Falklandinseln
Vun Wikipedia
De Falklandinseln (eng.: Falkland Islands; spaansch: Islas Malvinas) sünd en Inselgrupp in den süüdlichen Atlantik. Dor leevt 2.955 Inwahners (März 2007) up 12.173 km². Dor kaamt denn noch bi 1.700 britsche Suldaten hento, de dor jem ehren Deenst doot.
Inholtsverteken |
[Ännern] Geographie
Na de Geographie höört de Eilannen na Süüdamerika to. Se liggt 600 - 800 km ööstlich vun Süüdargentinien un Füerland af bi 52° Süüd un 59° West.
[Ännern] Staat
De Falklandinseln höört to de Översee-Kuntreien vun Grootbritannien. De Hööftstadt is Port Stanley mit bi 2.000 Inwahners.Hööft vun den Staat is de engelsche Königin Elizabeth II. un Baas vun de Regeerung is de Gouverneur Alan Huckle.
[Ännern] Spraak
Amtsspraak is Engelsch.
[Ännern] Historie
An'n 2. April 1982 nehmen Truppen ut Argentinien de Eilannen in. Bloß wenig Suldaten ut Grootbritannien (so wat bi 80 Lüde) weern up de Inseln un konnen jem verdeffenderen. Man de engelsche Premierministersche Margaret Thatcher stüür en grote engelsche Flott vun Plymouth ut na de Eilannen. De Falkland-Krieg güng los. An'n 14. Juni 1982 al geven de Argentienschen Truppen Bott. Mehr as 1.000 Suldaten weern doot, tomeist Argentiniers. Mehr as 11.000 argentiensche Suldaten sünd vun de Briten fungen wurrn. Argentinien foddert hüdigendags jümmers noch, Grootbritannien scholl de „Malvinas“-Inseln „torüchgeven“.
