കന്യാര്കളി
വിക്കിപീഡിയ, ഒരു സ്വതന്ത്ര വിജ്ഞാനകോശം.
കേരളത്തിലെ ഒരു തനതു നൃത്ത കലയാണ് കന്യാര്കളി. സാധാരണയായി ഉത്സവങ്ങളോട് അനുബന്ധിച്ചാണ് കന്യാര്കളി നടക്കുക.
കുണിശ്ശേരി കുമ്മാട്ടി ഉത്സവത്തിന്റെ തലേദിവസം കന്യാര്കളി നടക്കാറുണ്ട്. ഈ പ്രദേശം പണ്ടുകാലത്ത് കൊങ്ങനാടിന്റെ നിരന്തരമായ ആക്രമണ ഭീഷണിയിലായിരുന്നു. കന്യാര്കളിയുടെ ഉല്ഭവം ഈ പ്രദേശത്ത് അന്ന് പരിശീലിച്ചിരുന്ന ആയോധന കലകളില് നിന്നാണ്. ആയോധന കലകളുടെ പരിശീലനത്തിന് വീര്യം കൂട്ടുവാനും നിറം പകരുവാനും നൃത്തവും ഹാസ്യവും പരിശീലനത്തില് ഇടകലര്ത്തിയിരുന്നു. കളരിപ്പയറ്റിന്റെ ചടുല നീക്കങ്ങളും നാടോടി നൃത്തങ്ങളുടെ താളാത്മകതയും ഈ കലാരൂപത്തില് ഒത്തുചേരുന്നു. മാര്ച്ച്-ഏപ്രില് മാസങ്ങളിലാണ് ക്ഷേത്രങ്ങളിലും തറകളിലും കന്യാര്കളി നടത്തുന്നത്. നൃത്തത്തിന് അകമ്പടിയായി നാടോടിപ്പാട്ടുകളും വാദ്യോപകരണങ്ങളും ഉണ്ടാവും.
[തിരുത്തുക] അവലംബം
-
ഈ താള് പൂര്ണ്ണമല്ല, ഇതു പൂര്ണ്ണമാക്കുവാന് വിക്കിപീഡിയ സംരംഭത്തില് പങ്കാളിയാവുക (ശ്രദ്ധിക്കുക: നവാഗതര്ക്ക് സ്വാഗതം, സഹായക താളുകള്)
