სოხუმი
ვიკიპედიიდან
ქალაქი
სოხუმი
Аҟəа
|
სოხუმი - ქალაქი საქართველოში, აფხაზეთის ავტონომიური რესპუბლიკის დედაქალაქი და სოხუმის რაიონის ადმინისტრაციული ცენტრი. ქალაქად გამოცხადდა 1848 წელს. მოსახლეობა 120 ათასი (1991 წ.). სოხუმი კონფლიქტამდე საქართველოს ერთ-ერთი მნიშვნელოვანი სამრეწველო, სატრანსპორტო (საზღვაო პორტი, რკინიგზის სადგური, აეროპორტი), კულტურული და საკურორტო-ტურისტული ცენტრი იყო.
1992-1993 წლის რუსეთ-საქართველოს კონფლიქტის შემდეგ ქალაქმა დაკარგა თავისი მნიშვნელობა. 1993 სექტემბერს, რუსულმა ჯარმა, ადგილობრივ სომეხ და ჩრდილო-კავკასიელ მოხალისეებთან ერთად, შტურმით აიღო სოხუმი.
სოხუმი გაშენებულია უმთავრესად მდინარეების გუმისთისა და კელასურის ქვემო დინებათა შორის მოქცეულ დაბლობ-ვაკეზე, მისი სამხრეთ-აღმოსავლეთი ნაწილი - მდინარეებს ბესლეთსა და კელასურს შორის მდებარე ვიწრო სანაპირო დაბლობ-ვაკეზე. ქალაქის დასახლება ვრცელდება გორაკ-ბორცვებზე, რომლებიც ზღვისპირა ვაკეს ჩრდილოეთ-აღმოსავლეთით ესაზღვრება. სოხუმის ფართობი 23,3 კმ².
[რედაქტირება] ისტორიული ცნობა
ქალაქის ძველი სახელწოდება ცხუმი (აქედან თურქიზებული ფორმა სუხუმ-სოხუმ), აფხაზური სახელწოდება - აყუა. სოხუმის მიდამოები დასახლებულია ძველი ქვის ხანიდან. გვიანდელი ბრინჯაოს ხანიდან აღმოსავლეთ შავიზღვისპირეთის მნიშვნელოვანი პუნქტია. ძვ. წ. VI საუკუნეში მილეთელმა ბერძენმა ვაჭრებმა აქ სავაჭრო ფაქტორია დიოსკურია დააარსეს. ძვ. წ. I საუკუნეში რომაელებმა დაიპყრეს, შემდგომში ააგეს ციხესიმაგრე და ქალაქს სებასტოპოლისი უწოდეს. VI საუკუნის დასაწყისში სოხუმი ბიზანტიის გამგებლობას ემორჩილება. 542 ირან-ბიზანტიის ომის დროს, ბიზანტიის იმპერატორ იუსტინიანე I-მა გაიყვანა ჯარები სოხუმიდან და დაარღვია მისი სიმაგრე. 565 მანვე აღადგინა ქალაქი და ციხესიმაგრე. სოხუმი კვლავ დაწინაურდა. VIII საუკუნის ბოლომდე სოხუმი აღმოსავლეთ შავიზღვისპირეთში ბიზანტიელთა ერთ-ერთი საყრდენი პუნქტი იყო. 736 ქალაქი დაარბია არაბთა ლაშქარმა მარვან იბნ მუჰამადის (მურვან ყრუ) სარდლობით. VIII საუკუნის ბოლოდან სოხუმი ცხუმის საერისთავოს ცენტრია. აქვეა საეკლესიო კათედრალი, საქართველოს ფეოდალური სახელმწიფო ძლიერების ხანაში (XI-XIII სს.) სოხუმი კვლავ აყვავებას განიცდის. XIV საუკუნის დასაწყისიდან გენუელები (იტალია) სავაჭრო ფაქტორიას აარსებენ. 1451 ქალაქი მცირე ხნით ოსმალებმა აიღეს. მეორედ ოსმალებმა ქალაქი აიღეს XVI საუკუნის II ნახევარში.
ლამაზი მდებარეობის გამო ოსმალები სოხუმს "მეორე სტამბოლს" ეძახდნენ. სოხუმი აფხაზეთში ოსმალთა ბატონობის დასაყრდენი გახდა. 1724 ოსმალებმა აქ არსებული ციხესიმაგრე კიდევ უფრო გაამაგრეს და სუხუმ-კალე (სოხუმის ციხე) უწოდეს. 1725 და 1728 ადგილი ჰქონდა ანტიოსმალურ აჯანყებებს, მაგრამ ქალაქი ოსმალთა ხელში რჩებოდა. 1771 წელს აჯანყების შემდეგ ქალაქი განთავისუფლდა, მაგრამ მცირე ხნით. ოსმალებმა იგი კვლავ დაიკავეს. XVIII საუკუნის ბოლოს სოხუმი აფხაზეთის მთავრის რეზიდენციაა. ოსმალთა ბატონობის ხანაში ქალაქი დაქვეითდა. იგი ტყვეებით ვაჭრობის ერთ-ერთი პუნქტი გახდა. 1810 სოხუმი რუსეთის ჯარმა გაათავისუფლა. XIX საუკუნის 30-იან წლებში დაიწყო სოხუმის აღორძინება. 1832 წელს გაიხსნა საბაჟო. 1846 ნავსადგურად გამოცხადდა. 1847 წლიდან ქალაქის სტატუსი მიიღო.
[რედაქტირება] ქალაქის ღირშესანიშნაობები
ბაგრატიდთა ეპოქის (XI ს.) ნანგრევები, ბოტანიკური ბაღი, სტალაქტიტური მღვიმეები სოფელ შრომასთან, უნიკალური ფერმა-ლაბორატორია - პრიმატარიუმი. სოხუმში არის ცხუმ-აფხაზეთის ეპარქიის კათედრა და რეზიდენცია.
სოხუმთან 5 კილომეტრში, სოფელ ეშერაში განლაგებულია რუსეთის გასამხედროებული ლაბორატორია, რომელიც, საქართველოს მწვანეთა მოძრაობის ცნობით, მიწისქვეშა ბიძგების ხელოვნურ გამოწვევაზე ატარებს ცდებს.[საჭიროებს წყაროს მითითებას]
[რედაქტირება] გალერეა
|
|
---|---|
რაიონები | გაგრა · გალი · გუდაუთა · გულრიფში¹ · ოჩამჩირე¹ · სოხუმი · ტყვარჩელი² |
ქალაქები | ბიჭვინთა · გაგრა · გალი · გუდაუთა · ახალი ათონი · ოჩამჩირე ·სოხუმი · ტყვარჩელი |
სხვა დასახლებები | ბზიფი ·გულრიფში · გეჩრიფში · ლიხნი · მიუსერა · ფსხუ · ცანდრიფში |
¹ ზემო აფხაზეთის ნაწილი, რომელსაც საქართველოს ადმინისტრაცია აკონტროლებს. ² ეს რაიონი არ არის დე-იურე ცნობილი საქართველოს ადმინისტრაციულ დაყოფაში |
აფხაზეთი : სოხუმი · ტყვარჩელი · გაგრა · გუდაუთა · გალი · ოჩამჩირე · ახალი ათონი · გულრიფში · ბიჭვინთა · განთიადი · მიუსერა.
აჭარა : ბათუმი, ქობულეთი · მახინჯაური · ჩაქვი · ოჩხამური · ქედა · ხელვაჩაური · შუახევი · ხულო
გურია : ოზურგეთი, ლანჩხუთი · ლაითური · ნარუჯა · ნასაკირალი · ურეკი · ჩოხატაური
იმერეთი : ქუთაისი, ტყიბული · წყალტუბო · ჭიათურა · ბაღდათი · ვანი · ზესტაფონი · თერჯოლა · სამტრედია · საჩხერე · ხონი · შორაპანი · კულაში · ხარაგაული
კახეთი : თელავი, ახმეტა · გურჯაანი · დედოფლისწყარო · ლაგოდეხი · საგარეჯო · სიღნაღი · ყვარელი · წნორი
სამეგრელო : ზუგდიდი, აბაშა · მარტვილი · სენაკი · ფოთი · წალენჯიხა · ჯვარი · ხობი · ჩხოროწყუ
სამცხე-ჯავახეთი : ახალქალაქი, ახალციხე · ბორჯომი · ვალე · ნინოწმინდა · ბაკურიანი · ბაკურიანის ანდეზიტი · წაღვერი · ახალდაბა · ადიგენი · აბასთუმანი · ასპინძა
რაჭა-ლეჩხუმი-სვანეთი : ამბროლაური, ონი · ცაგერი · მესტია · ლენტეხი · ხარისთვალა
ქართლი : გორი, კასპი · ქარელი · ხაშური · მცხეთა · დუშეთი · რუსთავი · ბოლნისი · გარდაბანი · დმანისი · თეთრი წყარო · მარნეული · წალკა · დიდი ლილო · კოჯორი · კაზრეთი · მანგლისი · თამარისი · შაუმიანი · ბედიანი · თრიალეთი · სურამი · აგარა · ზაჰესი · ახალგორი · ჟინვალი · ფასანაური · თიანეთი · სიონი · ყაზბეგი
რესპუბლიკის დაქვემდებარების ქალაქები : თბილისი · რუსთავი · ფოთი
*კურსივით აღნიშნულია დაბები.