Constantinopolis
E Vicipaedia
Constantinopolis (sed hodie potius nomine Turcico İstanbul, a verbis Graecis eis ten polin scil. "ad urbem" [1]) est urbs Turcica praeclara in extrema parte orientali Europae sive Thracia, nomine a magno Constantino sumpto. Initium habuit tamen humilius, in oppido quodam nomine Byzantium. Graeci a Megaris ibi habitabant circa annum 667 a.C.n., nomen civitatis sumentes a nomine eorum regis "Byzas". A Persis gubernatum 479 a.C.n.-444 a.C.n., Byzantium postea ad Graecos reverta est. Captum a Roma anno 196, Byzantium a Septimio Severo est instauratum et prospere agebat. Magnum momentum tamen civitatis anno 330 occurrit, cum imperator Constantinus eam declararet Novam Romam et caput Imperii Romani. Civitas officium illud tenebat tantum paucos per annos, sed munere capitis Imperii Romani Orientalis plus quam mille annos est functa.
Cum munere civili ut caput imperii, Constantinopolis assumpsit et munera ecclesiastica. Episcopus Byzantii factus est Patriarcha Constantinopolitanus, qui elevatus est a Concilio Constantinopolitano Primo in locum secundum post episcopum Romae. Varia Concilia Oecumenica locum tenuerunt vel in urbe vel prope urbem. Magnum symbolum civitatis, ecclesia Hagiae Sophiae, est exstructa anno 536 ab imperatore Iustiniano I, et rededicata est ab eodem 563 anno.
Civitas decrescebat cum Imperio Romano (quod Imperium Byzantinum a modernis historicis appellatur), et anno 1453 est capta a Turcis Ottomanicis et eorum caput facta. Post casum imperii Ottomanici, anno 1930, urbi nomen officiale datum est Istanbul, et nunc civitas est maxima rei publicae Turciae.
[recensere] Nota
- ↑ Confer vicipaediam Suecicam
