Segebade
Vun Wikipedia
Segebade (ok Sebandh, Seband oder kort Seba, up oostfreesch: Sievert, Siebo) is en plattdüütschen Vörnaam för Jungs.
Inholtsverteken |
[Ännern] Herkamen
Segebade kümmt vun den olen germaanschen Naam Siegbald. Dor is denn in de plattdüütschen Kuntreien de Naam Siegbold vun wurrn. Dor steekt de beiden Wöör „sigu“ (dat heet Sieg) un „bald“ (modig, ohne Bang) in.
[Ännern] De plattdüütsche Naam
Vunwegen slurige Utspraak is ut den Naam Siegbold mit de Tiet de Naam Siegband wurrn. Dat is denn mit de Tiet to Segeband verännert wurrn. Dat is denn noch afslepen un tohiopentrocken wurrn to Seband(h). De korte Form weer denn Seba.
[Ännern] De oostfreeschen Vörnaams
In Oostfreesland is vun düssen Naam Siegbold de Form Sievert vun maakt wurrn. De korte Form is denn Siebo oder Sibo.
[Ännern] Plattdüütsche Tonaams
Vun düssen plattdüütschen Vörnaam kaamt ok de plattdüütschen Tonaams Segeband, Siegbold, Sievert, Sievers un annere vun her. De heet so veel, as: Ut Segeband (Sievert) sien Familie oder ok Vun Segeband (Sievert) sien Hoff.
Kiek ok nah bi de List vun plattdüütsche Vörnaams