Кыргызстан

Wikipedia дан

Кыргыз Республикасы


Кыргыз Республикасынын Мамлекеттик Туусу	Кыргыз Республикасынын Мамлекеттик Герби
Кыргыз Республикасынын Мамлекеттик Гимни

Дүйнөдөгү орду

Кыргызстан

Эгемендүүлүгү
- Жарыяланган

СССР-дeн,
31-чи август 1991

Мамлекеттик тили

Кыргыз тили
(Орус тили расмий түрдө колдонулат )

Борбор калаасы

Бишкек

Эң ири шаарлары

Бишкек, Ош, Жалалабат

Президенти

Курманбек Бакиев

Премьер-министри

Алмаз Атамбаев

Аянты
Бардыгы

85-чи орунда
198.500 км²

Суу аянты

3.6%

Калкы:
Саны

Жыштыгы

60-чы орунда
5 264 000(2005)
147-чи орунда
25/км²

ИДП

135-чи орунда
$10 626 000 000 (2005)

Улуттук акча бирдиги

Кыргыз Сому KGS (1993)

Жергиликтүү убакыт

UTC+6

Интернет домени

.kg

Эларалык телефон коду

+996

Кыргызстан, Кыргыз Республикасы – Орто Азиянын түндүк-чыгышында жайгашкан. Өлкө түндүктөн Казакстан, батыштан Өзбекстан, түштүк-батыштан Тажикстан, ал эми түштүк –чыгыштан Кытай Эл Республикасы менен чектешет. Кыргызстандын калкы 5 миллиондон ашуун адам. Анын 66,9% кыргыздар, 14,14% өзбектер, 10,65% орустар жана 8,31% калган улаттар түзөт. Жалпысынан өлкөдө 80ден ашык улуттардын өкүлдөрү жашайт. Жалпы калктын 32,8% 14 жашка чейинки балдар түзөт. Эмгекке жарамдуулар калктын 56,1%, ал эми ишке жарамдуулардан улуулар – 8,7% түзөт. Кыргызстан – Чыгыш менен Батышты бириктире турган тогуз жолдун тоомунда – борбордук азия цивилизациясынын кан жолунда жайгашкан. Сулайман тоо, Өзгөндөгү тарыхый комплекс, Саймалуу таштагы сүрөттөр, Манастын күмбөзү, Таш-Рабат тарыхый кербен сарайы, Бурана мунарасы кыргыз жеринин байыркы тарыхтан калган кереметтери катары бааланат.

1 Борбору
2 Областтары
3 Шаарлары.
4 Жер, суулары
5 Мамлекеттик түзүлүш
6 Майрамдары
7 Шилтемелер

[оңдоо] Борбору

Бишкек шаары

[оңдоо] Областтары

[оңдоо] Шаарлары.

Баласагын
Балыкчы шаары
Баткен шаары
Жалалабат шаары
Кант
Каракол шаары
Каракөл шаары
Карасуу
Кочкората шаарчасы
Кызылкыя шаары
Майлуусуу шаары
Нарын шаары
Ош шаары
Өзгөн
Сүлүктү шаарчасы
Талас шаары
Ташкөмүр шаары
Токтогул шаарчасы
Чолпоната шаары
Tокмок шаары

[оңдоо] Жер, суулары

Кыргыз Республикасынын аймагы батыштан чыгышка карай 900 чакырымга, ал эми түндүктөн түштүккө карай 410 чакырымга созулат. Кыргызстандын аянты 199,9 миң квадрат чакырым.

Деңиз деңгээлинен орточо бийиктиги 2750 метр, эң бийик жери - 7439 метр (Жеңиш чокусу), эң жапыс жери - 394 метр (республиканын түштүк-чыгыш аймагында). Кыргызстан - тоолуу өлкө. Республикада түстүү жана сейрек учурай турган металлдар, көмүр жана башка кен-байлыктар бар. Климаты континенталдуу. Дарыялары негизинен Сырдарыяга куят, анын башкы булагы - Нарын). Ысыккөл, Соңкөл, Чатыркөл, Сарычелек сыяктуу кооз көлдөр бар.

Аксы
Акталаа
Аларча
Алабел
Алабука
Жеңиш чокусу
Нарын
Ысыккөл
Атбашы

[оңдоо] Мамлекеттик түзүлүш

Кыргыз Республикасы - эгемендүү, унитардык, укуктук, динден тышкары, демократиялык республика. Азыр колдонулуп жаткан Конституциясы 1993 жылы кабыл алынган.
Кыргыз Республикасында мамлекеттик бийликке Кыргыз Республикасынын Президенти, Жогорку Кеңеши, Өкмөтү жана ага баш ийген аткаруу бийлик органдары, Конституциялык Соту, Жогорку Соту, жергиликтүү соттору жана судьялары өкүлчүлүк кылат жана жүзөгө ашырышат.
Мамлекет башчысы - бүткүл эл тарабынан беш жылга шайланган Президент.
Жогорку мыйзам чыгаруучу органы — Жогорку Кеңеш (парламент). 2003 жылдагы референдумдун жыйынтыгы менен 2005 жылдан тартып бир палаталуу парламент (беш жылга шайланган 75 депутат) иштей баштаган.
Өкмөт премьер-министрден (президенттин көрсөтмөсү боюнча парламент дайындаган), вице-премьер-министрлерден жана министрлерден турат.
Шайлоо укугу 18ге толгон бардык атуулдарга берилген.

[оңдоо] Майрамдары

Кыргыз Республикасынын майрамдары

[оңдоо] Шилтемелер

Күнкорсуз Мамлекеттер Шериктештиги
Азербайжан \| Армения \| Беларусь \| Грузия \| Казакстан \| Кыргызстан \| Молдова \| Орусия \| Тажикстан \| Түркмөнстан \| Өзбекстан \| Украина