიონი სამცხე-ჯავახეთის მხარეში. რაიონის ტერიტორია 1917 წლამდე ტფილისის გუბერნიის ახალქალაქის მაზრაში შედიოდა, 1917-30 წლებში — ახალქალაქის მაზრაში, 1930 წლიდან ცალკე რაიონია. რაიონის სამხრეთ-დასავლეთი საზღვარი ემთხვევა საქართველო-თურქეთის, ხოლო სამხრეთი — საქართველო-სომხეთის სახელმწიფო საზღვარს.

სექციების სია 1 ბუნება 2 მოსახლეობა 3 მმართველობა 4 ეკონომიკა 5 კულტურა 6 ღირსშესანიშნაობანი

[რედაქტირება] ბუნება

მდებარეობს ჯავახეთის ვულკანურ ზეგანზე, შემოსაზღვრულია თრიალეთის, ჯავახეთის, ნიალისყურის და აბულ-სამსარის ქედებით. მისი უდაბლესი წერტილია 1800 მ (ფარავნის ტბა), უმაღლესი — 3189 მ (მთა გოდორები). ტერიტორია — 1354 კვ.კმ., მათ შორის სასოფლო-სამეურნეო სავარგულებს უკავია 130 კვ.კმ. რაიონის ტერიტორიაზე მიედინება მდინარეები ფარავანი მცირე შენაკადებითურთ. რაიონი ცნობილია ტბათა სიმრავლით: ფარავანი, ხანჩალი, საღამო, მადათაფა, ბუღდაშენი და სხვა.

[რედაქტირება] მოსახლეობა

მოსახლეობის რიცხოვნობა — 34 ათასი კაცი; სიმჭიდროვე — 25 კაცი კვ.კმ-ზე. რაიონში 32 დასახლებული პუნქტია: 1 ქალაქი, 31 სოფელი.

[რედაქტირება] მმართველობა

რაიონის ადგილობრივი თვითმმართველობის უმაღლესი ორგანოა რაიონის საკრებულო, აღმასრულებელი ორგანო - რაიონის გამგეობა. მმართველობის ადმინისტრაციული ერთეულებია:

• ქალაქის საკრებულო — 1: ნინოწმინდა;
• დაბის საკრებულო — 8: განძნის, დიდი კონდურის, გორელოვკის, დიდი ხანჩალის, ეშტიის, სათხის, ტამბოვკის, ფოკის;
• სოფლის საკრებულო — 1: ჯიგრაშენი.

[რედაქტირება] ეკონომიკა

წამყვანი დარგია სოფლის მეურნეობა, მათ შორის მთავარია მეცხოველეობა, მარცვლეულის მოყვანა და მეკარტოფილეობა. მრეწველობა სუსტადაა განვითარებული. რაიონის ტერიტორიაზე გადის მარაბდა-ახალქალაქის რკინიგზა, ასევე ახალციხე-ერევნის საავტომობილო გზა.

[რედაქტირება] კულტურა

რაიონში 39 სახელმწიფო ზოგადსაგანმანათლებლო სკოლაა, 15 ბიბლიოთეკა, 3 თეატრი და 3 მუზეუმი (ვაჰან ტერიანის სახლ-მუზეუმი სოფ. განძანში).

[რედაქტირება] ღირსშესანიშნაობანი

არქიტექტურის ძეგლთაგან აღსანიშნავია: საღამოს, ფოკას, ყაურმის, განძანის ეკლესიები, რომლებიც X-XIII საუკუნეებით თარიღდება.

სამცხე-ჯავახეთის მხარე

ადიგენის რაიონი | ასპინძის რაიონი | ახალქალაქის რაიონი | ახალციხის რაიონი | ბორჯომის რაიონი | ნინოწმინდის რაიონი