Cinematographia

E Vicipaedia

The Kiss (Osculum) anno 1896

Cinematographia (-ae, f.) est ars visualis qua photogrammata tam celeriter et continenter proiecta sunt ut fiant motus praestigiae. Verbum derivatur ab eo quod est "cinematographus" (Francogallice: cinématographe; Graece: κινηματογράφος), quo nomine fratres Lumière appellaverunt inventum suum.

Index

1 Ars et Industria
2 Historia
- 2.1 Aetas cinematographi muti
- 2.2 Aetas cinematographi sonori
3 Pelliculae Latinae
4 Vide etiam
5 Nexus externus

[recensere] Ars et Industria

Ars cinematographica solet etiam appellari septima ars, nempe post sex classicas artes: architecturam, sculpturam, musicam, picturam, et poesin. Industria cinematographica est hodie negotium magni momenti in locis ut puta Hollywood et Bombay.

[recensere] Historia

The Birth of a Nation (Ortus Nationis), anno 1915

Historia cinematographi coepta est die 28 Decembris 1895, cum fratres Augustus et Ludovicus Lumière, rerum inventores, in hypogeo Grand Café Lutetiae publice proiicierunt exitum operarum ab officina sua Lugduniensi, in qua placae {???} photographicae conficiebantur.

[recensere] Aetas cinematographi muti

Prima pellicula generis fictionis scientificae est Voyage dans la lune (Iter ad Lunam) a Georgio Méliès anno 1902 creata.

Edwin S. Porter duas graves pelliculas anno 1903 creavit: Life of an American Fireman (Vita Vigilis Americani) et The Great Train Robbery (Magnum Latrocinium Agminis), quae clara fuit quia ea erat prima occidua pellicula, et "cross-cutting," artem monstrandi actionis ubique simul, usa est.

Anno 1915, prima pellicula diutina (longior una hora) a Davide Wark Griffith creata est et The Birth of a Nation (ortus nationis) appellata est. Artem "cross-cutting" nobilitavit. Etiam magnam controversiam fecit quia de "KKK" agebatur.

[recensere] Aetas cinematographi sonori

Anno 1927, prima pellicula sonora creata est: The Jazz Singer (iazii cantor). Clara prima verba pelliculae erant "Expectate parumper, expectate parumper! Nondum quidquam audivistis!" ("Wait a minute, wait a minute! You ain't heard nothin' yet!").

[recensere] Pelliculae Latinae

Quamquam nonnullae sententiae in lingua Latina non paucis in pelliculis audiri possint, cinematographia tamen Latina valde exigua est. Non desunt tamen tituli:

Anno enim 1976, Angli rectores Derek Jarman et Paulus Humfress pelliculam componunt titulo Sebastiane (vocativo ut videtur casu), totam Latinam, in qua describuntur Sebastiani vita morsque, nempe martyris Christiani qui cum amores centurionis sui respueret sagittis est interfectus.

Anno vero 2004, edidit Mel Gibson, rector Australianus, pelliculam titulo The Passion of the Christ (Latine: Passio Christi), in quo ultimae Christi horae cruentissime describuntur. Pellicula est praesertim Latina (voce Vaticano moderno), quamquam Lingua Aramaica nonnumquam adhibetur.