Мизар

Од Википедија, слободна енциклопедија

Мизар

Мизар-второ откровение

Информации

Потекло

Скопје, Македонија

Жанрови

Дарквејв
Рок

Активни

1983 - 2005

Веб-сајт

www.mizar.com.mk

Членови

Влатко Каевски
Жарко Серафимовски
Илија Стојановски
Горан Трајковски
Горазд Чаповски

Поранешни членови

Катерина Велјановска
Ристо Вртев
Борис Георгиев
Сашо Крстевски
Слободан Стојановски
Горан Таневски

Мизар е македонска рок група формирана во 1983 во Скопје, од членовите на групата: Горазд Чаповски (гитара), Ристо Вртев (вокал), Илија Стојановски (бас гитара) и Панта Џамбазовски (тапани). Името на групата, Мизар, на арапски јазик значи, ѕвезда водилка која на патниците им помага да не се загубат во пустината.

Содржина

1 Историја
- 1.1 Второ откровение
- 1.2 Трето откровение
2 Постава
3 Видете исто така

[уреди] Историја

Самонасловениот деби албум „Мизар“ бил снимен во 1988, со тогашните членови на групата: Горан Таневски (вокали), Горазд Чаповски (гитара), Борис Георгиев (тапани), Сашо Крстевски (бас гитара) и Катерина Велјановска (клавијатури). Продуцент на албумот бил Горан Лисица-Фокс. Албумот го донел незаборавниот хит „Девојка од бронза“, а освен сопствените песни, на албумот се нашла и преработката на македонската народна песна „Зајди, зајди“, на албумот насловена како „Златно сонце“. Во 1991 следел вториот албум „Свјат Dreams“ кој ја донел необичната обработка на "Sweet Dreams" од Eurythmics, обработката на народната „1762 лето“ и песната „Дом“ на Ристо Вртев, првиот пејач на Мизар, денес лидер на Архенгел. По снимањето на албумот, групата ја напуштил пејачот Горан Таневски, кој бил заменет од пејачката Нора. Кон крајот на 1991 престаналаа со работа. Тогаш, Таневски се посветил на организација на концерти, Каевски ја обновил својата група Cyborg, a Чаповски заминал за Австралија каде што во 1993 ја основал Кисмет, продолжение на Мизар.

По објавувањето на неколку албуми, Чаповски во 1999 се вратил во Македонија и продолжил да работи со Кисмет, кој заедно со него, бил сочинуван од Илија Стојановски (бас гитара) и Стефан Поповиќ (тапани). Тие го поттикнале снимањето на дискот „Tribute To Mizar“ (2001) на кој песните на Мизар биле обработени од македонски алтернативни групи како: Ден потоа, Синијак, Music Makers, Ataraxia, No Name Nation, Мајаковски, Brainless Genius и други. Lithium Records во почетокот на [[2003] на компакт-дискови ги ре-издала првите две плочи на Мизар, дополнувајќи ги со претходно необјавени демо и концертни снимки.

[уреди] Второ откровение

Во почетокот, групата била повеќе ориентирана кон рок музиката. Но, во 1985, на местото на Ристо Вртев како пејач дошол Горан Таневски, а како клавијатурист Слободан Стојановски. Истата година снимиле неколку демо песни и тргнале на југословенска турнеја заедно со Laibach и Disciplin a kitschme. Со таа промена го промениле и стилот, и под името „Мизар-второ откровение“ нуделе музика базирана на старословенското пеење, македонскиот фолклор, византиската традиција и дарк звукот.

[уреди] Трето откровение

Во 2002 се родила идејата за повторно собирање на групата поради спектакуларно службено збогување, и наскоро се собрале под името „Мизар-трето откровение“, при што ги збрале сите музичари кои во различните фази доаѓале и заминувале од групата. Во почетокот на 2003 го објавиле синглот „Почесна стрелба“ кој во многу кус период ги срушил сите рекорди на популарност.

Албумот „Кобна убавина“ го снимале од јануари до јули 2003, во студиото Тралала, под продуцентската палка на Горазд Чаповски и Горан Трајковски, а е мастериран во љубљанското Метро, од страна на Јанез Крижај.