ഡോണ്‍ ഫ്രാന്‍സിസ്കോ ഡ അല്മേഡ
വിക്കിപീഡിയ, ഒരു സ്വതന്ത്ര വിജ്ഞാനകോശം.
ഡോണ്‍ ഫ്രാന്‍സിസ്കോ ഡ അല്മേഡ 1450ല്‍ ജനിച്ചു. അദ്ദേഹം ഒരു പോര്‍ച്ചുഗീസ് സൈനീക അഡ്മിറല്‍ ആയിരുന്നു. 1503-ല്‍ അദ്ദേഹം ഇന്ത്യയിലേയ്ക്കു വന്നു. അദ്ദേഹം കോഴിക്കോട് സാമൂതിരിയെ യുദ്ധം ചെയ്തു തോല്‍പ്പിച്ചു. ഇത് പോര്‍ച്ചുഗീസുകാരുടെ ഇന്ത്യയിലെ ആദ്യത്തെ സൈനീക വിജയമായിരുന്നു. അദ്ദേഹമാണ് 1505-ല്‍ കണ്ണൂരിലെ സെന്റ് ആഞ്ജലോ കോട്ട കെട്ടിയത്. ഡച്ചുകാര്‍ ഈ കോട്ട പോര്‍ച്ചുഗീസുകാരില്‍ നിന്ന് 1663-ല്‍ പിടിച്ചടക്കി അറക്കല്‍ രാജ്യത്തെ അലി രാജയ്ക്കു വിറ്റു. ഡോണ്‍ ഫ്രാന്‍സിസ്കോ ഡി അല്മേഡ ഇന്ത്യയില്‍ മറ്റു പല കോട്ടകളും നിര്‍മ്മിച്ചു. എങ്കിലും തന്റെ കപ്പല്‍ പടയുടെ ശക്തികൊണ്ട് കടലിലെ വ്യാപാരം നിയന്ത്രിക്കുന്നതിലായിരുന്നു അദ്ദേഹത്തിന് കൂടുതല്‍ താല്‍‌പര്യം.
1505-ല്‍ അല്മേഡ ആഫ്രിക്കയുടെ കിഴക്കേ തീരത്തേയ്ക്കു യാത്രയായി. അദ്ദേഹം അറബികളില്‍ നിന്ന് സുഗന്ധവ്യഞ്ജന വ്യാപാരത്തിന്റെ കുത്തക പിടിച്ചെടുത്തു. ആഫ്രിക്കയില്‍ അദ്ദേഹം കില്‍‌വ, സൊഫാല, എന്നീ സ്ഥലങ്ങളില്‍ കോട്ടകള്‍ നിര്‍മ്മിച്ചു. മൊംബാസ എന്ന സ്ഥലം അദ്ദേഹത്തിന്റെ സൈന്യം ചുട്ടുകരിച്ചു. തങ്ങളുടെ വാണിജ്യ താല്പര്യങ്ങള്‍ക്ക് ആപത്തു മണത്ത ഈജിപ്തുകാര്‍ വെനീസിന്റെ സഹായത്തോടെ ഒരു കപ്പല്‍പ്പട നിര്‍മ്മിച്ച് അല്‍മേഡയുടെ മകനെ 1508-ല്‍ ചൌള്‍ എന്ന സ്ഥലത്തുവെച്ച് കൊലപ്പെടുത്തി. 1509-ല്‍ അല്മേഡ ഈജിപ്തുകാരെ തോല്‍പ്പിച്ചു.
ആഫ്രിക്കയിലെ ഖോയ്ഖോയ് വര്‍ഗ്ഗക്കാര്‍ ഗുഡ്‌ഹോപ്പ് മുനമ്പിനടുത്തുവെച്ച് അല്‍മേഡയെ 1510-ല്‍ കൊലപ്പെടുത്തി.
[തിരുത്തുക] ഇതും കാണുക
Template:Portugal-bio-stub
