Bomba atomica

E Vicipaedia

Bomba atomica seu pyrobolus atomicus est genus armorum ad nocendum ex nucleorum fissione atomorum energiam permagnam obtinenti, cuius destructionis potestas est immanis. Totius urbis vastandae una bomba atomica est capax, quemadmodum civitatium Hirosimae et Nagasacii interitus in Bello Orbis Terrarum II confectione infeliciter probantur. Bello Orbis Terrarum II finito, bomba atomica nulla contra urbem ullam denuo usurpata est, sed experimenta quam plurima in aperto iam facta sunt.Huius temporis autem nationes, praecipue Civitates Foederatae Americae, computatris eruptionis atomicae simulandae gratia optime adhibentur.

Index

1 Historia
2 Physica Bombae Atomicae
- 2.1 Energia aequalis massae
- 2.2 Fissio Nucleorum Atomorum
3 Quomodo bombam atomicam conficere (rustice explanatum)
4 Nationes bombas atomicas habentes
5 Vide etiam
6 Nexus externi

[recensere] Historia

J. R. Oppenheimer

Bombae atomicae primae a Civitatibus Foederatis Americae susceptu Manhattensi anno 1945 confectae sunt, quo scientiarum homines praecipue physici ex nationibus diversis et a J. Roberto Oppenheimer ducti in Novi Mexici deserto ad bombam atomicam fabricandam priusquam Hitler eam obtineret congregati sunt. Post annos nonnullos, difficiles computationes experimentaque faciendo physici die 16 Iulii 1945 primam bombam atomicam magno cum fragore in deserto prosperi ruperunt. Cum Germania a Bello Orbis Terrarum II iam exiisset et Iaponia in deditionem nondum venisset duae bombae atomicae super urbes Iaponiae iactae sunt, et paulo post dies bellum orbis terrarum II ad finem pervenit.

[recensere] Physica Bombae Atomicae

Einstein et Oppenheimer

[recensere] Energia aequalis massae

Anno 1905, Einstein notissimam formulam scripsit, quae energiae (E) massae (m) tribuit,

E=mc²

unde c celeritatem luminis denotavit. Cum celeritas luminis est magna, manifestum est exiguam massam in permagnam energiam vertere, quod parva computatione probatur. Si 1 gramma materiae omnino in energiam vertatur, tunc energia erit circum $9\cdot 10^{13}$ Joules, quae unam lampadam 100 Watts excitare per 29.000 fere annos potest. Qua de causa, bombae atomicae ratio est massam in energiam magnam convertere propterea ut urbes plene vastare possit.

Verumtamen dicere expedit nuclearem energiam non solum bellorum rebus esse utilem, sed etiam pacifico modo hominum societatibus energiae generandi gratiam inprimis in fabricis nuclearibus multis per totum orbem terrarum dispersis.

[recensere] Fissio Nucleorum Atomorum

Obtinendae energiae gratia bombae atomicae atomos magnos, ut Uranium-235 aut Plutonium-239, findunt secundum reactionis in catena praeceptos, sicut patet in figura. Cum neutrones celeres nucleum atomi Uranii-235 percutiunt, hanc reactionem inducunt

$U^{235}_{92} +n^1_0 \rightarrow Ba^{140}_{56} + K^{94}_{36} + 2n^1_0 +$ energia

unde energia est circa 200 MeV sive $3,2\cdot 10^{-11}$ Joules. Si duo resultantes neutrones duos alios Uranii-235 nucleos percutiant et eandem reactionem inducant , sic ad infinitum (theoretice) tunc reactio in catena fiat et energia quam plurima liberetur. Bomba atomica est machina capax reactionis in catena per sufficiens tempus sustinendi usque ad energias maximas uno tenore liberare.

[recensere] Quomodo bombam atomicam conficere (rustice explanatum)

[recensere] Uranii-235 amplificatio

Infeliciter solum isotopus Uranium-235 est fissilis, praeterea difficile inventu est quia proportio Uranii-235 in natura exstat circa 0,71% dum Uranium-238 habet 99,29% et non est fissilis. Ergo ad bombam atomicam conficiendam primum necesse est multitudinem Uranii-235 habere, quod ex evulsione uranii-238 in artibus proportionis Uranii-235 amplificationis fit, quod magnam technologiam requirit ideo nationes paucae Uranium-235 obtinere consequuntur.

[recensere] Massa critica

Neutrones nonnulli ex nucleari reactione resultantes alios nucleos non percutiunt nisi est massa uranii sufficiens magna ut omnes neutrones nucleos atomicos alios findant et reactio in catena tunc effici possit. Massa haec vocatur massa critica et circa 50 Kg est (Uranium-235 in forma sphaerae). Notum autem est huius massae magnitudinem usque ad 15 Kg minui posse si Uranium a tegumento neutronium reflectendorum capace sit indutum.

[recensere] Bombae atomicae fabricatio

Fig. II: Bomba atomica

Post Uranii-235 amplificationem et massae criticae adeptionem necesse est massam criticam segregare in partes subcriticas, et eas iterum coniungere tantummodum quando bomba atomica magno cum fragore rumpere debet. Ad hoc faciendum massae subcriticae disiunctae intus bombam ponuntur in partes duas distantes, quemadmodum videtur in figura II. Tunc, cum oportet bombam quam maximo vigore rumpere, parvum explosivum ex TNT factum facit duas partes in se mutuo coniungere et massam criticam formare, quae, si neutrones multi sunt (methodum ad neutrones obtinendos non hic exponetur), brevissimo tempore ad ultimum rumpit et energiam magnam liberat. Initium explosionis huius bombae fulmen soli maxime clarius est. Fulmen in bullam igni mutatur. Magnitudo bullae nonulla centum passuum est. Calor in medio bullae ignis solis centri calorem bis aut magis excedit. Hoc ingente calore aer bullam circumferens brevissime tempore expanditur. Calor bullae roburque expansionis aeris unius bombae totam urbem annihilare possunt.

[recensere] Nationes bombas atomicas habentes

Hae sunt nationes quae bombas habent atomicas:

Natio
Civitates Foederatae Americae	10240
Russia	8400
Francia	348 - 350
Britannia	185 - 200
Respublica Populi Sinarum	400 - 600
India	30 - 35
Pacistanum	24 - 48
Israel (suspicata)	75 - 200

[recensere] Vide etiam

Bomba Hydrogenii
Henricus Fermi
Ricardus Feynman

[recensere] Nexus externi