Budaya Banyumasan
Sekang Wikipédia, Ènsiklopédhi Bébas basa Banyumasan: dhialék Banyumas, Tegal, Cirebon karo Jawa Serang/Banten lor.
[sunting] Pambuka
Budaya Banyumasan maksude: akal budi, pikiran karo hasil kréativitas masyarakat Banyumasan sing urip uga manunggale wujud tindakan karo aktivitas sinambung sing nduwéni karakter karo pola-pola tinentu.
Budaya kiye nduwe ciri khas sing mandan sejen debanding wilayah liyane nang Jawa Tengah, senajan akare egin sekang budaya Jawa. Kiye ana kaitan erat karo karakter masyarakate sing egaliter. Kuwe mau ya keton sekang basa sing dituturna, Basa Banyumasan sing hakekate ora mengenal tingkatan status sosial. Nganggo basa alus (kromo) asline jane serapan sekang budaya wetanan, kuwe akibat interaksi intensif karo masyarakat Jawa liyane (wetanan), lan sebagai kemampuan masyarakat Banyumasan mengapresiasi budaya liya. Penghormatan maring wong sing lewih tua umume ditampilaken dalam bentuk sikap hormat, sayang lan sopan santun dalam bertingkah laku.
Seliyane egaliter, masyarakat Banyumasan dikenal duwe kepribadian sing jujur, lugas juga blak-blakan (berterus terang) utawa biasane disebut Cablaka/Blakasuta.
Corak budaya wilayah Banyumasan (lor, kidul lan Peralihan) meh padha, biasa disebut budaya Banyumasan utawa budaya Penginyongan. Ciri-ciri khas budaya penginyongan kiye keton sekang watek utawa karakter masyarakate, juga sekang logat basa sing dituturaken. Watek / karakter masyarakate yakuwe watek Banyumasan utawa watek penginyongan. Watek kiye pancen mandan sejen debanding watek masyarakat Jawa wetanan.
[sunting] Sub-Sub Budaya Banyumasan
Antara wilayah lor, kidul karo peralihan pancen ana sethithik perbedaan (nuansa) budaya lan watek ningen bisa dikategorikan serumpun. Malah ana sesepuh Banyumasan sing duwe pendirian nek wong Banyumasan kuwe wis bisa disebut sebagai Etnis Banyumasan, kiye merga perbedaan budaya lan basa antara wong Banyumasan karo masyarakat Jawa wetanan kuwe keton banget.
