OLS
Van Wikipedia
Dit artikel is gesjreve in 't Valkebergs. 't Weurt gewaardeerd óm in dit artikel 't Valkebergs aan te hauwe of aan te gaeve welk anger dialek gebroek is.
OLS sjteit veur "Oud Limburgs Sjöttersfiès" (Oud Limburgs Schuttersfeest). De gesjiedenis van dit fiès geit truuk nao de jaore 60 van de 19e ièw. Tot 1905 waor 't bekènd es 't Groat Internationaal Sjöttersfiès. Es op 24 juni 1906 in 't dörp Bögkeme (Buggenum) de sjöttersjwedsjtrieje weure georganiseerd, viert de plaatselike sjötterie Sint Aldegundis häör 400-jaorig besjtoon. Aan de benaming weurt in dat jaor 't weurdsje Oud toegevoog in de beteikenis van traditioneel.
Väöl Limburgse en Belzje dörper en sjtae höbbe 'n sjötterie, woavan d'rsj 'n aantal ies opgeriech of heropgeriech in de jaore 1880-1885. Sómmige vereiniginge zint al ièwenoud. Eder jaor weurt 't OLS georganiseerd door de winnende vereiniging van 't aafgeloupe jaor. De pries dae 'n sjötterie kènt winne sjteit bekènd ónder de naam D'n Ouwe Limburger of d'n Um.
