Хајделберг

Од Википедија, слободна енциклопедија

Глетка од т.н. "алеја на философите" (Philosophenweg) кон стариот град, со Хајделбершкиот Замок, Хејлигејстката Црква и Хајделбершкиот Стар Мост

Хајделберг е град во Баден-Виртемберг, Германија, на половина пат меѓу Штутгарт и Франкфурт на Мајна. Градот има околу 140,000 жители, кои живеат на површина од 109 km².

Хејделберг лежи на реката Некар, на точката каде реката ја напушта својата права и стрмна долина во Оденвалд за да се спои со долината на Рајна, каде, 20 km северозападно од Хајделберг се влева во Рајна кај Манхајм.

Стариот дел од градот (Altstadt) е долг и тесен и во него доминира Хајделбершкиот Замок, долг 80 метри. Замокот е опколен со парк.

Хајделберг е мешавина на традиција и модернитет. Во минатото имало центар за наука и за уметност, а денес оваа традиција е продолжена со многуте истражувачки центри лоцирани околу градот.

Во Хајделберг се наоѓа еден од најстарите образовни институти во Европа - Рупрехт Карлсовиот универзитет, попознат како универзитетот во Хајделберг. Меѓу најпознатите мислители поврзани со овој универзитет спаѓаат Георг Вилхелм Фридрих Хегел, потоа философот на херменевтиката Ханс-Георг Гадамер, Руди Шнајдевинд, критичкиот теоретичар Јурген Хабермас и дискурсниот философ Карл-Ото Апел. Еден од најпознатите студенти на хајделбершкиот универзитет е Карл Драјс кој го измислил велосипедот во 1817 година.

Бројни американски воени инсталации се присутни во и околу Хајделберг, вклучувајќи го и седиштето на војската на САД во Европа (HQ USAREUR). Овие два елемента го сочинуваат Американскиот Воен Гарнизон Хајделберг. Исто така, мал број на НАТО воени инсталации се присутни околу градот.

Оваа статија поврзана со географијата на Германија е никулец. Можете да помогнете со тоа што ќе ја проширите.