Idioma djudeo-espanyol
From Wikipedia
ביאסי איסטי ארטיקולו אין לא גראפ׳ייא איברייא, ג׳אודיו־איספאנײל
El djudeo-espanyol o ladino (גודיאו-איספאנייול) es la lingua avlada por los sefardim, djudios ekspulsados de Espanya en 1492. Es una lingua derivada del espanyol i avlado por 150.000 personas en komunitas en Israel, Turkia, antika Yugoslavia, Gresia, Marroko, entre otros.
Ladino o "Djidio" es una lingua djudeo-romanse, kualo leksiko es derivado prisipalmente del Viejo Kastiyano i del Ebreo. La relasyon del Ladino kon el Espanyol Kastiyano o "Espanyol Halis" es parejida kon la del Idish ke favlavan los ashkenazim kon el Aleman. Los favlantes son aktualmente kaji i solo djudios sefaradim, kualas famiyas, por enshemplo, binieron de Salonika, Rodas, Izmir i Istanbul. Ama fina empesijos del siekolo XX, munchos goym la favlavan en Salonika, ande era la su lingua prinsipala.
El Ladino ay guadrado la prenunsiasion de los fonemas [ʤ] i [ʒ] del Viejo Kastiyano, kualos se trokaron en [x] en Kastiyano moderno. La "j" en /dijo/ es prenunsiada komo ח(ḥet)[x] en Espanyol Kastiyano, ansina en el Nord de Afrika, en la hakitia re-kastiyanizada del siekolo XIX, enmientras ke guadrada komo "j" franzesa[ʒ] o "dj" engleza[ʤ], o inda "sh"[ʃ], en muestra alingua. El Ladino tiene ansina un fonema [x] ke mos viene del Ebreo (ḥet seguido por kaf final o medial(חכ o חך). Tambien guadra la Z "francesa"[z], ke en espanyol kastiyano se troko en [θ] i en el espanyol de Amerika en [s].
En dingunas redjiones ansina se dezveloparon trokamientos mui proprios de muestra alingua i ke la defenrensian del Kastiyano Modenro, komo por enshemplo "muestro", "mozotros" i "eshfuenyo" por "nuestro", "nosotros" i "sueño" en Izmir i Estambol. Su estruktura gramatikala es muncho i bien parejida a la lingua espanyola, ama kon biervos a la orijin en Ivrit, Portuges, Franzes, Turko, Grego, i del Eslavo (Serbocroata i Bulgaro), de akodro a donde moraban los favlantes i por modre de la enfluensya politika i ekonomika de las otras linguas en la vida de kadaldia.
Partaja kon otros dialektos del Kastiyano (komo Andalus i Amerikano) el "YEISMO", ke kere dizir ke la diferensia entre LL (ly) i Y se depedrio. Ama, a deferensia del kastiyano andalus i del rioplatense, el fonema para LL y Y es Y (i semikonsonante) i no DJ o J (sonidos ke no se depedrieron en el djidio, dunke no se pueden trokar sin trokar la sinyifikasion).
Partaja tambien kon el espanyol halis la pedrida de la deferensya entre B i V, malgrado ke akorruto se auzan las dos letras en la eskritura, ama sin valor fonetiko. Sus vokales son las del kastiyano, i ansina las del ivrit sefardit de RaDaK: a, e, i, o, u.
El ladino no konose "USTED" non "VUESA/SU MERCED", komo si el espanyol kastiyano: para el tratamiento de respekto, se uza VOS en Marroko i EL / EYA en oriente.
Contents |
[editar] Nombre de la Lingua
El nombre "Ladino" es una variante de "Latin". La alingua es tambien yamada "Djudeo Espanyol", "Sefaradi", "Djidio" o "Djudio", "Djudezmo", i ansina simplemente "Espanyol", "Espanyolit" (komo en lashon) o "Espanyoliko muestro". Ansina, en el Nord de Afrika, Haquitía (ke puedeser ke seya del biervo Arabo haka حكى, "kontar/dizir") kere dizir el dialekto de los sefardim ke moraban en el Maghreb, espesyalmente en Marroko. En ORAN (Arjelia) se dizia ansina Tetuani, por modre de la sivdad del Marroko Tétouan, a kavza de ke munchos djidios de ke moravan en Oran venian de akea sivdad.
De akodro a Etnologo,
El nombre "Djudezmo" es uzado por los linguistos djidios, "Djudeo Espanyol" o solo "Djidio" por los djidios tukanos, "Judeo Spanish" por los filologos romansistos, "Ladino" por kaji todo el mundo, espesyalmente, en Israel i 'Hakitia' por los djudios marrokanos.
La orijin del biervo LADINO no es kolay. En la Espanya antes de la ekspulsion keria dizir solo ROMANCE. La unika "djudeo lingua" era el LADINO DE TARGUM, el ke auzaban los rabanim para tresladar / traduizir los eskritos en ivrit o arameo i ke las djentes pudieran meldar en eyos sin menester de un "ladinador". Por esto, autores komo Haim Vidal Sephiha guadran el biervo "Ladino" solo para la lingua uzada en las traduksyones relidjiozas komo la Biblia de Ferrara.
Este LADINO (djudeo espanyol kalko) es diferente de la lingua de kadaldia, el DJUDEO ESPANYOL VERNAKULAR porke:
1) El primero nunka se favlo en la vida kotidiana, ama si el sigundo
2) El primero se auzaba ya antes de la ekspulsion, enmientres ke el sigundo se dezvelopa en el eksilo sefaradi de la Mar Mediterraneo donpues de la ekspulsion (diferensiandosen el espanyol kastiyano i el djidio dezde empesijos del siekolo XVI)
3) El primero se guadra komo lingua de targum i liturjia / tefila ansina en el Eksilo Oksidental (Olanda, Londra i Fransya) ke en el Oriental i en el Maghreb / Nord de Afrika, enmientres ke el djudio espanyol vernakular se dezvelopa SOLO en el eksilo Mediterraneo.
4) El LADINO (Djudeo Espanyol KALKO) tiene un leksiko prinsipalmente espanyol (i kaji absolutamente romanse) ama una GRAMATIKA del Ivrit, es dizir, semitika, porke el targum respekta la logika del teksto original. Esta traduksion "palavra por palavra" trusho el menester de krear formas partikulares komo "dizien" para tresladar "omer" ("el ke dize"), i no idiomatikamente "disho" o "dize", o "era dizien" i no "dizia", komo se tresladaria en djudezmo (vernakular). Ansina topamos la reduplikasion del artikolo definido, komo en ivrit: sustantivo i adjektivo lo aresiven igualmente komo en ha-laylah ha-zeh, la noche la esta i no esta noche[1]). Este uzo del artikolo lo toparemos en la poesya i en el favlar afektivamente enfatiko en el djudeo espanyol vernakular, kon el objektivo de pareser viejo i literario.
El Djidio Vernakular es una lingua romanse, kon una gramatika kaji kompletamente komo la del Kastiyano en djeneral, ama kon una evolusyon propria en la fonetika i el leksiko. Tiene munchos biervos ke provienen de otras linguas, i partikularidades gramatikalas aisladas ke amostran la enfluensya de otras linguas (por enshemplo, salonikli o izmirli, del turko, o ladronim o haraganut, ande la terminasyon en ivrit se produize por el parejido del final -on i -an kon un markador de adjektivos en ivrit), ama es estrukturalmente i en majorita una lingua espanyola.
[editar] Istoria i Variantes
Fina la ekspulsion de la Espanya, la lingua de kaladia ke favlavan los djidios espanyoles era kaji i la mezma (si non la mezma) de la de los goym.
Ama donpues de la ekspulsion, la lingua de kadaldia (vernakular) fue enfluensiada por la lingua de "meldadura" (el ladino) i por las linguas lokales (komo Grego i Turko). Enmientres ke la lingua kastiyana -espanyola se dezvelopava paralelamente embasho la enfluensia i regulasion de la Akademia (kreada endjuntos la ekspulsion), las komunitades ke estavan leshos guadraron biervos i fonetika, ekspresiones i kantes, i dezveloparon sus proprio favlar kon reglas fonetikas partikulares i redjionalas, por enshemplo, espesyalmente en el dialekto turkano:
1) Metateza VCrV-VrCV: vedre, godro, guadrar, ande favlar espanyol konserva verde, gordo i guardar.
2) Nos-Mos: por ekstension del final de la primera persona plural (MELDA-MOS) se konstruye MOS MELDAMOS endjuntos kon NOS MELDAMOS, i ansi MOZOTROS. Siguro ke por atakanar los yerros al empesijo, se konstruye estonses MUESTROS i MOZOS.
3) SUE-ESHFUE (eshfuegra i eshfuenyo) o NUE-MUE (muevo, mueve (9), pero ESMUERA o NUERA, para no dizir MUERA ke kere dizir morir) en el favlar Turkano.
Ansina, se guadraron biervos de otros dialektos espanyoles ke se depedrieron en espanyol halis, komo LONSO (asturiano), KALER (katalan), ANYADA, ESKARINYO/ESKERENSYA i LUVYA (aragones) o A/INDA (galego-portuges), ansi ke biervos de orijin arabo (ALHAD) o grego (MELDAR).
Kon la arrivada de los anusim ("marranos") ke fuyieron de Portugal al Nord de Afrika i Salonika en el siekolo XVII, la enfluensya del portuges munchiguo un poko, por enshemplo, AVAGAR / AVAGARIKO. Yay kenes kreyen ke el favlar Monasterli i de Sarajevo (ande akorruto O-U i E-I, espesialmente kuando son las dalkavas letras de un biervo) esta enfluensiado por el favlar portuges.
Se deferensyan dos grandes grupos dialektales: el oksidental (hakitiya, tetauni), kon mas enfluensya del arabo, mas kontakto kon el espanyol halis i deferensias en biervos komo LEER (meldar solo para lo relidjiozo), i el oriental (djudezmo o djidio), ande pueden distingirse uno turkano i otro italo-balkaniko (kon las isolas de Rodas i Cos), kon mas enfluensia del italiano, el franzes i el turkano, afilu del grego i lenguas eslavas.
[editar] Ortografia
Aktualmente, el DJIDIO se eskrive mas akorruto en el Alefbet LATINO, ama yaya diferensyas entre las propuestas eksistentes. Por enshemplo, yay kenes kreyen en auzar una ortografia etimologika, ke guadre la esrkitura del siekolo kindje (XV), o adaptar a la del espanyol kastiyano aktual. En la Turkiya se uza el alefbet turkano, kualo es prisipalmente fonetiko, i en Fransya, es komun uzar la ortografia franzesa (espesyalmente "ch" i "tch" por "sh" i "ch"). Ama, avagar avagar, la ortografia de Aki Yerushalayim empiesa a tornarse mas komun (esta es la ortografia ke guadramos en este teksto i en Wikipedia en Ladino en Alefbet Latino).
Ansina se eskrive en alefbet ivrit, espesyalemente en Israel. Antikamente, era mas komun kon karakteres rashi ke en kuadrada, i se auzaba en una eskritura manuskrita partikolar i mui ermoza ke se yama SOLITREO. Este uzo de eskrivir romanse (djudio) en letras del alefbet ivrit se konose ansina komo "ALHAMIADO" (komo se yamaba tambien kuando era en letras arabes). Yay tekstos eskritos en alefbet grego (en Gresia) i siriliko (en la antika Yugoslavia i en Bulgaria) ama no era un uzo komun.
[editar] Alefbet en Ortografia Aki Yerushalaim
A: "alhad" (sunday, dimanche, domingo; del arabo "al- had", primer dia de la semanada), "arba" (eve, veille, víspera; del ivrit 'EREV)
B: prenunsiada sin diferensia kon V, "biervo" (word, mot, palabra), "bruyido" (noise, bruit, ruido), "boz" (voice, voix, voz)
CH: tsh, komo CH en engles i en kastiyano halis, "chapines" (shoes, chaussures, zapatos), "chikez" (childhood, enfance, niñez)
D: "debasho" (under, sous, bajo), "dubio" (doubt, doute, duda)
DJ: komo "jeep" en engles, "djudio" (jewish, juif, judío), "kunduradji" (shoemaker, cordonnier, zapatero)
E: "echar lashon" (to chat, bavarder, charlar), "eskerensya" (longing, regret, añoranza)
F: "fazer" (to do, faire, hacer), "fishugar" (to disturb, déranger, molestar)
G: g, siempre komo "gu" (fr, esp) o "gh" (ita), "golor" (smell, odeur, olor), "gizar" (to cook, faire la cuisine, cocinar)
H: X, komo "J" en kastiyano halis, "CH" en aleman o HET en ivrit, "hazino" (ill, malade, enfermo), "haham" (wise, sage, sabio; tambien, Rabi o Rubi emportante)
I: "ishalla" (God willing, plaise a Dieu, Ojalá), "inyeto" (grandson, grand fils, nieto)
J: komo "J" en franzes, "ijo" o "fijo" (son, fils, hijo), "vijitar" (to visit, rendre visite, visitar)
K: "kaji" (almost, presque, casi), "kale" (it must, il faut, debe) *(no se uzan C o Q para eskrivir sonido K)
L: "lonso" (bear, ours, oso), "luenga" (tongue, langue, lengua)
M: "mazaloso" (lucky, chanceux, suertudo), "merkar" (to buy, acheter, comprar)
N: "nono" (grandpa, grand père, abuelo), "negro" (bad, mauvais, malvado/malo) *** (la kulor es "preto" / black, noir, negro)
NY: komo Ñ en espanyol halis, GN en franzes o italiano, "anyada" (year, année, año), "esfuenyo" (dream, rêve, sueño)
P: "pishin" (quickly/fast, tout de suite/vite fait, en seguida/rápido), "pezgado" (heavy, lourd, pesado)
R: "ridoma" (bottle, bouteille, botella), "roz" (pink, rose, rosado)
S: "safanorya" (carrot, carrote, zahanoria), "sedakero" (beggar, mendiant, mendigo)
SH: komo SH en engles o CH en franzes, "shukur" (thanks, merci, gracias), "shushulera" (diarrhea, diarrhée, diarrea)
T: "tanyer" (to play an instrument, jouer un instrument, tocar un instrumento), "topar" (to find, trouver, encontrar)
U: "uniko" (only/unique, seul/unique, único), "umo" (smoke, fumée, humo)
V: prenunsiada sin diferensia kon B, "vava" (grand mother, grand mamman, abuela), "venir" (to come, venir, venir)
Y: siempre komo I, "yerrarse" (to make a mistake, se tromper, equivocarse), "yelado" (cold, froi, helado/frío)
Z: siempre komo Z franseza, "zor" (hard/difficult, difficile, difícil), "zirguela" (prune, prune, ciruela)
[editar] Kantes
Munchos kantes relidjiozos en Ladino son traduksiones del Ivrit. Por enshemplo, Ein k'Eloheynu en Ladino es:
- Non komo muestro Dio,
- Non komo muestro Sinyor,
- Non komo muestro Rey,
- Non komo muestro Salvador.
- Ken komo muestro Dio,
- Ken komo muestro Sinyor,
- Ken komo muestro Rey,
- Ken komo muestro Salvador.
- …
- Bendicho el muestro Dio,
- Bendicho muestro Sinyor,
- Bendicho muestro Rey,
- Bendicho muestro Salvador.
- Tu el muestro Dio,
- Tu el muestro Sinyor,
- Tu el muestro Rey,
- Tu el muestro Salvador.
- etc.
| Kuando el Rey Nimrod (Adaptation) | |
| Kuando el Rey Nimrod al campo saliya mirava en el cielo y en la estreyeriya vido una lus sankta en la djudería que havia de naser Abraham Avinu. |
|
| Abraham Avinu, Padre querido Padre bendicho, la luz de Israel. |
Abraham Avinu [our Father], dear father Blessed Father, light of Israel. |
| Luego a las comadres encomendava que toda mujer que preñada quedasse si no pariera al punto, la matasse que havía de nascer Abraham Avinu. |
Then he was telling all the midwives That every pregnant woman Who did not give birth at once was going to be killed because Abraham our father was going to born. |
| Abraham Avinu, Padre querido Padre bendicho, luz de Israel. ' |
Abraham Avinu, dear father Blessed Father, light of Israel. |
| La mujer de Terach quedó preñada y de día en día le preguntava ¿De qué tenéis la cara demudada? ella ya sabía bien qué tenía. |
Terach's wife was pregnant and each day he would ask her Why do you look so distraught? She already knew very well what she had. |
| Abraham Avinu, padre querido Padre bendicho, luz de Israel. |
Abraham Avinu, dear father Blessed Father, light of Israel. |
| En fin de nueve meses parir quería iva caminando por campos y viñas, a su marido tal ni le descubría topó una meara, allí lo pariría |
After nine months she wanted to give birth She was walking through the fields and vineyards Such would not even reach her husband She found a manger; there, she would give birth. |
| Abraham Avinu, Padre querido Padre bendixo a la luz de Israel. |
Abraham Avinu, dear father Father who blessed the light of Israel. |
| En aquella hora el nascido fablava "Andávos mi madre, de la meara yo ya topo quién me alexasse mandará del cielo quien me acompañará porque só criado del Dios bendito." |
In that hour the newborn was speaking 'Get away of the manger, my mother I will somebody to take me out He will send from the heaven the one that will go with me Because I am a servant of the blessed God.' |
| Abraham Avinu, Padre querido Padre bendicho, luz de Israel |
Abraham Avinu, dear father Blessed Father, light of Israel. |
| Por una Ninya (A song from Sofia, Bulgaria) |
For a Girl (translation) |
| Por una ninya tan fermoza l'alma yo la vo a dar un kuchilyo de dos kortes en el korason entro. |
For such a beautiful girl I will give my soul a double-edged knife pierced my heart. |
| No me mires ke'stó kantando es lyorar ke kero yo los mis males son muy grandes no los puedo somportar. |
Don't look at me; I am singing, it is crying that I want, my sorrows are so great I can't bear them. |
| No te lo kontengas tu, fijika, ke sos blanka komo'l simit, ay morenas en el mundo ke kemaron Selanik. |
Don't hold your sorrows, young girl, for you are white like bread, there are brunette girls in the world who set fire to Thessaloniki. |
[editar] Egzempio
Idioma djudeo-espanyol:
El djudeo-espanyol, djudio, djudezmo o ladino es la lingua avlada por los sefardim, djudios ekspulsados de la Espanya enel anyo 1492. Es una lingua derivada del espanyol i avlada por 150.000 personas en komunitas en Israel, la Turkia, antika Yugoslavia, la Gresia, el Marroko, Puerto Rico, la adá de Mayorka i la Turkiya, entre otros.
Kastilyano:
El judeoespañol o ladino es la lengua hablada por los sefardíes, judíos expulsados de España en 1492. Es una lengua derivada del español y hablada por 150.000 personas en comunidades en Israel, Turquía, la Antigua Yugoslavia, Grecia, Marruecos, Puerto Rico, la isla de Mallorca y Turquía, entre otros.
Inglit:
Judeo-Spanish or Ladino is a language spoken by the Sephardim, Jews expelled from Spain in 1492. It is a language derived from Spanish and spoken by 150,000 people in communities in Israel, Turkey, the former Yugoslavia, Greece, Morocco, Puerto Rico, the island of Mallorca and Turkey, among others.
[editar] Notes
- ↑ "Clearing up Ladino, Judeo-Spanish, Sephardic Music" Judith Cohen, HaLapid, winter 2001; Sephardic Song Judith Cohen, Midstream July/August 2003
[editar] Referensias
- Hemsi, Alberto: Cancionero Sefardí
- Molho, Michael: Usos y costumbres de los judíos de Salónica (1950)
- Markus, Shimon, Ha-safa ha-sefaradit-yehudit (the Judeo-Spanish language): Jerusalem, 1965
- Габинский, Марк А. Сефардский (еврейской-испанский) язык (M.A. Gabinsky. Sephardic (Judeo-Spanish) language, in Russian). Ştiinţa: Chişinău, 1992.
- Kohen, Elli; Kohen-Gordon, Dahlia. Ladino-English, English-Ladino: Concise Encyclopedic Dictionary. Hippocrene Books: New York, 2000
- Socolovsky, Jerome. "Lost Language of Ladino Revived in Spain", Morning Edition, National Public Radio, March 19, 2007. [1]
[editar] Vease tambien
- Autoridad Nasionala del Ladino
- Ladinokomunita
- Şalom
- Sefardim
- Djudaismo
- Linguas djudeo-romanses
- Djudeo-katalan
- Djudeo-italiano
- Djudeo-aragonez
- Djudeo-latin
- Djudeo-portuguez
- Djudeo-provenzal
- Djudeo-fransez
- Haketia
- Tetuani
- Mozarabic
- Idish
[editar] Enlases eksternos
- LadinoType™ - A Ladino Transliteration System for Solitreo, Meruba, and Rashi
- Ethnologue report for Ladino
- Ladinokomunita
- Autoridad Nasionala del Ladino
- The Ladino Alphabet
- Diksionario de Ladinokomunita
- Judeo-Spanish (Ladino) at Orbis Latinus
- Ladino music de SuZy y Margalit Matitiahu
- A randomly selected example of use of ladino on the Worldwide Web: La komponente kulinaria i linguístika turka en la kuzina djudeo-espanyola
- Israeli Ladino Language Forum (Hebrew)
- Diksionario de Ladinokomunita
