Тоше Проески

Од Википедија, слободна енциклопедија

Тоше Проески

Основни податоци
Родено име	Тодор Проески
Познат(а) и како	Тоше Проески
Роден(а)	25 јануари, 1981 Крушево, Република Македонија
Жанр(ови)	Поп, Фолк
Години активност	1996–денес
Веб-сајт	http://www.toseproeski.info/

Тоше Проески, роден Тодор Проески на 25 јануари, 1981 во Крушево е најпопуларниот пејач во Република Македонија и целиот Балкан. Негов заштитен знак е изразот "Ве сакам сите". Музичка кариера ја започнува со настапот на Мелфест во 1997. Патот кон ѕвездите му го отвораат песните Пушти Ме 1997 и Остани до крај 1998. Листата на соработници ги вклучува Григор Копров, Phoebus, Жељко Јоксимовиќ, Леонтина, Марина Туцаковиќ, Бора Чорба, Миро Буљан и др.

Беше претставник на Република Македонија за песна на Евровизија во 2004 во Истанбул, Турција и го освои 14-то место со песната Life.

Во 2004 е именуван за регионален Амбасадор на добра волја на UNICEF. По тој повод ја издава песната За Овој Свет (македонски) и This World (англиски).

Албумот По Тебе, многумина го сметаат за еден од најуспешните албуми на Балканот. Сингловите од овој албум со месеци се задржуваат на највисоките места на музичките топ листи во Македонија, Србија, Хрватска, Црна Гора, Словенија и Босна и Херцеговина.

Моментно ги привршува студиите на Музичката Академија во Скопје и со забрзано темпо работи на музичката кариера во светски рамки.

Неговото последно издание, Божилак, е компилација од 14 избрани традиционални македонски песни. На албумот Тоше е поддржан од симфониски оркестар.

[уреди] Албуми

2000:

Синот Божји

2001:

Некаде во ноќта

2003:

Ако Ме Погледнеш Во Очи
Ако Ме Погледаш У Очи (верзија на српски јазик)

2004:

Ден За Нас
Дан За Нас (верзија на српски јазик)
Тоше Проески - Live (DVD издание)

2005:

По Тебе
Пратим Те (верзија на српски јазик)

2006:

Божилак (Англиски: Rainbow)

[уреди] Најголеми хитови

Како негов најголем хит се смета "Чија Си" со која победи на белградскиот музички фестивал "Беовизија" во 2003.

Чија Си - #1 Македонија, #1 СЦГ, #1 БиХ
Тајно Моја - #1 Македонија
Ако Ме Погледнеш Во Очи - #1 Македонија, #1 СЦГ
Соба За Тага
Life - #1 Македонија, #2 СЦГ #49 Јужна Африка
Жао Ми Је
Кој Ли Ти Гризе Образи (Ко Ти То Гризе Образе) - #1 Македонија, #1 СЦГ, #1 Хрватска
Лагала Нас Мала (со Тони Цетински) - #1 Македонија, #1 СЦГ, #1 Хрватска (20 недели)
По Тебе
Срце Није Камен