കുണിശ്ശേരി കുമ്മാട്ടി
വിക്കിപീഡിയ, ഒരു സ്വതന്ത്ര വിജ്ഞാനകോശം.
കേരളത്തിലെ പാലക്കാട് ജില്ലയിലുള്ള ആലത്തൂര്‍ പട്ടണത്തിന് 7 കിലോമീറ്റര്‍ അകലെയുള്ള കുണിശ്ശേരി ഗ്രാമത്തിലാണ് പ്രശസ്തമായ കുണിശ്ശേരി കുമ്മാട്ടി നടക്കുന്നത്. മീനമാസത്തിലെ പുണര്‍തം നക്ഷത്രത്തിലുള്ള പൂക്കുളത്തി ദേവിയുടെ പിറന്നാളിനാണ് കുമ്മാട്ടി ആഘോഷം നടക്കുന്നത്.
[തിരുത്തുക] കുമ്മാട്ടി ഉത്സവം
പൂക്കുളങ്ങര ഭഗവതി ക്ഷേത്രത്തിലാണ് കുമ്മാട്ടി ഉത്സവം നടക്കുക.
പാലക്കാടന്‍ നായന്മാരുടെ ഒരു നാടന്‍ കലയായ കന്യാര്‍കളി ഈ ഉത്സവത്തോട് അനുബന്ധിച്ചു നടക്കുന്നു. ഇത് ഉത്സവത്തിന്റെ ഒരു പ്രധാന ആകര്‍ഷണമാണ്.
കുമ്മാട്ടി ഉത്സവ ദിവസത്തില്‍ 10 നെറ്റിപ്പട്ടം കെട്ടിയ ആനകള്‍ ഘോഷയാത്രയില്‍ പങ്കെടുക്കുന്നു. ഉത്സവത്തിന്റെ തലേദിവസമാണ് തനതുകലയായ കന്യാര്‍കളി നടക്കുക. ഈ പ്രദേശം പണ്ടുകാലത്ത് കൊങ്ങനാടിന്റെ നിരന്തരമായ ആക്രമണ ഭീഷണിയിലായിരുന്നു. കന്യാര്‍കളിയുടെ ഉല്‍ഭവം ഈ പ്രദേശത്ത് അന്ന് പരിശീലിച്ചിരുന്ന ആയോധന കലകളില്‍ നിന്നാണ്. ആയോധന കലകളുടെ പരിശീലനത്തിന് വീര്യം കൂട്ടുവാനും നിറം പകരുവാനും നൃത്തവും ഹാസ്യവും പരിശീലനത്തില്‍ ഇടകലര്‍ത്തിയിരുന്നു. കളരിപ്പയറ്റിന്റെ ചടുല നീക്കങ്ങളും നാടോടി നൃത്തങ്ങളുടെ താളാത്മകതയും ഈ കലാരൂപത്തില്‍ ഒത്തുചേരുന്നു. മാര്‍ച്ച്-ഏപ്രില്‍ മാസങ്ങളിലാണ് ക്ഷേത്രങ്ങളിലും തറകളിലും കന്യാര്‍കളി നടത്തുന്നത്. നൃത്തത്തിന് അകമ്പടിയായി നാടോടിപ്പാട്ടുകളും വാദ്യോപകരണങ്ങളും ഉണ്ടാവും.
[തിരുത്തുക] കുണിശ്ശേരിയിലേക്ക് എത്തിച്ചേരാനുള്ള വഴി
- ഏറ്റവും അടുത്തുള്ള റെയില്‍‌വേ സ്റ്റേഷന്‍: പാലക്കാട്, ഏകദേശം 28 കിലോമീറ്റര്‍ അകലെ.
- ഏറ്റവും അടുത്തുള്ള വിമാനത്താവളം : കോയമ്പത്തൂര്‍ (തമിഴ്നാട്), ഏകദേശം 55 കിലോമീറ്റര്‍ അകലെ.
-
ഈ താള്‍ പൂര്‍ണ്ണമല്ല, ഇതു പൂര്‍ണ്ണമാക്കുവാന്‍ വിക്കിപീഡിയ സംരംഭത്തില്‍ പങ്കാളിയാവുക (ശ്രദ്ധിക്കുക: നവാഗതര്‍ക്ക് സ്വാഗതം, സഹായക താളുകള്‍)
