Франки

Од Википедија, слободна енциклопедија

Франките се група на германски племиња, кои дошле од Фризија и се населиле во касната Римска империја како федеративци. Првите населувања за франките се околу 3 век. Тие создале држава на територијата на дел од современа Франција и Германија (Франконија), образувајќии изстриско јадро на овие две земји.

Во текот на 358 година веќе постоеле два франкски сојузи: рипуарски и салички. Во текот на 30-те години на 4 век саличките франки искористувајќи ја влошената состојба во империјата ја зголемиле својата територија се до река Сома. Кај Хлодвиг /481 - 511 година/ франките ја разбиле римската армија на Галија, Сиагриј во битката кај Соасон во 486 година. Во 496 година Хлодвиг и неговото семејство се покрстиле и христијанството станало официјална религија помеѓу франките. Тој наредил да биде направен запис на обичното право. Неговите наследници исто така се трудиле да се придржуваат до римските институции, се со цел да си ја легитимират својата власт, а Карл Велики дури бил прогласен за император од римскиот папа. Франкското кралство е единственото варварско кралство, кое “преживеало“ и дало почеток современо европско кралство.

Франкската држава претрпела множество разделби. Бидејќи на франките им недостасувал моделот на res publica, тие во државата гледале како дел од својата собственост и согласно нивните обичаи ја разделувале на своите потомци, односно на синовите. Оваа практика ја објаснува донекаде и мрачноста при точното опишување на датите и физичките граници на франкските кралства и владетелите на отделните делови.