Кыргыздар
Wikipedia дан
Улут, Кыргыз Республикасынын негизги калкы. Жалпы саны 3128 миң адам (1999 ж). Көпчүлүгү Кыргызстанда, чакан топтору Өзбекстанда, Тажикстанда, Казакстанда, Кытайда, Афганистанда, Түркияда жашайт. Түрк тилдеринин кыргыз-кыпчак тобуна кирген кыргыз тилинде сүйлөшөт. Антропологиялык жактан монгол расасынан Түштүк Сибирь бөлүгүнө кирет. Борбор Азиянын байыркы элдеринин бири. "Кыргыз" этноними чыгыш элдеринин айрым жазма булактарында гяньгунь, хягяс, гэгунь жана башка транскрипция менен биздин заманга чейин 203-201 жылдарда, Борбордук Азиядагы этностук жана саясий бирикменин наамы катары байыркы түрк жазма эстеликтеринде (болжол мен 6-9 кк.), Тяншанда жашаган элдин наамы катары араб, перс жана башка жазма булактарында (10-16 кк.) жолугат.
