UEFA Champions League
Minn Wikipedija, l-enċiklopedija ħielsa.
UEFA Champions League | |
Fundazzjoni | 1955 |
Kontinent | Ewropa, UEFA |
Numru ta' Timijiet | 32 (Fażi tal-Gruppi) 76 (Total) |
Champions Kurrenti | AC Milan |
L-Aktar Klabb b'Suċċess | Real Madrid (9 darbiet) |
Sit Elettroniku | www.uefa.com |
Il-UEFA Champions League hi kompetizzjoni tal-futbol ta' kull sena organizzata mill-UEFA u li ilha sejra mill-1955 għall-aktar timijiet b'suċċessi fl-Ewropa. It-trofew hu kkunsidrat bħala l-aktar trofew prestiġjuż għal klabb f'dan l-isport.
Il-UEFA Champions League hi differenti u m'għandiex x'taqsam mal-kompetizzjoni l-oħra tal-UEFA Cup u l-kompetizzjoni l-oħra tal-Cup Winners Cup (li m'għadhiex issir). Il-kampjonat jikkonsisti f'fażijiet differenti u jibda bi tliet turni ta' kwalifika. Is-sittax-il tim li joħorġu rebbieħa mill-preliminarji jieħdu sehem fil-fażi finali, li tibda lejn l-aħħar ta' Frar u tibqa' sejjer sa l-aħħar ġurnata, li tkun il-finali, f'Mejju.
L-aktar finali riċenti ġiet mirbuħa minn AC Milan ta' l-Italja li rebħu lit-tim Ingliż ta' Liverpool FC 2-1 ġewwa l-Olympic Stadium ta' Ateni fil-Greċja fit-23 ta' Mejju 2007.
Il-finali ta' l-istaġun 2007/08 se ssir ġewwa l-belt Russa ta' Moska.
Werrej |
[editja] Kwalifikazzjoni
Il-UEFA Champions League hi miftuħa għal kull klabb Ewropew li jikklasiffika fl-ogħla postijiet tal-kampjonat ta' pajjiżu. Il-Liechtenstein hu l-uniku nazzjon li m'għandux kampjonat nazzjonali mill-pajjiżi kollha li jagħmlu parti mill-UEFA. It-timijiet li jikklasifikaw mill-ewwel sal-ħames post għandhom parti minn din il-kompetizzjoni. Minn Jannar 2007, l-iżgħar kampjonati nazzjonali fl-Ewropa (Andorra u San Marino) jistgħu jiġu rrapreżentati fil-kompetizzjoni.
In-numru ta' postijiet fil-kompetizzjoni jiddependi skond f'liema pożizzjoni huma l-assoċazzjonijiet fil-klassifika, li huma parti mill-UEFA:
- assoċazzjonijiet ikklasifikati mill-ewwel sat-tielet post: erba' postijiet
- assoċazzjonijiet ikklasifikati mir-raba' sas-sitt post: tliet postijiet
- assoċazzjonijiet ikklasifikati mis-seba' sal-ħmistax-il post: żewġ postijiet
- assoċazzjonijiet ikklasifikati fis-sittax jew inqas: pożizzjoni waħda
Il-pożizzjoni ta' l-assoċazzjoni jiddependi wkoll f'liema fażi l-klabb jidħol fil-kompetizzjoni. Per eżempju, it-tlieta li qegħdin fl-ewwel tliet postijiet għandhom żewġ postijiet fil-fażi tal-gruppi u t-tnejn l-oħra fit-tielet round ta' kwalifikazzjoni.
Post żejjed fil-fażi tal-gruppi jitħalla għat-tim rebbieħ li jkun rebaħ l-edizzjoni ta' qabel fil-każ li ma jkunx għadda mill-kampjonat nazzjonali. Imma assoċazzjoni hi limitata li tibgħat erba' timijiet biss għal kompetizzjoni. Fil-każ li klabb li jkun rebaħ l-edizzjoni ta' qabel u li ġej minn assoċazzjoni li jippermetti erba' klabbs biex jgħaddu, jispiċċa 'l barra mill-ewwel erba' postijiet, dan jingħata post fir-raba' post minflok dak li jkun spiċċa f'dik il-pożizzjoni. Ir-raba' klassifikat imur fil-UEFA Cup.
Kull klabb li jkun irid jipparteċipa fiċ-Champions League irid ikollu l-liċenzja biex jieħu sehem. Fl-istaġun 2005/2006 kien hemm kontroversja meta Liverpool FC (li kienu rebbieħa l-edizzjoni ta' qabel) spiċċaw barra mill-ewwel erba' postijiet tal-kampjonat. L-FA Ingliża tat id-dritt lil Everton FC, li kienu spiċċaw fir-raba' post li jkomplu fil-kompetizzjoni. Imma l-UEFA ddeċidiet li li kemm iż-żewġ rivali ta' Merseyside jidħlu fil-kompetizzjoni. Liverpool FC jibdew mill-ewwel round ta' kwalifikazzjoni waqt li Everton FC jibdew mit-tielet. Liverpool FC irnexxielhom jgħaddu għall-fażi tal-gruppi meta għelbu lil Total Network Solutions (Wales), FBK Kaunas (Litwanja) u lil PFC CSKA Sofia (Bulgarija). Everton FC spiċċaw barra b'telfa ta' 4-2 kontra Villarreal CF.
Barcelona, Manchester United u Porto huma l-aktar timijiet li dehru fil-fażijiet tal-gruppi: tnax-il darba b'kollox. Imma, it-tlieta li huma rebħu Champions League waħda mill-introduzzjoni tal-fażi tal-gruppi.
[editja] Riżultati
1955/56 Real Madrid CF 4-3 Stade de Reims-Champagne
1956/57 Real Madrid CF 2-0 AC Fiorentina
1957/58 Real Madrid CF 3-2 AC Milan
1958/59 Real Madrid CF 2-0 Stade de Reims-Champagne
1959/60 Real Madrid CF 7-3 Eintracht Frankfurt
1960/61 SL Benfica 3-2 CF Barcelona
1961/62 SL Benfica 5-3 Real Madrid CF
1962/63 AC Milan 2-1 SL Benfica
1963/64 FC Internazionale 3-1 Real Madrid CF
1964/65 FC Internazionale 1-0 SL Benfica
1965/66 Real Madrid CF 2-1 FK Partizan
1966/67 Celtic FC 2-1 FC Internazionale
1967/68 Manchester United 4-1 SL Benfica
1968/69 AC Milan 4-1 AFC Ajax
1969/70 Feynoord 2-1 Celtic FC
1970/71 AFC Ajax 2-0 Panathinaikos FC
1971/72 AFC Ajax 2-0 FC Internazionale
1972/73 AFC Ajax 1-0 Juventus FC
1973/74 FC Bayern Munich 1-1 Real Madrid (FC Bayern München jirbħu 4-0 wara replay)
1974/75 FC Bayern Munich 2-0 Leeds United AFC
1975/76 FC Bayern Munich 1-0 AS Saint-Étienne
1976/77 Liverpool FC 3-1 Borussia Mönchengladbach
1977/78 Liverpool FC 1-0 Club Brugge KV
1978/79 Nottingham Forest FC 1-0 Malmö FF
1979/80 Nottingham Forest FC 1-0 Hamburger SV
1980/81 Liverpool FC 1-0 Real Madrid CF
1981/82 Aston Villa FC 1-0 FC Bayern München
1982/83 Hamburger SV 1-0 Juventus FC
1983/84 Liverpool FC 1-1 AS Roma (Liverpool FC jirbħu 4-2 bil-penalties)
1984/85 Juventus FC 1-0 Liverpool FC (It-Traġedja ta' Heysel)
1985/86 FC Steaua Bucureşti 0-0 FC Barcelona (FC Steaua Bucureşti jirbħu 2-0 bil-penalties)
1986/87 FC Porto 2-1 FC Bayern Munich
1987/88 PSV Eindhoven 0-0 SL Benfica (PSV Eindhoven jirbħu 6-5 bil-penalties)
1988/89 AC Milan 4-0 FC Steaua Bucureşti
1989/90 AC Milan 1-0 SL Benfica
1990/91 Red Star Belgrade 0-0 Olympique de Marseille (Red Star Belgrade jirbħu 5-3 bil-penalties)
1991/92 FC Barcelona 1-0 UC Sampdoria
1992/93 Olympique de Marseille 1-0 AC Milan
1993/94 AC Milan 4-0 FC Barcelona
1994/95 AFC Ajax 1-0 AC Milan
1995/96 Juventus FC 1-1 AFC Ajax (Juventus jirbħu 4-2 bil-penalties)
1996/97 BV Borussia Dortmund 3-1 Juventus FC
1997/98 Real Madrid CF 1-0 Juventus FC
1998/99 Manchester United FC 2-1 FC Bayern Munich
1999/2000 Real Madrid CF 3-0 Valencia CF
2000/01 FC Bayern Munich 1-1 Valencia CF (FC Bayern München jirbħu 5-4 bil-penalties)
2001/02 Real Madrid CF 2-1 Bayer 04 Leverkusen
2002/03 AC Milan 0-0 Juventus FC (AC Milan jirbħu 3-2 bil-penalties)
2003/04 FC Porto 3-0 AS Monaco FC
2004/05 Liverpool FC 3-3 AC Milan (Liverpool jirbħu 3-2 bil-penalties)
2005/06 FC Barcelona 2-1 Arsenal FC
2006/07 AC Milan 2-1 Liverpool FC
2007/08
[editja] Rekords u Statistika
[editja] Rebbieħa
Real Madrid huwa t-tim bl-iktar suċċessi fiċ-Champions League fejn irnexxielu jirbaħ disa' minn tnax-il finali. Real Madrid beda l-kompetizzjoni fuq nota pożittiva hekk kif spiċċa rebbieħ ta' l-ewwel ħames edizzjonijiet tal-kompetizzjoni. L-aħħar parteċipazzjoni fil-finali s'issa hi fl-2002 fejn irnexxielhom jirbħu lill-Bayer 04 Leverkusen grazzi għal gowl ta' Zinedine Zidane, fejn il-partita spiċċat 2-1 favur il-Madrileni.
Fit-tieni post insibu liċ-champions preżenti AC Milan li grazzi għar-rebħa kontra Liverpool FC fl-2007, irnexxielhom jiksbu is-seba' titlu. Spiċċaw finalisti telliefa erba' darbiet. Liverpool isegwu fit-tielet post b'seba' finali li minnhom rebħu ħamsa. AFC Ajax u FC Bayern Munich kisbu erba' trofej kull wieħed bil-Ġermaniżi jitilfu tliet finali waqt li l-Olandiżi tnejn.
Bil-pajjiżi, l-Italja għal 25 darba kellha tim fil-finali u li minnhom rebħu ħdax u tilfu erbatax. L-Ispanjoli spiċċaw 20 darba fil-finali, bil-ħdax-il suċċess. Timijiet Ingliżi kellhom għaxar rebħa fil-finali minn erbatax-il preżenza.
[editja] Top Scorers
Raúl ta' Real Madrid CF jibqa' t-top scorer ta' kull żmien b'56 gowl minn 108 logħba. Beda l-esperjenza tiegħu fl-Ewropa fl-1995 u spiċċa anki biex jiskorja żewġ gowls fi tliet finali. Ruud van Nistelrooy jikklassifika fit-tieni post b'total ta' 49 gowl f'58 preżenza fejn lagħab ma' PSV Eindhoven, Manchester United u preżentament ma' Real Madrid. Fit-tielet post insibu lil Andriy Shevchenko ta' l-Ukranja li skorja 46 gowl minn 89 partita fejn lagħab ma' Dynamo Kyiv, AC Milan u issa ma' Chelsea.
Plejers oħra li jibqħu fost l-ewwel għaxra insibu lill-plejer Thierry Henry (42), Filippo Inzaghi (41), Alessandro Del Piero (36), Fernando Morientes (34), David Trezeguet (29), Patrick Kluivert (29) u Roy Makaay (27).
[editja] Apparenzi u Plejers Rebbieħa
Ħames plejers biss irnexxielhom jagħmlu aktar minn mitt preżenza fiċ-Champions League u dawn huma: Raúl, Roberto Carlos (107), Paolo Maldini (104), David Beckham (103) u Oliver Kahn (103).
Francisco Gento ta' Real Madrid CF hu l-aktar plejer li rebaħ titli ta' Champions League b'total ta' tmien finali li minnhom rebaħ sitta. Wara jsegwi Alfredo di Stefano ta' l-istess Real Madrid CF, li flimkien ma' José María Zárraga u Héctor Rial ta' Real Madrid, u Paolo Maldini ta AC Milan rebħu ħames finali.