Patagonia
Da Wikipedia
A Patagonia a l’è ‘na regiôn geografica scitûâa inte l’estremo sûd de l’America do Sûd.
Indiçe |
[Modificâ] Geografia
A comprende tæritoi in Argentinn-a (Patagonia Orientâ) e in Cile (Patagonia Oçidentâ). A vegne diviza in quelle dôe pârti da-e Andes, che mârcan o confîn tra i doî stati.
A g’ha ‘na sûperfiçie totâle de 787.000 km².
Scibben geografficamenti i confîn settentrionæ son marcæ into paralello 41,5º S e o sciûmme Colorado, Argentinn-a e Cile dêuvian regoe diversce pe fissâ l’estension de-e tære patagoniche.
[Modificâ] Popolassion
A popolassion da Patagonia argentinn-a a l’è de 1.738.251 abitanti, e quella da Patagonia cilenn-a de 205.456 abitanti.
[Modificâ] Stoja
A paròlla “Patagonia” a vegne da “patagones”, o nomme co-o quæ i conquistatoi spagnòlli ciamâvan i aboriggini da costa atlantica de ‘sta region. O se pensa che quello nomme o se deive a che quelli òmmi ëan ærti e gh’âvan i pê molto grandi. O se dixe ascì che quello termine o vegne da o gigante Pataghon, personaggio de ‘n romanzo spagnòllo.
Questa region a no l’è stæta abitâa da l’ommo gianco scinn-a çirca 1880, quande Argentinn-a e Cile han finîo l’espedissioîn de conquista de ‘sto tæritojo.
[Modificâ] Tûriximo
O tûriximo o l'è molto svilûppòu in tûtti doî Pàixi. I prinçipæ posti tûristixi son:
In Argentinn-a:
- Bariloche, e o Parque Nacional Nahuel Huapi.
- El Calafate e o Parque Nacional Los Glaciares, con l'imponente giassäjo Perito Moreno.
- Puerto Madryn e Trelew, e l'avvistamento de balenn-e.
- A çittæ de Ushuaia, co-o Parque Nacional Tierra del Fuego e o Canâle de Beagle.
- Esquel e o lago Puelo.
In Cile:
- Parque Nacional Torres del Paine
- Punta Arenas
- I fiordi
- Puerto Montt e i lâghi.
Patagonia Argentinn-a:
- Guidda da Patagonia
- Patagonia-Argentina.com
- Patagonia Argentina
- Immaggini da Patagonia Argentinn-a
- Sciöi patagonici
Patagonia Cilenn-a:
- Guidda tûristega da Patagonia Cilenn-a
- Patagonia cilenn-a
- Pictures of Patagonia
- Patagonia Expedition Race
- Patagonia Cilenna
