Јовица Михајловски

Од Википедија, слободна енциклопедија

Јовица Михајловски и во Драмски Театар е актер во прва постава. Изиграл ликови од водечкиот репертоар,оставил креации кои остануваат во досието на Драмски.За првпат добива награда на меѓународниот фестивал во странство,во Риека,за најдобар актер со улогата Лаки во претставата Другата страна.Вработен во Драмски Театар тој учествува во голем број проекти на Детската и Малата сцена,како и во претстави реализирани на Голема сцена.За него оваа професија претставува хоби,бидејќи како и сите останати образовани интелектуалци нема можност да си ја обезбеди егзистенцијата од својот труд.Вели дака се занимава со театар,затоа што сака да верува дека се занимава со уметност,затоа што во актерската професија и себеусовршувањето го вложил целиот свој живот.

Содржина 1 Живот и дело 2 Награди, признанија и дела 3 Користена литература 3.1 Интернет страни 3.2 Литература

[уреди] Живот и дело

Jовица Михајловски е роден 1955 година во Битола. Веднаш по завршувањето на Факултетот за драмски уметности во Скопје(1981 г.) се вработил во Драмскиот Театар(1983 г.),учествувајќи во проекти на Детската и Малата сцена,како и во претстави реализирани на таканаречената Голема сцена. Јовица Михајловски во Драмски Театар е актер во прва постава.Изигра ликови од водечкиот репертоар,остави креации кои остануваат во досието на Драмски Театар.

Лирски продуховената актерска игра на Михајловски како посебно да дојде во претставите:Сомнително лицеод Б.Нушиќ (Ѓока),Дупло дноод Горан Стефановски (Јаков II),Солунски патрдии од М.Попоски (Кире и Баже),Крвави свадби од Лорка (Младичот),Долго патување во ноќта од О’Нил (Џејмс Тајрон), Грев или шприцер од С.Насев (Јоцо),Харем од С.Насев (Топуз Паша) и многу други.Има настапувано и во поголем број сценски реализации за најмладите,потоа во радиотелевизиски драми,серии и друго.

За неговото 22 годишно работно искуство во Драмскиот Театар покрај горенаведените претстави и серии,тој глуми и во многу други театарски претстави,серии,како што се:Обични луѓе,ТВ-серија (Мандра), Викенд на мртовци,ТВ-серија(Ноне),Третодоба,ТВ-серија,Бушава азбука,ТВ-серија (Ќелавиот),Трговецот од Солун (Лука),Илинден,ТВ-серија (Џино) и други.

Јовица Михајловски е генерација на поп-културата,времиња кога се дискутирало за вредности,односно генерација кога се создавале некои базични вредности во современата култура.

Имал (не)среќа да го фати почетокот на крајот на рушење на вистинските вредности.Денес созреани се подмладоци воспитани на извртени вредности како што се: Добар си ако си лош,успешен ако крадеш,паметен ако лажеш.Тие ќе го потхрануваат овој систем додека не се случи нешто радикално.За жал,актерот не гледа реални претпоставки за такво нешто.

Михајловски има ќерка која е тинејџерка,на која се труди да и ги објасни и да и помогне во практикувањето на паралелните системи на вредности.

Михајловски е реален човек,не е еуфоричен.Работата си ја сфаќа како секој висок стручњак од која било професија.Тоа што оваа работа полека ја сфаќа како хоби се должи на начинот на која е вреднувана,во системот.Заради тоа што околината не ја сфеќа неговата уметност.Свесен е дека не може сам да го промени целиот воспоставен систем кој се негува овде,веќе 15 години,но дел од светот се покажа дека ја разбира и им благодари за тоа.

[уреди] Награди, признанија и дела

За неговото 22 годишно работно искуство има една награда од ревијата Екрани и онаа која за него е најважна,наградата која ја добива на меѓународниот фестивал на мали сцени во Риека,Хрватска.Неа ја добива за најдобро актерско остварување,односно за најдобра машка улога во претставата Другата страна.

На прашањето колку му значи оваа награда,Јовица Михајловски вели: По толку години работа,ова мене ми е прва театарска награда што ја добивам.Бидејќи е добиена на меѓународен фестивал,во силна конкуренција(11 други претстави),од релативни авторитети,членови на жири се радувам на оваа награда.

По се изгледа се повторува старото правило:треба да те признаат надвор,за да те признаат дома,како што е и со актерот Јовица Михајловски.

И уште додава: Многу и се радувам на наградата затоа што навистина е добиена при најобјективни критериуми,без никакви хипотеки,без никакви лобирања,и мерена е на еден меѓународен пазар на трудот,вреднувана е од едно релевантно жири.

Во Другата страна наградата ја доби за толкувањето на Лаки.Страшно комплициран лик(Оти тој е човек полн со гнев,фрустрации,незадоволство,она што не сака гласно да го каже,го кажува преку стомак,преку неговата кукла двојник).Но за актерот и таа задача беше лесна,па успеа да ја долови на сценски јазик.

Во последните 10 години играл во секоја претстава што Унковски ја режирал во Македонија.Заедно со него работи на проектот Мала станица.Михајловски сеуште размислува за еден таков проект,само што сега можностите се стеснети.

Имало периоди кога се носел со идејата да прави големи проекти.Се составила тројка за да прават театар со Унко и актерот Ненад Стојановски.Меѓутоа не им успеал,бидејќи во тој период почнало да се оди кон деградирање,не кон унапредување на вредностите. Се занимавал и со филмска продукција,меѓутоа сега продуцира помали играни и театарски проекти и така се обидува да дојде до добро сценарио.

Учествува и во претставата Црнила во режија на Унковски,заедно со сценографката Мета Хочевар, актерите Тони Михајловски,Николина Кујача,Емил Рубен,Јордан Симонов, Оливер Митковски и Даниела Стојковска, костимографката Јелена Проковиќ.Она најбитното во претставата на Унковски е што тој, заедно со екипата која ја создава, гради став за денешните македонски црнила.Во црно-белите и по најнов моден тренд костуми,седумина актери ја бијат битката на своите личности низ двојна игра..Таа е навидум опуштена,а всушност цинична,или навидум подигната,а апсурдна.

Со Влатко Стефановски соработуваат на проекти,односно Влатко ја пишува музиката за Самоуништување,Поблиску,а и за проектот што го работеле со Унковски.

Јовица Михајловски како актер се појавува и во претставата Поблиску што заедно ја работи со Унковски,која претставува креација што се памети.

2. Значење

Јовица Михајловски како актер во прва постава изигра ликови од водечкиот репертоар,остави креации кои остануваат во досието на Драмскиот Театар,и освои можеби едно од најзначајните награди за него,но и за нашата земја. Значајна за нашата земја,затоа што со неговиот успех како актер е потврден успехот на нашата земја на театарска сцена.Тоа е награда за најдобро театарско остварување,односно награда за најдобар актер со улогата Лаки во претставата Другата страна на фестивалот во Риека. Јовица Михајловски заедно со Никола Ристановски и Камка Тоциновска ги собраа сите награди на меѓународниот фестивал во Риека.Со тоа докажаа дека во театарска смисла имаме нешто што другите немаат.

[уреди] Користена литература

[уреди] Интернет страни

• www.google.com
• www.imdb.com/name/nm
• www.blesok.com.mk/tekst.asp
• www.maccinema.com/avtori.asp
• www.svet.co.yu
• www.VEST-Macedonian daily newspaper.htm

[уреди] Литература

• Книгата Досие на Драмски Театар-Биографија за Михајловски Јовица