Geld

Vu Wikipedia, der fräier Enzyklopedie.

Geld (ofgeleet vu: gelt = Bezuelung, Tausch), ass en Tauschmëttel vum 2. Grad, dat en benotzen kann, fir ze kafen, ze bezuelen, Besoinen ze befriddegen a Verpflichtungen anzegoen oder opzeléisen. An der Regel ass d'Geldwiesen staatlech organiséiert. An de volkswirtschaftlech Theorien gëtt d'Notioun vum Geld ausféierlech behandelt.

Inhaltsverzeechnis 1 Funktiounen vum Geld 1.1 Mëttel fir ze bezuelen 1.2 D'Reservefunktioun vum Geld 1.3 D'Funktioun als Wertmeesser 2 Sorten vu Geld 2.1 Borgeld 2.2 Kontegeld oder Giralgeld 2.3 Scheck 2.4 Kaartegeld (Kreditkaarten) 2.5 Elektronesch Kaarten (franséisch:carte à puces) 3 D'Geschicht vum Geld 4 Kuckt och 5 Um Spaweck

[Änneren] Funktiounen vum Geld

D'Geld erfëllt dräi Funktiounen:

[Änneren] Mëttel fir ze bezuelen

Duerch d'Benotzen vum Geld gët et einfach, fir ze bezuelen. Mä et gët och méi einfach, duerch d'Zwëscheschaltung vu Geld Saachen ouni Verloscht ze tauschen, wéi dat fréier beim Troc (Tausch ouni Geld) de Fall war. Datselwecht ass och wouer fir d'Ofgleichen vun enger Schold. Fir d'Funktioun als universellt Mëttel beim Tausch erfëllen ze kënnen, muss genuch Geld am Ëmlaf sinn, an och an enger konstanter Quantitéit. Ass dat nët de Fall, verännert sech de Wert vum Geld a den Tausch gët schwiereg. Et kënnt dann zur Inflatioun zu engem Wertverloscht vum Geld an deem enge Fall oder zur Deflatioun am ëmgekéierten Fall.

[Änneren] D'Reservefunktioun vum Geld

D'Geld ka gespäichert ginn, duerch de Verzicht op eng Consommatioun. Sou erméglecht d'Geld eng Ausgab op méi spéit ze verleeën. D'Geld erlabt also d'Spueren, d'Constitutioun vu Reservepolsteren, d'Iwwerdroen vu Reserven vun enger Plaz op déi aner an d'Formatioun vu Kapital.

[Änneren] D'Funktioun als Wertmeesser

[Änneren] Sorten vu Geld

[Änneren] Borgeld

• • Geldschäiner. Mat Schäiner ginn grouss Beträg bezuelt. Beim Euro, fir nëmmen ee Beispill ze huelen, ginn et Coupuren, vun 5 Euro un bis zu 500 Euro.
  • Mënzen. Mënzen si Geldstëcker aus Metall. Dës Geldstëcker erméigléichen d'Bezuelen a klenge Beträg an hunn beim Euro e Wert vun héchstens 2 Euro. Hei si Biller als Beispill vu Mënzen an Eurowährung:

[Änneren] Kontegeld oder Giralgeld

Dat ass d'Geld op de Konten, dat kurzfrësteg disponibel ass. Zesummen mat dem Borgeld ergëtt sech d'Geldmass déi am am Ëmlaf.

[Änneren] Scheck

E Scheck ass eng schrëftlech Uweisung un eng Bank, fir e festgeluechten Betrag un de Proprietare oder de Besëtzer vum Scheck kurzfristeg ze bezuelen. Wa keen Numm um Scheck vermierkt ass, handelt ët sech ëm en Inhaberscheck (fr.: chèque au porteur). E gëtt dann un dee, deen e presentéiert, bezuelt, soss muss d'Persoun, bei senger Aléisung sech ausweisen. E nominativen Scheck kann iewer och un eng Drëttpersoun duerch e Vermierk op senger Rëcksäit weidergereecht ginn. Da gët vun endosséieren oder engem Endossement geschwat. Wien sécher goe wëllt, datt de Scheck nët gestuel gëtt oder verluer geet, deen barréiert säi Scheck mat zwéin paralleel Strëcher, an der Mëtt oder am lenken Eck vum Scheck (Barréierte Scheck: kuckt méi héich d'Bild). Da gëtt de Scheck nämlech nët bor ausbezuelt mä op engem Kont guttgeschriewen.

[Änneren] Kaartegeld (Kreditkaarten)

Et kann en och mat enger Kreditkaard bezuelen. Dat ass eng Kaart aus Plastik, déi vu Kreditkaart-Gesellschaften oder Banken emettéiert gëtt, déi dem Keefer erlaabt bis zu enger gewësser Kreditlimite anzekafen. De Keefer gët dann um Ënn vum Mount fir den Total vu sengen Akeef mat der Kaart belaascht an de Verkeefer kritt dann, no Ofzug vun enger Kommissioun, déi eenzel Beträg gutt geschriewen. Meeschten erlaaben d'Kreditkaart et och, fir Geldberträg bis zu enger fester Limite aus Bankautomaten opzehiewen. Et existéieren haut um internationale Plang folgend Kreditkarten:

• American Express
• Diners Club
• MasterCard (féier an Europa ënnert dem Numm Eurocard)
• Visa.

[Änneren] Elektronesch Kaarten (franséisch:carte à puces)

[Änneren] D'Geschicht vum Geld

[Änneren] Kuckt och

• Geldmass
• Inflatioun
• Deflatioun

[Änneren] Um Spaweck