ვიკიპედია:რჩეული ფოტოები
ვიკიპედიიდან
|
რჩეული სურათები ვიკიპედიაში ამ გვერდზე თავმოყრილია სურათები, რომლებიც ჩვენი აზრით შესანიშნავია, შოკში ჩამგდებია, წარმტაცია და ინფორმატიულია. ეს არის ვიზუალური ექვივალენტი რჩეული სტატიების და, შესაბამისად, უფრო მეტად სუბიექტურიცაა. ამჟამად ამ გვერდზე მხოლოდ რამდენიმე ფოტოსურათია, ვინაიდან ქართულ ვიკიპედიაში ეს რუბრიკა სულ ახლახან დაიწყო, კერძოდ კი 2006 წლის ივნისში. თუ გსურთ სპეციფიური სურათის დამატება ამ გვერდზე, გთხოვთ წამოაყენოთ იგი გვერდზე ვიკიპედია:რჩეული ფოტოსურათის კანდიდატები. ამ გვერდზე წამოყენებული სურათები თავისუფალი ლიცენზიის უნდა იყოს. ამ გვერდზე მოხვედრილი ფოტოებიდან ერთ-ერთი პერიოდულად განთავსდება მთავარ გვერდზე. |
არქივი  სხვა რჩეული მასალა |
სექციების სია |
[რედაქტირება] შემდეგი
 |
ცვარი სურათზე: ცვარი ზამბახზე. ავტორი: ფრიდრიხ ბოჰრინგერი |
[რედაქტირება] ამჟამად მთავარ გვერდზე
 |
ბესლეთის ხიდი (ასევე თამარის ხიდი) – XII საუკუნის ქართული კულტურის მატერიალური ძეგლი სოხუმთან, მდ. ბესლეთზე. ხიდთან ადრე ბესლეთის ციხე მდგარა, რომელიც ვიწრო ხეობაში ქალაქის შემოსასვლელს მთის ტომების თავდასხმებისგან იცავდა. ხიდის თავთან ბოლო დრომდე შემონახული იყო მონუმენტური ქვა-სტელა ქართული ტექსტით. 1990-იანი წლების დასაწყისში სტელა დაიკარგა. ხიდის გარდიგარდმო დღემდე შემორჩენილია ქართული ასომთავრული წარწერები. სურათზე: ასომთავრული წარწერები ბესლეთის ხიდზე. ავტორი: უცნობი |
[რედაქტირება] მარტი
.jpg/200px-Gremi,_Kakheti_(1).jpg) |
გრემი – ქართული ხუროთმოძღვრების ძეგლი ყვარლის რაიონის სოფ. გრემის აღმოსავლეთით. აგებულია 1565 წელს კახთა მეფე ლევანის მიერ. მოხატვა 1577 წელს დაუმთავრებიათ. გეგმით სწორკუთხა შენობა ნაშენია აგურით, აქა-იქ რიყის ქვაა ნარევი. შიგა სივრცეს, საკურთხევლის კუთხეებსა და ორ სვეტზე დაყრდნობილი გუმბათი აგვირგვინებს. ფასადი დაყოფილია სამ-სამ თაღოვან მონაკვეთად. ასეთივე, შეისრული თაღები ამშვენებს რვასარკმლიან გუმბათის ყელსაც. ტაძრის სათოფურებიანი გალავანი ამავე დროს სიმაგრეც იყო. ტაძრის აგებამდე გორაკზე კოშკურა შენობა მდგარა, რომლის მესამე სართულზე შემდგომ სამრეკლო დაუშენებიათ. სურათზე: გრემი კავკასიონის ფონზე. ავტორი: ანდრეი კალამკაროვი |
 |
საკურა (იაპ. サクラ, ლათ. Prunus serrulata) დეკორატიული ალუბლის ხის იაპონური სახელია. მისი ყვავილების შეფერილობა გრადირებს მკვეთრი-ვარდისფერიდან თეთრამდე. მისი ნაყოფი, დამარილებული ფოთლები და ყვავილები საკვებად გამოიყენება. საკურა, ძველთაგანვე პატივცემული იაპონელების მიერ, იაპონიისა და იაპონური კულტურის სიმბოლოდ ითვლება. „იაპონური საკურას საზოგადოებამ“ 27 მარტს, დაწყებული ჰეისეის მეოთხე წლიდან (1992), საკურას ყვავილობის დღესასწაული შემოიღო, რომელსაც მსოფლიოს მრავალ ქვეყანაში აღნიშნავენ. სურათზე: იაპონური ალუბალი გაზაფხულზე. ავტორი: ნინო ბარბიერი (სხვა რჩეული ფოტოები...) |
 |
ვულკანი — (ლათ. Volcanus, Vulkan – ვულკანუს) კონუსისებური მთა, რომელიც შექმნილია დედამიწის ზედაპირზე მისი ქერქიდან ამოფრქვეული ლავის გადაადგილების და გაცივების შედეგად. აფეთქების სიძლიერის მიხედვით ვულკანი სამი სახისაა: შედარებით მშვიდი, ძლიერი და ძალიან ძლიერი. ვულკანიდან ნივთიერება სამ მდგომარეობაში ამოიფრქვევა: თხევადია - ლავა, მყარია - ვულკანური ფერფლი, მტვერი, ტალახი და ქვები, გაზობრივი - წყლის ორთქლი, ნახშირორჟანგი და სხვა. ვულკანის ამოფრქვევისას, ფერფლთან და მტვრის უწვრილეს ნაწილაკებთან ერთად, ხშირად დიდი მოცულობისა და რაოდენობის მყარი მასალაც გამოიტყორცნება, რაც ლავაზე არანაკლებ საშიშია. ბუნებრივი კატასტროფებიდან ვულკანური მოვლენები ყველაზე საშინელი შედეგებით გამოირჩევა. სურათზე: ვულკან სტორმბოლის ამოფრქვევა (იტალია), 100 მ სიმაღლეში. რამდენიმე წამიანი ექსპოზიცია. წყვეტილი ტრაექტორიები წარმოადგენს ლავას გავარვარებულ ნაწილებს. ავტორი: ვოლფგანგ ბაიერი |
[რედაქტირება] თებერვალი
 |
კაუსტიკა (ლათ. causticus < ბერძნ. Καυστίκος, καυστός – მწვავე) ზედაპირი, რომელიც შემოვლებულია სინათლის კონის ირგვლივ — სხივების შეყრის ადგილას ლინზაში მათი გარდატეხის ან სარკეში არეკვლის შემდეგ. კაუსტიკა დაიკვირვება მცირე სიღრმის აუზების ფსკერზე, ბროლის ჭაღით განათებულ ოთახში, ან წყლით სავსე ჭიქის განათებისას. ცისარტყელა წვიმის წვეთებით შექმნილი კაუსტიკაა. კაუსტიკას იყენებენ სამეცნიერო კვლევებში. სურათზე: კაუსტიკა, შექმნილი ბროლის ჭიქაში სინათლის გავლით. ავტორი: პიტერი |
 |
1945 წლის 13-14 თებერვალს სამეფო საჰაერო ძალების ცეცხლოვანი დაბომბვისა და აშშ-ის არმიის საჰაერო ძალების დამატებითი იერიშის შედეგად დრეზდენი, გერმანიის ერთ-ერთი უძველესი და ულამაზესი ქალაქი მდინარე ელბაზე, ფერფლად იქცა. მასიურმა დაბომბვამ ცეცხლოვანი შტორმი გამოიწვია, რომელმაც ყველაფერი შთანთქა მის გზაზე. ამ განთქმულ ფოტოსურათზე, რომელიც დრეზდენის მერიის კოშკიდან არის გადაღებული, აუგუსტ შრეიტმიულერის ქანდაკება "სიკეთე" დანგრეულ ქალაქს გადაჰყურებს. სურათზე: დრეზდენი 1946 წელს. ავტორი: რიხარდ პეტერი |
 |
იუნანი ჩინეთის სახალხო რესპუბლიკის ერთ-ერთი ყველაზე მრავალფეროვანი რეგიონია ტროპიკული, სუბტროპიკული, ზომიერი და ალპური ზონების მცენარეთა სახეობებით. აქ არის ასევე ქვეყნის ყველაზე ნაყოფიერი მიწები, რის გამოც სოფლის მეურნეობას რეგიონის ეკონომიკაში წამყვანი ადგილი უჭირავს. რეგიონში ძირითადად მოჰყავთ ჩაი, შაქრის ლერწამი, თამბაქო და ბრინჯი, ამასთან ეს უკანასკნელი წელიწადში სამ მოსავალს იძლევა.
|
 |
მათემატიკაში ერატოსთენეს საცერი მარტივ რიცხვთა ცხრილის შედგენის ადვილი, უძველესი ალგორითმია. ეს არის თანამედროვე ატკინის საცერის წინამორბედი, რომელიც უფრო სწრაფია და უფრო კომპლექსური. ალგორითმი შექმნილია ძველი ბერძენი მათემატიკოსი ერატოსთენეს მიერ ძვ. წ. III საუკუნეში. სურათის ავტორი: სებასტიან კოპეჰელი სხვა რჩეული ფოტოები... |
[რედაქტირება] იანვარი
 |
ჰიმბა (Himba) ეთნიკური ჯგუფია ჩრდილოეთ ნამიბიაში, კუნენეს (ყოფილი კაოკოლანდი) რეგიონში. ეს არის მომთაბარე ხალხი, რომლის ძირითად საქმიანობას მესაქონლეობა წარმოადგენს. ჰიმბას ხალხს ტანსაცმელი თითქმის არ აცვია, თუმცა ქალები განთქმული არიან საკუთარი ტანის სხვადასხვა მცენარეულობების ზეთებითა და საცხებით მორთვით მზისგან თავის დასაცავად. ეს ნარევი მათ კანს მოწითალო ელფერს აძლევს. თანამედროვე ჩაცმულობა ამ ტომში იშვიათია და თითქმის მხოლოდ მამაკაცებისთვის არის განკუთვნილი. სურათზე: ჰიმბას ტომის ახალგაზრდა ქალი |
 |
ბრიტანეთის დედოფალი მარიამი, ასევე ცნობილი როგორც მარიამ ტეკელი, ბრიტანეთის მეფე ჯორჯ V-ის მეუღლე და ინდოეთის დედოფალიც გახლდათ. დედოფლობამდე იგი ჯერ იორკის, შემდეგ კორნუოლის ჰერცოგი და უელსის დედოფლისწული იყო. დედოფალი მარიამი განთქმული იყო ფორმალური ღონისძიებებისთვის საგანგებოდ თვალ-მარგალიტებით უზადო მორთვით და სამეფო საგვარეულოს ძვირფასეულობის ფასდაუდებელი კოლექცია დაუტოვა. სურათი: აშშ-ის კონგრესის ბიბლიოთეკა |
 |
საწვავის დამპინგი პრაქტიკაა, რომელსაც საწვავის გამომფრქვევით აღჭურვილი თვითმფრინავები იყენებენ გარკვეული სახის ავარიულ ვითარებებში. სურათზე RAAF F-111 თვითმფრინავი საწვავის „გადასხმისა-და-დაწვის“ დამპინგს ასრულებს ავსტრალიის საერთაშორისო ავიაშოუზე. ამ ტიპის საწვავის დამპინგს "ზიპოსაც" უწოდებენ. სურათის ავტორი: ჯონ ო'ნილი |
 |
ნიბლია, ასევე სკვინჩა (ლათ. Fringilla coelebs) მთიულასებრთა ოჯახს ეკუთვნის. საქართველოს ზოგ კუთხეში წიფლის ჩიტსაც ეძახიან. ტანად პატარა (სხეულის სიგრძე 17 სმ აღწევს), მგალობელი ფრინველია. ბინადრობს ყველგან, უმთავრესად კი მთის ტყეებში. ზამთრობით დაბლობებში უფრო მეტია. აპრილში დებს 4 კვერცხს, კრუხობს მხოლოდ დედალი. იკვებება მცენარის თესლით (განსაკუთრებით სარეველებით), ნაყოფით და სხვა ნაწილებით, კენკავს მწერებსაც. საქართველოში ბინადრობს ქვესახეობა კავკასიური ნიბლია (Fringilla coelebs solomkoi).
|
 |
ზამთარი ერთ-ერთია ოთხი სეზონიდან ზომიერ სარტყელში. მეტეოროლოგიური ზამთარი უმოკლესი დღეებითა და ყველაზე დაბალი ტემპერატურით ხასიათდება. შესაბამისად, ზამთარს თოვლი და სიცივე ახლავს, განსაკუთრებით იმ რეგიონებში, რომლებიც ეკვატორიდან უფრო შორსაა. იშვიათი მეტეოროლოგიური ფენომენი ზამთარში ყინულის ნისლია, რომელიც ძალიან დაბალ ტემპერატურაზე (-10°C-ზე დაბლა) იქმნება.
|
