शनिवार वाडा
Wikipedia कडून
शनिवार वाडा ही पुण्यातील ऐतिहासिक वास्तू आहे. शनिवार वाडा हे श्रीमंत पेशवे यांचे निवासस्थान होते.
[संपादन] इतिहास
शनिवार वाडा श्रीमंत बाजीराव पेशवे (पहिले) यांनी बांधला. त्याच्या बांधकामाची सूरूवात जानेवारी १०, १७३० रोजी झाली. श्रीमंतांनी स्वत: लाल महालातून माती आणून त्याची पायाभरणीची सुरूवात केली. बांधकाम वेगाने करण्यात आले. अखेर तत्कालीन १६,०१० रुपये खर्चून, शनिवार वाड्याचे बांधकाम जानेवारी २२, १७३२ रोजी पूर्ण झाले.
जेव्हां श्रीमंत शाहू महाराजांना कळले की पेशवे पुण्यात मोठा किल्लेवजा वाडा बांधत आहेत, तेव्हा त्यांच्या सरदारांना भीती वाटली की पेशवे शिरजोर होउ पहात आहेत. तेव्हा शाहू महाराजांनी पेशव्यांना लिहीले की तट मातीचे नाही, छातीचे करायचे असतात.
[संपादन] इमारत
शनिवार वाड्याची इमारत २१ फूट उंच होती आणि तिच्या चारही बाजूने ९५० फूट लांबीची तटबंदी भिंत होती. ही भिंत आणि बुरूज आजही पुण्यातील मध्यवस्तीत दिमाखाने उभे आहेत. वाड्याभोवतालच्या भिंतीला पाच मोठे दरवाजे व नऊ बुरूज आहेत. येथून जवळच मुठा नदी वाहते.
