Baturaden
Sekang Wikipédia, Ènsiklopédhi Bébas basa Banyumasan: dhialék Banyumas, Tegal, Cirebon karo Jawa Serang/Banten lor.
Baturaden kuwe obyek plesiran / wisata nang sisi kidul Gunung Slamet ± 14 Km arah lor kota Purwokerto. Obyek wisata kiye termasuk lengkap fasilitase, termasuk ana akomodasi hotel berbintang.
Baturraden asale sekang 2 tembung yakuwe: Batur (Pembantu), kanca, utawa bukit, tembung sijine yakuwe Raden sing artine Bangsawan. Crita Baturraden sing berkembang nang masyarakat Banyumasan ana 2 versi. Siji versi Kadipaten Kutaliman lan sijine maning versi Syekh Maulana Maghribi.
[sunting] Sejarah Versi: Kadipaten Kutaliman
Gemiyen jere ana Kadipaten sing lokasine kira-kira 10 Km ming arah sisi kulon Baturraden. Adipatine nduwe putri-putri lan nduwe gamel (batur sing tugase njaga jaran). Salah siji putri Adipati kuwe seneng (cinta) karo gamel. Merga sekang status sosial sing sejen banget, kisah cintane kuwe liwat pintu mburi ben ora konangan.
Saking senenge karo gamel kuwe akhire putri Adipati meteng, terus mbuh kepriwe critane akhire kisah asmara putri Adipati karo gamel dadi konangan uga. Adipati kesuh banget lantes ngusir gamel karo putrine kuwe sekang Kadipaten. Nang perjalanan, putri Adipati akhire babaran nang pinggir kali, bayine kakung. Kali kuwe diweih jeneng Kaliputra. Kali kuwe anane sekitar 3 Km arah lor Kadipaten Kutaliman. Pasangan putri Adipati karo gamel kuwe akhirnya nemu panggonan sing lingkungane keton apik lan asri, terus manggon nang kana.
Angger miturut versi Kutaliman, jeneng Baturaden kudune ditulis nganggo 2 "R" merga versi kuwe asale sekang kata Batur lan Raden dadi Baturraden.
[sunting] Sejarah Versi: Syekh Maulana Maghribi
Syekh Maulana Maghribi kuwe slah siji ulama kesohor. Dheweke jane pangeran sing asale sekang Turki. Critane dimolai bar Subuh, Syekh Maulana Maghribi ndeleng sinar aneh, sinar muncul nang arah Tenggara. Dheweke pengin ngerti sekang endi sinar misterius kuwe muncul lan ana petunjuk apa. Dikancani karo sohibe Haji Datuk lan batur-bature, Syekh Maulana Maghribi karo rombongan berlayar ming arah muncule sinar. Rombongan terus berlayar nganti tekan pantai Gresik, sinar misterius kuwe keton nang arah kulon, rombongan terus berlayar ming arah kulon lan akhire tekan nang pantai Pemalang, Jawa Tangah. Tekan nang Pemalang, Syekh Maulana Maghribi ngongkon para pembantune bali, dheweke mung dikancani Haji Datuk ngelanjutaken perjalanan ming arah kidul sambi nyebaraken agama Islam. Akhire Syekh Maulana Maghribi netep nang Banjar Cahayana. Nang kene dheweke keserang penyakit gatel-gatel, penyakite kuwe mandan serius lan angel diobati.
Akhire pas mbengi bar shalat Tahajud, Syekh Maulana Maghribi olih /Ilham nek dheweke kudu lunga ming arah gunung Gora. Tekan ming lereng gunung Gora, Syekh Maulana Maghribi ngongkon Haji Datuk ninggalaken dheweke. Syekh Maulana Maghribi dhewekan ngenteni petunjuk nang enggon sing ana kepulan asap. Jebulane nang kana ana sumber air panas lan Syekh Maulana Maghribi nyebut enggon kuwe Pancuran Pitu sing artine sumber air panas sing nduwe 7 mata air. Saben penyakit gatale kumat Syekh Maulana Maghribi adus nang nggon kuwe, ngantek akhire penyakit gatale mari.
Penduduk sekitar kana nyebut Syekh Maulana Maghribi sebagai Mbah Atas Angin sebab dheweke teka sekang negeri sing adoh banget. Syekh Maulana Maghribi juga kadang disebut Haji Datuk Rusuhudi (artine Batur sing Adil utawa Pembantu sing Setia). Syekh Maulana Maghribi akhire ngobah jeneng gunung Gora dadi Gunung Slamet, slamet artine aman, merga Syekh Maulana Maghribi ngerasa aman manggon nang kana.
Daerah sing dienggoni Syekh Maulana Maghribi nganti mari sekang penyakite dianggep keramat lan akeh dikunjungi wong sekitar kana khususe dina Selasa Kliwon lan Jemuah Kliwon.
Baturaden miturut versi kiye ditulis nganggo 1 "R".
[sunting] Sarana Plesiran Liyane Sekitar Baturaden
- Wanawisata: Lokasine 2 Km sekang Lokawisata Baturraden. Sekang kene bisa ndeleng panorama alam sing apik lan asri, lengkap karo arena perkemahan sing nampung ± 1000 tenda. Nang kene juga ana pusat pembibitan tanaman produksi antarane: Cemara, Pinus, lan liya-liyane.
- Curug Gede: Lokasine nang Desa Wisata Ketenger, kira-kira 2 km sekang Lokawisata Baturaden. Nang kene bisa ndeleng lan menikmati air terjun lan keindahan panorama alam, juga ana lempengan batu.
- Telaga Sunyi: Lokasine ± 3 km arah kidul Baturaden. Nang obyek wisata kiye bisa ndeleng keindahan panorama alam lan kesunyian karo keindahan bebatuan.
- Pancuran Pitu: Lokasine ± 7 km sekang Lokawisata Baturraden. Sing bisa dinikmati ialah keindahan alam lan alas, pancuran 7 lan gua Sarabadak (pertemuan sumber air panas lan adem).
mBalik ming:
Kabupaten Banyumas ; Panganan lan Plesiran Banyumas
