Talk:കേരളത്തിലെ മതങ്ങള്‍
വിക്കിപീഡിയ, ഒരു സ്വതന്ത്ര വിജ്ഞാനകോശം.
ഈ ലേഖനം കേരളത്തിലെ മതങ്ങളെപ്പറ്റിയല്ലേ..ജാതിതിരിച്ചുള്ള പേരുകളാണല്ലോ കൂടുതലും.ഈ വര്‍ഗ്ഗീകരണ രീതി എവിടുന്നാണെന്ന് അറിഞ്ഞാല്‍ കൊള്ളാമെന്നുണ്ട്.കാരണം എന്റെ അറിവു വച്ച് കേരളത്തില്‍ ഒരു പ്രത്യേക വ്യവസ്ഥയായിരുന്നു ജാതികളിലുണ്ടായിരുന്നത്.ചാതുര്‍വര്‍ണ്യം കേരളത്തിന്റെ പ്രത്യേക അവസ്ഥയിലും ഭാരതത്തില്‍ പലയിടത്തും പ്രായോഗികമായ ഒരു വര്‍ഗ്ഗീകരണ വ്യവസ്ഥയല്ല. ജാതിയുടെ തനിമ അതായത് ചാതുര്‍വര്‍ണ്യം എന്ന വൈദിക രീതിയുടെ തനിമ കാലാകാലങ്ങളായി കാത്തുപോകുന്നത് ബ്രാഹ്മണരും ചില ക്ഷത്രിയ വിഭാഗങ്ങളും മാത്രമേയുള്ളൂ.വടക്കേ ഭാരതത്തിലും മറ്റും ആ രീതികളില്‍ വൈശ്യരും മറ്റുമുണ്ട്.പക്ഷേ മിക്ക സ്ഥലങ്ങളിലും ചാതുര്‍വര്‍ണ്യം എന്ന നാലു ജാതിയായി പറയുന്ന രീതി നിലവിലില്ലായിരുന്നു.
ഉദാഹരണമായി പല ചരിത്ര പുസ്തകങ്ങളിലും നായര്‍ എന്നത് ക്ഷത്രിയ വിഭാഗമാണെന്ന് അവകാശപ്പെടുന്നു.ജോലിയനുസരിച്ചാണെങ്കില്‍ ക്ഷത്രിയരായും വൈശ്യരായും നായന്മാര്‍ ജോലിചെതിരുന്നു. ഭരണവും യുദ്ധവും ക്ഷത്രിയനും കൃഷിപ്പണി വൈശ്യനുമാണല്ലോ കല്‍പ്പിച്ചിരിയ്ക്കുന്നത്.ചിലര്‍ സാമന്ത ക്ഷത്രിയരാണ് തങ്ങളെന്നവകാശപ്പെടുന്നു. തമ്പിമാരും എട്ടു വീട്ടില്‍ പിള്ളമാരും തിരുവിതാംകോട്ട് ഭരണത്തില്‍ വന്ന്ഇരുന്നെങ്കില്‍ ചരിത്രം മറ്റൊന്നായേനേ:)
കേരളത്തിലെ വര്‍മ്മമാര്‍ ക്ഷത്രിയരാണെന്ന് ചില ബ്രാഹ്മണ വിഭാഗക്കാര്‍ അംഗീകരിയ്ക്കാറില്ല.(അങ്ങനെ വന്നാല്‍ മിക്ക കോവിലകങ്ങളും ക്ഷത്രിയരല്ല).പിന്നെ അമ്പലവാസികള്‍ ബ്രാഹ്മണരോ ക്ഷത്രിയരോ വൈശ്യരോ ശൂദ്രരോ അവര്‍ണ്ണരെന്ന് പറയപ്പെടുന്നവരോ ഒന്നുമല്ല.കാരണം വൈദിക വിധിപ്രകാരം ഉപനയനവും സമാവര്‍ത്തനവുമൊക്കെ ബ്രാഹ്മണ ക്ഷത്രിയ വൈശ്യ വിഭാഗങ്ങളില്‍ വേണമെന്നുണ്ട്. അമ്പലവാസികളില്‍ പലരും ഇത് അനുഷ്ടിക്കാറില്ല.ഒരു ചാതുര്‍വര്‍ണ്ണ വിഭാഗക്കാരും മരുമക്കത്തായം പിന്തുടരാറില്ല.കേരളാ ക്ഷത്രിയര്‍ എന്നു വിളിക്കപ്പെടുന്നവര്‍ മരുമക്കത്തായികളാണ്.
ചുരുക്കിപ്പറഞ്ഞാല്‍ വൈദികവിധിപ്രകാരമാണ് ചാതുര്‍വര്‍ണ്യം പറയുന്നത്. കേരളത്തില്‍ വൈദികമല്ലാത്ത ചിന്താ- ആരാധനാ-രീതികളാണ് പണ്ടുമുതലേ ഉള്ളത്. ശാക്തേയ രീതിയായിരുന്നു..പണ്ടും ഇപ്പോഴും ആരാധനയില്‍ പ്രബലം. അതൊക്കെക്കൊണ്ട് തന്നെ ചാതുര്‍വര്‍ണ്യവിധിപ്രകാരമുള്ള വര്‍ഗ്ഗീകരണം കേരളത്തില്‍ ചേരില്ല. നമ്പൂതിരിമാരും മറ്റ് ബ്രാഹ്മണരും പലപ്പോഴും അങ്ങനെയൊരു വര്‍ഗ്ഗീകരണത്തിനു ശ്രമിച്ചിച്ചുണ്ടെന്നത് നേര്. പക്ഷേ അത് ചരിത്രവുമായി ഒത്തുപോകുന്നില്ല. പിന്നെ ഇന്റെര്‍നെറ്റില്‍ നമ്പൂതിരി എന്ന് ഒരു വെബ്സൈറ്റിലാണ് വീണ്ടും ഇങ്ങനെയൊക്കെയൊരു വര്‍ഗ്ഗീകരണം കാണാന്‍ സാധിച്ചത്.
ചട്ടമ്പി സ്വാമികള്‍ മുതല്‍ ശ്രീധരമേനോന്‍ വരെയുള്ള ഏതെങ്കിലും ചരിത്രകാരന്മാരുടെ പുസ്തകങ്ങള്‍ ആരുടെയെങ്കിലും കൈവശമുണ്ടോ? കാളിയംബി 13:25, 19 ഡിസംബര്‍ 2006 (UTC)
ഇത് ചരിത്ര പുസ്തകത്തില്‍ നിന്നെഴുതിയതല്ല. അവലംബിച്ചിരിക്കുന്നത് മനോരമ ഇയര്‍ ബുക്ക് 2006 മാത്രം. അവര്‍ ആശ്രയിച്ചിരിക്കുന്നത് ഗവര്‍ണ്മെന്റ്റിന്‍റെ വിജ്ഞാപനങ്ങളെ. താങ്കള്‍ പറയുന്നത് ശരി തന്നെ. എന്നിരുന്നാലും തെളിവുകള്‍ സഹിതം ലേഖനത്തില്‍ മാറ്റം വരുത്താവുന്നതാണ്. ചരിത്രവുമായി ഒത്തുപോകുന്നില്ല എന്നു പറയുന്നത് എന്തടിസ്ഥാനത്റ്റിലാണ്. കോസംബി വരെ ഇതെഴുതിയിട്ടുണ്ട്. പിന്നെ ഇവിടെ അമ്പല വാസികള്‍ എന്നു പറഞ്ഞിരിക്കുന്നത് അമ്പലവുമായി ബന്ധപ്പെട്ടവരെയെല്ലാം ആണെന്നു തോന്നുന്നു കേട്ടോ. അമ്പലവാസികള്‍ക്ക് ഉപനയനം ഇല്ലാ എന്ന് എവിടെയാണ് പറഞ്ഞിരിക്കുന്നത്.എന്റെ അയല്‍വാസി ഒരു മാരാര്‍ ആണ് അവര്‍ പൂണൂല്‍ ധരിക്കും ഉപനയനവും കഴിഞ്ഞതാണ് എന്നാല്‍ അവരുടെ ചില ബന്ധുക്കള്‍ പൂണൂല്‍ ഉപേക്ഷിച്ചു. പക്ഷേ ജാതിപ്പേര്‍ ഉപേക്ഷിച്ചില്ല. എങ്കിലും വിശധമായ പഠനം വേണ്ടതാണ് ഇതില്‍. ഞാന്‍ ഇതിനായി ഒരു പുസ്തകം മാത്രമേ വായിച്ചുള്ളൂ. പിന്നെ ശ്രീധരമേനോന്‍, ബാലകൃഷണന്‍, കുറുപ്പ് തുടങ്ങിയ പുസ്തകങ്ങള്‍ എന്റെ പക്കലുണ്ട്. --ചള്ളിയാന്‍ 13:42, 19 ഡിസംബര്‍ 2006 (UTC)
[തിരുത്തുക] ജാതികള്‍
ശ്രീമാന്‍ ചള്ളിയാന്‍,
ചട്ടമ്പി സ്വാമികളുടെ പ്രാചീന മലയാളം എന്ന കൃതിയിലാണെന്നു തോന്നുന്നു ഈ വാദങ്ങളെപ്പറ്റിയുള്ള വസ്തുതകള്‍ കണ്ടത്.മറ്റു ചില ചരിത്ര പാഠപുസ്തകങ്ങളിലും, എന്‍ ബീ എസ് പ്രസിദ്ധീകരിച്ച കേരളാ ചരിത്രത്തെപ്പറ്റിയുള്ള ഒരു പുസ്തകത്തിലും ജാതികളെപ്പറ്റി വിശദമായി പറഞ്ഞിരുന്നു.(കേരളത്തിന്റെ പ്രാചീന ചരിത്രം?) (ഏഴുതിയയാളിന്റെ പേരോര്‍മ്മയില്ല. ഒരു തടിയന്‍ പുസ്തകമാരുന്നെന്ന് മാത്രമോര്‍മ്മയുണ്ട്. ചുവന്ന കട്ടിത്തുണികൊണ്ടുള്ള കവറായിരുന്നു.:))
അമ്പലവാസികള്‍ക്ക് സാധാരണ ഉപനയനം ഞാന്‍ കണ്ടിട്ടില്ല..ഇല്ലാത്തത് പുതിയ പരിഷ്കാരമാണോ എന്നറിയില്ല.(ഉപനയനം പുതിയ പരിഷ്കാരമാണോ എന്നും ശ്രദ്ധിയ്ക്കേണ്ടതുണ്ട്) എന്റെ കയ്യില്‍ ഇന്റെര്‍നെറ്റല്ലതെ യാതൊരു ടൂളുമില്ല..പുസ്തകങ്ങളൊന്നും തന്നെയില്ല.മേല്‍പ്പറഞ്ഞ പുസ്തകങ്ങളുള്ളവര്‍ക്ക് ഈ കാര്യം എളുപ്പത്തില്‍ സാധിയ്ക്കാവുന്നതേയുള്ളൂ.
സര്‍വ്വവിജ്ഞാനകോശം എന്താണെഴുതിയിരിയ്ക്കുന്നതെന്ന് അറിയാമോ? ജാതികളെപ്പറ്റി വിശദമായ പഠനങ്ങള്‍ അതില്‍ കണ്ടിരുന്നു.
തിരഞ്ഞു പോകുമ്പോള്‍ നായരെപ്പറ്റിയൊരു ലേഖനം ആംഗലേയ വിക്കിപീഡിയയില്‍ കണ്ടു.അവിടെ രസകരമായ സംവാദങ്ങളും കണ്ടു..:)ഏതാണ്ട് ഇതുപോലെയൊക്കെ തന്നെ ആ സംവാദങ്ങള്‍ ഒന്നു നോക്കുന്നത് നല്ലതായിരിയ്ക്കും. കേരളത്തില്‍ ചാതുര്‍വര്‍ണ്ണ്യം വലിച്ചിഴയ്ക്കേണ്ടതില്ല എന്നാണേന്റെ ഇപ്പോഴത്തേയും അഭിപ്രായം. ആധികാരികമായി ഉദ്ധരിയ്ക്കാന്‍ പുസ്തകങ്ങളുടെ കുറവുകൊണ്ട് തിരുത്തുന്നില്ല.
വെറുതേ എഴുതുന്നത് അഭിപ്രായമേ ആകുന്നുള്ളൂ.വിദഗ്ധര്‍ ചര്‍ച്ച ചെയ്യപ്പെട്ട പഠനങ്ങളില്‍ നിന്നാണ് ഒരു വിജ്ഞാന കോശത്തിലേയ്ക്കുള്ളത് ചേര്‍ക്കേണ്ടത് എന്ന് എന്റെയൊരു മനസ്സിലിരിപ്പാണ്.
പിന്നെ വിഷയമല്ലാത്തതൊന്ന്..ലേഖനങ്ങളെഴുതുമ്പോള്‍ എടുത്തെഴുതിയതെവിടെനിന്നാണെന്നൊക്കെയുള്ള നമ്പരുകള്‍ എങ്ങനെയാണ് ലിങ്കു നല്‍കി എഴുതുന്നത്. കാളിയംബി 18:36, 19 ഡിസംബര്‍ 2006 (UTC) നന്ദി
