Tietje
Vun Wikipedia
Tietje is een plattdüütschen Vörnaam for Jungs.
Inholtsverteken |
[Ännern] Herkamen
De Naam Tietje is een korte Form vun den olen germaanschen Naam Diederik, Dietrich oder ok Theoderich. Dor steekt de beiden Wöör Diot oder Diet (dat heet Volk) un rihhan (dat heet riek oder mächtig) in. Diedrich heet denn so veel, as: De in dat Volk mächtig is oder Der Herrscher öber dat Volk.
[Ännern] De plattdüütsche Naam
Toeerst is vun den olen düütschen Naam een korte Form maakt wurrn. Dat weer sowat as Dide oder Tide. Dor is denn een Smusenaam for lüttje Gören vun maakt wurrn, so wat, as Lüttje Tide oder Lüttje Dide. Dat güng so, datt dor dat Anbacksel (Suffix) to'n Lüttjer maken (Diminutiv) -je achteranbackt wurrn is. Nu heet de Naam Didje oder Tidje. In een Tiet, as dat noch keen Duden geev un ok noch keen Sass is dat denn Tietje schreben wurrn, just so, as een dat utspreken deit (phoneetsch). Verwandt is de Vörnaam Tetje.
[Ännern] Fundöörd
In ole Listen un Urkunnen is düsse Naam toeerst to finnen
[Ännern] Plattdüütsche Tonaams
Vun düssen Vörnaam Tietje kaamt de plattdüütschen Tonaams Tietje un Tietjen her, de in de Ortsdelen vun Bremen un in de Dörper dor umto ganz begäng sünd. De bedüüt so veel, as Ut Tietje siene Familie oder Vun Tietje sienen Hoff.
Kiek ok nah bi de List vun plattdüütsche Vörnaams
