John Belli

Vu Wikipedia, der fräier Enzyklopedie.

Den John Belli, gebuer den 12. Abrëll 1936 zu Dikrech, ass e lëtzebuergesche Sänger, Conférencier a Radiospeaker.

De John Belli huet seng Kannerzeit zou Ëlwen verbruecht, wou hien an der Musék an am Gesangveräin aktiv war.

1953 huet hien zu Dikrech gesongen an Theater gespillt. Hien huet an de Pionéierjoere vun Télé Luxembourg Sendunge moderéiert a bei Gesankcouncourse matgemaach.

1962 ass hie mam Chris Baldo op Tournée op Eupen, Oochen, Köln a Bonn gaangen.

1964 huet hie säin Orchester, de John Belli Sextett, gegrënnt.

An den 1970er Joeren huet hie mam Orchester Josy Martin bei der Loterie Nationale gesongen an ass mat ville lëtzebuergeschen Artisten opgetrueden, ënner anerem mat senger Duechter Chantal, mam Angèle Mirkes, Hary Haagen, Fernand Fox, Greg Denis, Aly a Micky Bintz, Marc Faber, René Pütz, Marcel Jander, Fernand a Josiane Gillen, Perol, Arthur Henn a Roger Müller.

Do dernierft huet hien Hochzäitsmasse mat den Organisten Josy Martin, Albert Leblanc a Mathieu Lamberty gesongen.

1989 huet hien d'Animatioun vun der Loterie Nationale iwwerholl. Zënterhier animéiert en a séngt Rentner- an Amipérasfeieren, schwätzt Reklammespoten mécht Synchronisatiounen wéi z.B. den Zeechentrickfilmer De Kleesche mat der Mutz a Tristan an Isolde, a mécht Radiosendungen bei Lokalradioen.

De John Belli war u ville Placken- an CD-Produktiounen bedeelegt. Seng lescht CD a ss "John Belli 65"