Gerke
From Wikipedia
Gerke (ok Gehrke) is een plattdüütschen Vörnaam for Jungs.
[Ännern] Herkamen
De Vörnaam Gerke kümmt vun den olen germaanschen Naam Gerhard vun her. Dor steekt de Wöör Ger (dat heet Speet oder Speer) un hart (dat heet stark) in. Gerhard bedutt so wat as: De stark is mit den Speer.
[Ännern] De plattdüütsche Naam
De plattdüütsche Naam weer meist een korte Form vun den olen Naam, de dorachter steken dö. Düsse korte Form is woll Gero oder sowat in de Aart ween. As dor denn een Smusenaam for lüttje Kinner vun maakt weern scholl, keem dor dat Anbacksel -ike achteran. Düt Anbacksel weer een Suffix to'n lüttjer maken (Diminutiv). So is vun den Naam Gero de Smusenaam Gerike vun wurrn. De is mit de Tiet denn afslepen un so is dor denn de Naam Gerke vun wurrn. As dat noch keen Duden un keen Sass geven dö, is dat denn ok woll Gehrke oder ok Gercke schreven wurrn.
[Ännern] Tonaams
De plattdüütschen Tonaams Gerke oder Gehrke oder ok Gercke kaamt vun düssen Vörnaam Gerke vun her. De Tonaam bedutt soveel, as: De ut Gerke sien Familie kummt.
Kiek ok nah bi de List vun plattdüütsche Vörnaams
