René van der Linden

Van Wikipedia

Dit artikel is gesjreve in 't Norbiks. 't Weurt gewaardeerd óm in dit artikel 't Norbiks aan te hauwe of aan te gaeve welk anger dialek gebroek is.

---

René van der Linden (Ees, 14 december 1943) is 'ne Nederlandse CDA-politicus. Van 23 juni 2005 bies 22 januari 2008 waor van der Linden d'r vörzitter van de Raodgaevende Vergadering van d'r Raod van Europa, de PACE. E waoërt opgevolgd dör d'r Sjpaanse sociaal democraat Luis Maria de Puig. Daovör waor van der Linden d'r presidaent van de Nederlandse delegatie, oeëvan och Frans Timmermans lid is.

Bis 1970 sjtudeerde Van der Linden economie an de Katholieke Economische Hogeschool in Tilburg. Van der Linden is lid van de Ieërste kamer, waoërdveurder Laandboew en vörzitter van de kamercommissie vör Europese samewirking.

René van der Linden waor sjtaotssecretaris Boetelandse Zake in 't kabinet Lubbers II. E vool uvver de paspoortaffaire. Van 1977 tut 1986 en van 1988 tut 1998 waor e lid van de Twiede Kamer.

Op 21 sept. 2007 lieëverde Van der Linden, es vörzitter van de PACE, kritiek op de positie van de Rösse in Esland en Letland. ^[1]

[bewirk] Naevefunkties

• Vörzitter Vereniging va Erpelverwirkende industrie (VAVI)
• Vörzitter MsM (Maastricht School of Management)
• Vörzitter Sjtuurgroep Nederland-Belsj
• Lid Hoofproductsjap Akkerboew
• Lid Raodgaevende vergadering van de West-Europese Unie
• Lid Raodgaevende Interparlementaire Benelux-Raod
• Lid Adviesbureau Euregem
• Lid Besjtuur Agroned (Hulporganisaasje Roemenië)
• Lid Kirk in Noeëd
• Lid Algemeen Besjtuur VNO/NCW
• Besjermhieër Sjtichting Lisboa (dakloos keender in Portugal)
• Adviseur Sjtichting Dr. van de Brekel (Malawi)
• Adviseur Otto Uitzend Kracht

[bewirk] Oondersjeijinge

• Ridder in de orde van d'r Nederlandse Lieëw (1988)
• Ridder in de orde van Oranje-Nassau (1998)
• Grosses Deutsches Verdienstkreuz
• Ridder in de Orde van Seent Gregorius (2003)

[bewirk] Referentie