Ecuador

Vun Wikipedia

Laag vun Ecuador

De Republik vun Ecuador (Spaansch República del Ecuador, ok Ekuador, vgl.„Äquater“ is een Staat in Süüdamerika. De Hööftstadt is Quito. Ecuador grenzt an Kolumbien un Peru. Dat Land liggt an den Pazifik mank 1° 30' n.Br. un 5° 00 s.Br. un mank 75° 15' un 81° 00' w.L. Üm un bi 1.000 km westlich vun dat faste Land liggt in den Ozean de Galapagos-Inseln up glieke Breede mank 89° 15' un 91° 40' w.L. Dat Land is 283.560 km² groot un dor leevt üm un bi 13.213.000 Minschen.

[Ännern] Inwahners

De Inwahners vun Ecuador höört mehrstendeels to de kathoolsche Karken to un snackt de Amtsspraak Spaansch un de Spraken Quechua, Shuar un annere indiaansche Spraken, de dor begäng sünd. De Inwahners vun Ecuador stammt ut bannig veel bannig verscheden Volksgruppen af. Dor kann een de verscheden Stremels vun de Geschicht vun dat Land vun aflesen. In dat Jahr 2004 weeren de Inwahners (Öber'n Duumen) so tohopenmengelt:

Indianers: 20% (de Organisation vun de Indianers CONAIE meent, dat sünd bi 50%
Mestizen: 35%
ut Europa stammt af: 25%
Mulatten: 15%
Afroamerikaners: 5%

Dorbi gifft dat grode Ünnerscheed in de verscheden Delen vun dat Land. In dat Hoochland leevt besunners veel Indianers. De Afroamerikaners (de Swatten) sammelt sik in de Kuntreien üm Esmeraldas un in dat Daal vun den Stroom Chota (spaansch: Valle de Chota) in de Provinz Imbabura in de Nordwesten vun dat Land.

[Ännern] De Delen vun dat Land (Provinzen)

Vunwegen de Verwaltung is dat Land updeelt in Provinzen (provinzias), Kantonen (cantones) un Kaspelen (parroquias).

Hier staht nu de 22 Provinzen, un dat warrt ok seggt, wat jem ehr Hööftstadt is un wie groot se sünd:

In dat Hoochland vun de Anden (sierra):
- Azuay (8.100 km², 650.000 Inwahners, Hööftstadt: Cuenca),
- Bolívar (4.000 km², 200.000 Inw., Hööftstadt: Guaranda),
- Cañar (3.100 km², 200.000 Inw., Hööftstadt: Azogues),
- Carchi (3.600 km², 240.000 Inw., Hööftstadt: Tulcán),
- Cotopaxi 6.000 km², 350.000 Inw., Hööftstadt: Latacunga),
- Chimborazo (6.600 km², 480.000 Inw., Hööftstadt: Riobamba),
- Imbabura (4.600 km², 350.000 Inw., Hööftstadt: Ibarra),
- Loja (11.000 km², 500.000 Inw., Hööftstadt: Loja),
- Pichincha (13.000 km², 2,5 Millionen Inw., Hööftstadt: Quito),
- Tungurahua (3.340 km², 450.000 Inw., Hööftstadt: Ambato).
An de Küst (costa):
- El Oro (5.850 km², 700.000 Inw., Hööftstadt: Machala),
- Esmeraldas (15.200 km², 450.000 Inw., Hööftstadt: Esmeraldas),
- Guayas (20.500 km², 3,6 Millionen Inw., Hööftstadt: Guayaquil),
- Los Ríos (7.200 km², 750.000 Inw., Hööftstadt: Babahoyo),
- Manabí (19.000 km², 1,6 Millionen Inw., Hööftstadt: Portoviejo).

in Amazonien (Oriente):
- Morona Santiago (25.700 km², 100.000 Inw., Hööftstadt: Macas),
- Napo (14.000 km², 150.000 Inw., Hööftstadt: Tena),
- Orellana (20.700 km², 71.000 Inw., Hööftstadt: Puerto Francisco de Orellana)
- Pastaza (30.000 km², 100.000 Inw., Hööftstadt: Puyo),
- Sucumbíos (18.300 km², 120.000 Inw., Hööftstadt: Nueva Loja),
- Zamora Chinchipe (23.000 km², 100.000 Inw., Hööftstadt: Zamora).

Dor kummt denn noch de Galápagos-Inseln to: (8.010 km², 30.000 Inw., Hööftstadt: Puerto Baquerizo Moreno)

Kiek ok nah bi de List Städer in Ecuador

[Ännern] Politik

2006 hett Rafael Correa de Stichwahl üm dat Präsidentenamt für sück entscheeden kunnt.

[Ännern] Sport

Bi den Football-Weltcup 2002 weer Ecuador dorbi. Ok 2006 maakt de Mannschup vun Ecuador wedder mit. In dat Jahr 2006 sünd se mit Düütschland in een Grupp un speelt nah twee Siegen gegen Polen un gegen Costa Rica nu gegen Düütschland üm den eersten Platz in de Grupp.

Länner in Süüdamerika