Remunj
Van Wikipedia
Dit artikel is gesjreve in 't Remunjs. 't Weurt gewaardeerd óm in dit artikel 't Remunjs aan te hauwe of aan te gaeve welk anger dialek gebroek is.
Remunj of Remuunj (Roermond in 't Nederlands) is 'n gemeinte en de veurnaamste sjtad van Midde Limburg. De gemeinte besjteit, behalve oet de sjtad Remunj zelf, oet de dörper
- Assel
- De Boekoêl (Boukoul)
- De Keamp (De Kemp)
- Herte (Herten)
- Neel (Maasniel)
- Azeraoj (Asenray)
- Leve (Leeuwe)
- Maerem (Merum),
- Oal (Ool)
- Zjwame (Swalmen)
Remunj haaj op 1 juni 2006 45.652 inwoners; dit waor veur de annexatie van Zjwame. De sjtad is es residensie van de Limburgse biesjop ein belangriek religieus centrum.
Inhawd |
[bewirk] Sjtadsgezich
De sjtad ligk aan de rivier de Roer, woaan het neet häöre naam ontleent, en de Maas, wo-in de Roer hiej oetkump. De naam kump aaf van Rura-Monde. Rura is ein aaj godheid woeveur ein brök waerde geboewd rondj de veursjtad. De sjtad haet väöl historische geboewe. In dees biessjops-sjtad zeen det natuurlik allereers de kirke: de Gotiese Sint-Christoffel kathedroal oet de 15e eeuw en de Romaans-Gotische Munsterkirk oet de 13e eeuw. 't Oud Sjtadhoes, in Maaslandse renaissancesjtiel, waerde in 1700 aafgeboewd. Ouch zeen nog sjtökker van de walmoer euvergebleve, wovan de Rattentore 't meist imposant is. In de omgaeving ligk nog Landjgood Hattem.
[bewirk] Historie
De bekinde historie van Remunj begint in 1130: in det jaor waerde de sjtad veur 't eers geneumd. 'n Eeuw later begós mit de koms van ut klooster de religieus historie van de sjtad. Later wirt 't ouch ein hanjels-sjtad: es ein van de mindere sjtaej sjloot 't zich aan biej de Hanze. 't Waerde hoofdsjtad van 't Gelderse Euverketeer en in 1559, biej de kirkelike herindeiling van Nederland, ouch nog biesjops-zaetel. In de Tachtigjaorige Oorlog wisselde 't meerdere kere van eigeneer, mer bleef oeteindelik in Sjpaanse henj, toet de sjtad van 1702 toet 1716 weer aeve biej de Noordelike Nederlande heurde.
In de tied van de Belzje opsjtand waar de sjtad Belsj, mer mit 't verdraag van 1839 kwaam ze zonger väöl meujte onger Nederland. Waal höbbe Remunjse notabele nog geprobeerd om Remunj, (in plaats van Mestreech), hoofdsjtad van Limburg te maake.
Nao de Tweede Waereldoorlog is de sjtad oetgegreujd door onger angere de anneksaasie van Neel en Herte. De inmiddels toet ein middelgrote sjtad oetgegreujde plaats, kreeg in 1993 en 1995 te make mit euversjtruiminge, wo-biej deile van de bevolking geëvacueerd waerde. In 2007 waerde de gemeinte Zjwame aan Remunj toegevoeg.
[bewirk] Biesjopssjtad
Remunj is sinds 1559 (mit ein ongerbraeking van 1801-1840) de zaetel van het geliejknaamige biesdom. D'n huidige biesjop is mgr. F.J.M. Wiertz (sinds 1993). Ziene veurgenger mgr. Joannes Mathijs Gijsen kreeg lanjelikke bekendheid vanwege zien zeer orthodoxe sjtandpunte euver onger angere homofilie.
[bewirk] Aardbeving
In 1992 waas de sjtad 't epicentrum van 'n veur Nederland ongekind sjterke aardbeving mit ein krach van 5.5 op de sjaol van Richter. [1]
[bewirk] Gebaore in Remunj
- Pierre Cuypers (16 mei 1827 - 3 maart 1921), architect
- Charles Ruijs de Beerenbrouck (1 december 1873 - 17 april 1936), premier van Nederland (1918-1925 en 1929-1933)
- Louis Joseph Maria Beel (12 april 1902 - 11 februari 1977), premier van Nederland (1946-1948 en 1958-1959)
- Jo Cals (18 juli 1918 - 30 december 1971), premier van Nederland (1965-1966)
- Rogier Wassen (9 augustus 1976), tennisser
- Emile Seipgens, dialekdichter
[bewirk] Externe link
- Officieel website van de gemeinte Remunj
- Site van de offisjeel vasteloaves-vereniging van Remunj, d'n Uul
- Ein sjtuk historie van Remunj
- Site van de "keuninklikke", de aajste hermeniej van gans Nederlandj
| Provincie Limburg | |
|---|---|
|
Árse en Velde | Baek | Baerge | Bezel | Bree | Broensem | Ech-Zöstere | Èèsjde | Gennep | Gulpe-Wittem | Haors aan de Maas | Heële | Helje | Kirchroa | Kessel | Lankgraaf | Leudaal | Maasgoew | Mael | Meersje | Mergraote | Mestreech | Mieëldere-Wânsem | Mook en Middelar | Ni-jwieërt | Nut | Óngerbenk | Remuunj | Roerdale | Sjènne | Stein | Valkeberg | Venlo | Venroj | Voelender | Vols | Wieërt | Zaerem | Zittert-Gelaen | Zumpelveld |
|
|
|
 |
|---|---|
| Sjtad: Remunj | |
| Dörper, gehuchte en wieke:
Assel | De Kemp of Gebrook | De Boekoêl | Herte | Neel | Azeraoj | Leve | Maerem | Oal | Zjwame |
|
