Heike

Vun Wikipedia

Heike is een plattdüütschen Vörnaam för Deerns.

[Ännern] Herkamen

Heike kümmt vun Henrike vun her. Henrike is de Feminin-Form vun den Naam Henneke, Hinrich, Henrich (un annere). In’t Hoochdüütsche is dat de Naam Heinrich. Dor steekt de germaanschen Wöör heim oder hagan un rîhhi in. Heim heet Huus, hagan heet Hoff (mit een Tuun ümto) un rîhhi bedutt so veel, as mächtig oder Herrscher. De Naams Henneke, Hinrich usw. bedüüt nu all öbereen: Herr in Huus, oder De up'n Hoff dat Seggen hett un so wat in de Aart. Vunwegen dat Henrike de feminin Form vun düsse Naams is, heet ok Henrike nix anners, as De up'n Hoff dat Seggen hett.

[Ännern] De plattdüütsche Naam

Vun den langen Naam Henrike (un den Naam för Jungs Hinrich etc) is de korte Form Heie vun maakt wurrn. Düsse korte Naam Heie oder Haie oder Heye is hüdigendags jümmers noch een Naam för Jungs. Bi de Deerns keem dor denn to'n lüttjer maken (Diminutiv) dat Anbacksel -ke an (Suffix). Up düsse Aart heet de Naam nu Heike. Dat is een Smusenaam un heet Lüttje Henrike. De Naam Heike is hüdigendags noch ganz begäng.

Kiek ok nah bi de List vun plattdüütsche Vörnaams