Imperium Ottomanicum

E Vicipaedia

Incrementa Imperii Ottomanici ab anno 1300 circa usque ad annum 1683

Imperium Ottomanicum (Ottomanice: دولتِ عَليه عُثمانيه, Devlet-i Aliye-i Osmaniye) erat una ex civitatibus maximis potentissimisque maris Mediterranei. Anno 1299 fundatum et anno 1923 dissolutum, tempore maximae potestatis in finibus suis terrae Asiae Minoris, Illyriae, Arabiae, et Africae Septentrionalis tenebat. Ottomani anno 1453 Constantinopolem caput Imperii Romani Orientalis ceperunt, et interdum in Europam Centralem progressi sunt, bis Vindobonam obsidentes, anno 1529 et anno 1683, accurate a die 17 Iulii usque ad diem 12 Septembris, cum Ioannes Sobieski Turcos vincit.

Et in Asia et in Europa situm, imperium per totam suam historiam necessitudines et cum Orienti et cum Occidenti habebat.

Imperium a gente Turcorum Oghuz in Anatolia Occidentali conditum est, et a progeniebus eorundem Turcorum regnatum. Imperator primus erat Osman I, conditor imperii de cuius nomine (Arabice: Uthmān, عُثمَان) appellatio Ottomanorum venit. Constantinopolis, anno 1453 capta, deinde caput novum imperii fuit. Saeculo XV, Suleimanus Magnificus, unus e ducibus maximis Ottomanicis, Bagdatum partemque magnam Hungariae cepit, et Vindobonam obsedit, sed urbem capere ex hieme non potuit. Postea, sultani fines extendere non potuerunt, et imperium bella in Persiam, Regnum Poloniae et Lithuaniae, Rutheniam, Austriam-Hunagriam gerens hebescebat.

Incepto saeculi XX imperium Bello Orbis Terrarum I a copiis foederatis, cum quibus et Arabi pugnabant, victum erat. Post bellum, gubernatio collapsa est, et victores terras imperii inter se diviserunt. Multae partes imperii secederunt; una ex quibus erat res publica Turciae. Familia sultanorum e finibus Anatoliae exterminata est, et Kemal Ataturk modernam civitatem condidit et vitam imperii maximi potentissimique terminavit.

[recensere] Vide etiam

Bassa

[recensere] Bibliographia

Albertus Howe Lybyer, The Government of the Ottoman Empire in the Time of Suleiman the Magnificent. Cambridge, Mass.: Harvard University Press, 1913 (ab AMS Press anno 1978 reimpressum: ISBN 0404146813)