Ремедиос Варо

Од Википедија, слободна енциклопедија

Ремедиос Варо Уранга (16 декември 1908 - 8 октомври 1963) е надреалистка. Родена е во Шпанија, 1908, умира од срцев удар во Мексико Сити во 1963. За време на Шпанската граѓанска војна пребегала во Париз, каде што била силно повлијаена од надреалистичките струи. За време на нацистичката окупација на Франција, се преселила во Мексико во 1941 година. Мексико го сметала за свое привремено засолниште, но и покрај тоа, останала таму до крајот на својот живот.

Во Мексико се запознала со месните творци Фрида Кало и Диего Ривера, но сепак нејзините најголеми врзувања ќе бидат со луѓе - протерани од сопствените земји и изгнаници , а особено ќе биде забележана нејзината блиска врска со Леонора Карингтон. Нејзината последна значајна врска ќе биде со Австриецот Валтер Груен,кој престојувал во некои концентрациони логори, и подоцна побегнал од Европа. Груен бескрајно и верувал на Варо и и давал безрезервна поддршка за да твори усилено.

Во делата на Ремедиос Варо, насликани после 1949, се гледа нејзиниот впечатлив и зрел стил, препознатлив и длабоко енигматичен. Често работела во маслена техника и масонитни плочи, кои ги подготвувала сама.

Умрела кога била на самиот врв на нејзината кариера.

Содржина

1 Влијанија
- 1.1 Творечки влијанија:
- 1.2 Философски влијанија:
2 Види исто така
3 Надворешни врски

[уреди] Влијанија

[уреди] Творечки влијанија:

Алегоричната природа на многу од делата на Варо напомнуваат на стилот на Херонимус Бош, и некои критичари, како на пример Дин Свинфорд, ја опишуваат нејзината уметност како "постмодерна алегорија", и со многу дух од иреализмот.

Варо црпи влијанија и од Франциско Гоја, Ел Греко, Пикасо и Брак. Во Мексико пак, била под влијание на предколумбијските култури.

Нејзината слика "Љубовниците" е искористена од страна на Мадона за имиџот нејзиниот видеоклип од 1996 година "Bedtime story".

[уреди] Философски влијанија:

Од философски аспект, Ремедиос Варо била под влијание на многу мистички и херметички текови, како западни, така и не-западни.Со особен интерес го истражувала К.Г.Јунг, како и теориите на Гурџиев, Успенски, Хелена Блаватски, Мајстер Екхарт, традициите на Суфите, била одушевена од легендата за Светиот Граал, светата геометрија, алхемијата и И-Чинг. Во сево ова таа видела можност да сублимира и комбинира многу човечка свест.

[уреди] Види исто така

Ернст Фукс
Салвадор Дали
Ел Греко

[уреди] Надворешни врски