25 април

Од Википедија, слободна енциклопедија

Мар - Април - Мај
п	в	с	ч	п	с	н
	1	2	3	4	5	6
7	8	9	10	11	12	13
14	15	16	17	18	19	20
21	22	23	24	25	26	27
28	29	30
календар за 2008 г. Сите дати

25 април е 115-иот ден во годината според григоријанскиот календар (116-и во престапна година). Остануваат 250 денови до крајот на годината.

Настани:

1859	Според проектот на францускиот конзул во Александрија Фердинанд де Лесепс, започна изградбата на Суецкиот канал, со кој Средоземното Море е поврзано со Црвеното Море. Каналот има големо стратегиско и економско значење, затоа што е најкраток пловен пат од Европа до земјите на Средниот и Далечниот Исток.
1945	Во Сан Франциско, САД, почна основачката конференција на Организацијата на обединетите нации, во чија работа учествуваа 45 земји, членки на антихитлеровската коалиција. Право на учество имаа земјите кои до 1 март 1945 година им објавија војна на силите на Оската. Учесниците на конференцијата ја потпишаа Повелбата на ООН на 20 јуни, а ја ратификуваа на 24 октомври 1945 година (Ден на ООН).
1960	Во Битола е основано Друштво за наука и уметност. Друштвото е основано со цел да го потикнува развојот на научната мисла, да го проучува минатото, да извршува истражување и унапредување на сите области во развојот на градот и околината.
1971	Околу 100.000 демонстранти изведоа марш во Вашингтон поради американското воено ангажирање во Виетнам.
1979	Во Битола е прогласено основањето на вториот Универзитет во СР Македонија.
1986	Се случи хаварија на нуклеарната централа во Чернобил, Украина во СССР. Беа озрачени неколку илјади луѓе.
1996	Република Македонија и Хондурас воспоставија дипломатски односи на ниво на амбасади.

Родени:

1874	Џилјелмо Маркони, Италијански инженер и пронаоѓач.

Починале:

1744	Андерс Целзиус, шведски физичар и астроном.

Јануари | Февруари | Март | Април | Мај | Јуни | Јули | Август | Септември | Октомври | Ноември | Декември