ОМО Илинден - Пирин
Од Википедија, слободна енциклопедија
ОМО "Илинден" - ПИРИН (Обединета Македонска Организација "Илинден" - Партија за Економски (Икономически) Развој и Интеграција на Населението во Република Бугарија) е организација во Република Бугарија со либерални и демократски принципи и политика изградена врз основа на Бугарскиот Устав и законодавство, Рамковната Конвенција за Заштита на Националните Малцинства и сите други меѓунардони документи, чиј потписник е Република Бугарија, согласно статутот на организацијата.
[уреди] Формирање
ОМО "Илиден" - ПИРИН е политичка партија на Македонците во Република Бугарија. Како организација на Македонците е формирана веднаш по падот на комунизмот во Бугарија, во ноември 1989 година, а веќе наредната 1990 година на 22 април го одржува првиот масовен собир на гробот на Јане Сандански по повод 80 години од неговата смрт во Роженскиот манастир на кој присуствуваат неколку илјади Македонци.[се бара извор]
Во 1999 година партијата ги собра потребниот број на потписи и ги исполни сите услови за регистрирање и учествуваше на локалните избори каде освои 5 градоначалнички места. Нејзината регистрација беше поништена од Уставниот суд на Република Бугарија на 29 февруари 2000 година под образложение дека партија која изјаснува дека дел од територијата на Бугарија е туѓа и се залага за нејзиното отцепување од бугарската држава е против уставна и не смее да постои. По жалбата до Судот за човекови права во Стразбур и пресудата во корист на партијата, државата Бугарија на партијата и исплати оштета.
Во поново време повторно е актуелно нејзиното регистрирање кое повторно се оспорува од бугарските државни органи кои не признаваат дека постои македонско малцинство во државата и воопшто не признаваат дека постои Македонскиот народ.[се бара извор]
Во европскиот парламент од страна на неколку евро-пратеници беше предложен амандман да и се наложи на Бугарија да ја регистрира партијата[се бара извор]. Амандманот не беше усвоен поради силното бугарско лоби во европарламентот.[се бара извор]
Партијата на Македонците во Бугарија, ОМО "Илинден" - ПИРИН по најновиот обид за регистрација во Софискиот суд во август 2007 година, повторно беше одбиена и и беше понудено да биде единствено регистрирана како невладина организација, бидејќи според судот во Софија, статутот и програмата на ОМО "Илинден" - ПИРИН одговарал на цели на навладините организации.
[уреди] Дејствување
Партијата најмногу дејствува во Пиринска Македонија (Благоевградската област во југо-западна Бугарија) каде што е сконцентриран најголемиот број на Македонци во Бугарија. Според изјавите на еден од нејзините водачи Стојко Стојков, во Бугарија има 187.000 луѓе кои се декларират како Македонци. ОМО "Илинден" - ПИРИН покрај своите барања за признавање на малцински права на Македонците во Бугарија, активно учествува и во културниот и националниот живот на Македонците преку разни активности како одржување собири и честувања во Рожденскиот манастир на гробот на Јане Сандански по повод годишнините од неговото раѓање и загинување, издавање на весникот „Народна Волја“ на македонски јазик, организирање на разни фестивали и културни манифестации.
Одредени националистички партии во Бугарија како ВМРО-БНД на Красимир Каракачанов и Атака на Волен Сидеров, повеќе пати се обидувале да ги спречат собирите и седниците на партијата[се бара извор], физички да ги нападнат нејзините членови[се бара извор] и исто така пропагираат дека партијата е финансирана и поддржувана од страна на властите на Република Македонија со цел да се „македонизира“ Благоевградскиот крај.
